بالصوت المطران نصار لجنبلاط: بس انا اتدخل عندك بالمختارة، انتا بتدخل ببيتي.. (Audio)

– ما حدا في يمنعني من اعلان الحقيقة المستترة
– الفو علينا خبار، لأنو منن ولاد حلال.. والكذب من الشيطان
– سأبقى ابن الكنيسة، مهما كان الظلم كبير وكلنا بدنا نكون هيك
– قرأت 2000 صفحة حتى حافظت على ملكية نبع الصفا للأبرشية…
الأجزاء 1-2-3-4-5 + قرار الطاعة + الموقف +

مقتطف من حديث المطران نصار في مؤتمر الصحفي: الجزء 5 والأخير:

يستمر موقع “Agoraleaks.com” الإضاءة على الحقائق الذي دافع عنها المطران نصار، مع تخلي المراجع العليا في الكنيسة من الشهادة للحق،

نعم نقولها وضميرنا مرتاح، روح الله تخفت كلما ارتفع كهنتنا بالمقامات، انها الشريعة المنمقة التي تتغلغل فتقنعنا أن الشهادة للمسيح تكون بمسايرة السياسيين ولهم حساباتهم الآنية، فنزيح عن قول الحق..

في هذا الجزء يتحدث المطران نصار، عن تمادي جنبلاط، وسعي مرجعيات سرقة ماء نبع الصفا، وعن محاصرة صوته حتى لا يصل الى قداسة البابا، ويؤكد التزامه الطاعة مفضلاً البقاء الى جانب رعيته المتألمة:

• انا ما تحديت النائب وليد جنبلاط، وما تحديت حدا
• بس قررت عمّر مشروع بالشوف، عمرتو واعتبرت حالي مستقل بقراري، ما بدي اذن حدا من السلطات
• انا لو كنت عارف بوقتا، وبصراحة انو التنظيم المدني بالشوف هوي محررّ من الإرادة السياسية
  وفيي قدملو مشروع، متلي متل أي لبناني واخضع للأنظمة اللبنانية كنت فعلت ذلك
• انا عمرّت من دون رخصة بوقتا، مش لأنو بدي اقلب على النظام اللبناني
  بس لأنو بدي اقلب على هالسيطرة اللي عم يقوم فيها الإستاذ وليد جنبلاط بأول مرحلة أو غيرو من السياسيين
• هوي اجا صوبي، قلتلو
  بس انا اتدخل عندك بالمختارة، انتا بتدخل بالبيت

زباااال نيويورك يصف الموارنة بالجنس العاطل..
واعلام يُبخر لرهاناته الخاطئة…

• من بعد هالقصة بقيت مادد ايدي لجنبلاط، ما اسأت لالو
  كان يدعيني وكنت اطلع، لكن بعض وسائل الإعلام ضخموا القصة وكأنو في عداوة
• نعم في اختلاف بوجهات النظر،
  طبعاً كنت عم ادعي لقانون انتخابي عادل،
  معليش كل انسان ياخود حجمو، بدن يسمحولنا كل السياسيين بلبنان
• مش انا اختلفت معو، إذا هوي ما بيعجبو هالمنطق عم احكيه، صار شأنو
• بمواضيع الزيارات، ما انكفأت ولا مرّة من تلبية دعوات السيد جنبلاط،
  لما كانت تجي شخصيات ويدعيني، عم كون موجود فوق
• بس للأسف الإعلام، المطران مختلف مع كل السياسيين
  لاق سمحولنا،
  حتى بصيدا بتعرفو كنت دايماً موجود بالإحتفالات الكبرى عند الكل، رغم الإختلاف بالرأي السياسي

• كل سياسي عم يمدّ ايدو على المال العام انا ما بلتقي معو
  بحترمو كانسان، ما بضمرلو الاّ الخير
  منو عدوي، بس إذا صرت عدووو، هيدا شأنو
• حطوني بخانة، انو المطران ما مخلى حدا من السياسيين
  انت بتقول اللي بدك ياه، واذا مطران حكي.. ممنوع يحكي
  سمحولنا فيها
  انا ما حكيت من زاوية سياسية، لو فُسرّو هيك
  لم ادعم الا فكر ونهج كل انسان نضيف، أنا معو
  كل انسان نضيف الكفّ والفكر والقلب المطران الياس نصار معو

عن المحاكمة دون محاكمة، يقول:

هنا خلقنا، وهنا نُدفن… رح نبقى هون

• إذا وصلنا لهيك محاكمة دون دفاع عن النفس، فمن حقي شوف بيّي قداسة البابا
• ما عطاني حدا جواب، بعتلو ردّ على الموضوع
  عرض عليي البابا روح على اوروبا،
  انا قلت بروح عَ روما بقابلو بالأول، وبنقلو انا الجواب
  كمان ما في جواب على الكتاب
• بعد 3 أسابيع كتبت كتاب واعتذرت من البابا واستشهدت بكلام لالو عم يحضّ فيه أحبار منطقة الشرق، يكونو حدّ شعبن المتألم
  شو بدي اعمل بأوروبا
  بدي روح كزتر واعمل سياحة
  بتعرفوني وين عملت سياحة، ورا مكتبي
  بمكتب مسكّر، وشبابيكو مسكّرة
  هونيك عملت سياحة كل هالـ 11 سنة
• مش اعتراض على قداسة البابا، ولا عدم طاعة
  انا عارف قداسة البابا، لم يوضع كفاية بأجواء ملفي
  قداسة البابا عندو العالم كلّو
  كرمال هيك كنت حابب شوفو، وحقي شوفو بهيك مسألة
• هالمهمة انا زائر رسولي بأوروبا،
  وأنا في عندي زائر رسولي هون.. كيف الأمور بتنقلب..
  انا استناداً لكلام قداستك وتشجيعو نبقا مع شعبنا، انا بفضل ابقا مع شعبي بالأبرشية..

الطاعة للكنيسة:

•  انا بن الكنيسة، وقلتا بكلمتي
• سأبقى ابن الكنيسة، مهما كان الظلم كبير عليي
• كلنا بدنا نكون هيك، انا وانتو، منحمل الوجع بقلبنا
• عملت مؤتمر صحفي، بوقت كانو كتار عم ينهوني عنو،
  أصريّت، لأني ما مارستو بالدفاع عن نفسي بقصة الوصول لهون
• لازم يعرفو ولاد ابرشيتي كما كل الناس، واللي عندن محبة لإلي يعرفو شو صار
  اصريت على المؤتمر الصحفي، مهما كانت النتيجة

• قداسة البابا انا خاضع لإلو، ولكن ما حدا في يمنعني من اعلان الحقيقة المستترة

•  الفو علينا خبار، لأنو منن ولاد حلال
  لأنن منن ولاد الله
  ما في حدن بيعتبر حالو ابن الله، ويقول أكاذيب وافتراءات
  ما حدا، مين مكان يكون
  الكذب هو من الشيطان
  وكتار اليوم مخضعين نفوسن ومنتميين لمملكة الشيطان بقول الأكاذيب

عن قصة ماي نبع الصفا:

منظر عام لشلالات نبع الصفا.. شكراً مطران نصار

• الماي كانت مصادرة ابان الحرب والتهجير
  وعَ شوي كان في حركة ناشطة سياسية، على مستوى القيادة العليا بالدولة اللبنانية لاتخاذ حق المطرانية بالماي
• هيدا الحق مكرّس من أيام الأمير بشير بصك هبة
  وأيضا بمرسوم جمهوري 1929
  كان في مجموعة تحط ايدا على الماي وتاخدا
  طبعاً عملت ما يجب، لثبتت ملكية وانتفاع الماي للمطرانية وليللي بينتفعو منا
  واعدنا هذه الحقوق اللي كانت على شفير انو تروح
• وميشان هيك كان في زعل عند اقطاب سياسيين عند الصف الأول
  وطالبو باقالتي من هيداك الوقت
• باجراءات قضائية قدرنا ننتزع الحق
  وهيدا طبعاً ملف الماي، بيجي شي حوالي 2000 صفحة واكتر
  ومن اول سنة وأنا عم اقراه صفحة صفحة،
  لعملت هالإنجازات هيدي

رصد Agoraleaks.com

الجزء 4…

بالصوت القصة الكاملة لرهن بيت المطران نصار… (Audio)

الجزء 3

بالصوت المطران نصار: الراعي رفض مساندة الناس.. وانا شخصياً بعت ليرات الدهب وتعهدت باعادتن (Audio)

الجزء 2

بالصوت الياس نصار: البطرك الراعي سألني وجاوبتو.. ويسوع قلنا نمشي بالنور بدن يمشو بالظلام (Audio)

الجزء 1

بالصوت الياس نصار: انا صرت كاهن للرب يسوع حتى اخدم شعبو.. (Audio)

موقف المطران نصار

خاص – كلمة المطران نصار كاملة: ملفي نضيف باقرار الجميع والمحاكمة غير قانونية وخطة من الراعي لوقف عملي الأبرشي (Audio)

قرار الطاعة والصلاة للذين أساءوا

بالصوت موقف المطران نصار: اطيع قرار قداسة البابا وأصلي لأجل الذين اساءوا اليّ (Audio)