بالصوت المطران نصار: الراعي رفض مساندة الناس.. وانا شخصياً بعت ليرات الدهب وتعهدت باعادتن (Audio)

مع تقصير السلطة الكنسية العليا بالوقوف بجانب الحق، “Agoraleaks.com” مستمرّ بالإضاءة عَ الحقائق بتدوينها…
– عملو قصة من 268 الف $
– ايه عنا مشاكل لأنو في ناس ما عندا روح الله..

قصة بيع الذهب من مطرانية صيدا كما رواها المطران نصار في مؤتمره الصحفي: (الجزء 3)

• السؤال اللي ما بدي جاوب عليه، هوي الجواب اللي ربما بجوابي يمسّ بكرامة حدن
• انا لحديد هلق شفتوني سكتت 3 سنين، حملتن بجلدي، حتى ما هين حدا من الناس، وخاصة اللي أساءوا لالي
• نحنا مآمنين بالعيش الواحد في لبنان، ولما خدمت صيدا وانا ابن إقليم التفاح
  نحنا بهالمنطقة معودين يعيش المسيحي الى جانب المسلم ونكون بشراكة كاملة بالحياة
• بلشت مشاريع سكنية، مش لأنو انا مهندس وأنا بحب البناء
  ولا لأنو ما عندي وقت، ورحت عمّر للناس
  نحنا بايماننا بالعيش هون، ولما الأسباب اللي خلّت شعبنا يفلّ من هون، ومن بعد ما فلْ واستوطن لسنوات عديدي بمناطق بعيدي ببيروت
• الإنسان اللي تغرّب عن أرضو، صار في سهولي ل يبيع الأرض
  وبهالموضوع طبعاً في مخطط، لحتى يقسمو لبنان متل ما بدن يقسمو الشرق كلو سوا
• ايماناً مني بالعيش مع الشريك وبهالمنطقة ليبقى لبنان على صورة الموزاييك متل ما وصفو قداسة البابا يوحنا بولس التاني
• لما شفنا انو الشباب عم تفل وتترك، ومش بس عَ بيروت، عم يروحو على أوروبا وعلى الغرب
  ساعتا كانت قصة المشاريع السكنية ضرورة، تنقول للناس حدكن ونحنا معكم

الراعي.. يحب العمل بالأضواء وكلامه عسل…

• بلشنا بالمشاريع من بعد ما طلعت عَ بكركي وأخدنا بركة سيدنا البطرك
  لهالدفع المعنوي، قمنا اعلننا 3 مشاريع كبار (صيدا – جزين – الشوف العالي) وتحملّت مسؤوليتن شخصياً
  انو يفل المسيحي من هون، بعتقد المسلم ما رح يكون ممنون ولا رح يكون فرحان
  ونحنا مش رح نكون فرحانين، لأنو تعودنّا نعيش مع الآخر
• اللي صار بعد ما بلشنا بالشغل، وبعد كل الموافقات والتفاهمات مع المصارف والناس ومع أصحاب الأراضي، صار الوضع السياسي اللي بتعرفو
• حملة رهيبة، ما ضل في حدن الاّ بتوقيف المشاريع
  وكان المناوئين لالي، بدن يسقطوني مالياً، ويسقطو صورتي تجاه الناس
  خوفو الناس، كأنو صرت مطران بدي انصب على الناس مالن وفلْ
• لما صار في تضييق علينا بالمصارف، مدّت الأمور
  وصار في تضييق على الدوائرالرسمية حتى ما يعطونا التراخيص، والشغلة اللي بدها جمعة أخدت شهرين
• شو بدي قول للناس طولو بالكم
  طولو بالن قد ما فيهم.. اللي بدو ينسحب عطيتو مصاري

قصة الدهب.. بدها هالمقدمة تتعرفو

• انا مني تاجر بناء.. الناس صار بدها مصرياتا.. شو منعمل
• آخر شي في صورتي بالدقْ، وفي مصداقيتي بالدق تجاه الناس
• هلق فيني قول، قصدنا مع كل المسار الصعب مرجعيتنا الدينية وطلبت منها المساعدة، وشفهياً وبكتاب خطي
• يا عمي إذا عارفين في محاربة، وانتو مش مسؤولين بهالمحاربة، حطو ايدكم معي
• عملياً لم احظى على مساعدة
• شو بقالي آخر شي؟ انا باسم مين عم اشتغل؟ انا لو مهندس ما كنت عملت خوري ومطران
• حتى انا ما استعملت أراضي الوقف لعمّر عليا، ما رهنت ارض الوقف
• دراسة المشروع المالية كانت مدروسة،
  لأنو البعض من اخواني اللي اشتغلو بملفي، أنو كأني أنا جايي من الطريق وما بعرف اشتغل نظام مالي
• لاق انا مع البنك كل الخطوات مدروسة
  بس اليوم في مين ضغط على البنوكي من جهات مرجعيات عالية وكلامها مسموع
  وبالتالي وقفت المصارف
• بقوم انا في ليرات ذهب بخزنة المطرانية  (ما الها قيمة الاّ وزنا دهب)
  لمعلوماتكم انا شخصياً نزلت على سوق صيدا وبرج حمود لحتى شوف بعينيّ ما اغبن المطرانية بفلس

إشهد للحق..

• وسألت الها قيمة لليرة.. لاق قيمتها ذهب
  والله وصلنا لتاجر الجملة، يللي بيعطي السوق كلو
  ساعتا انا بحكي مع اللجنة الاقتصادية هون، مع القيّم. مع المحامي ومنقلن القصة
  معليش العالم نحنا عم نخدما، نحنا مش جايين الاّ المنيح معاااا
  بدها مصرياتا، معليش منبيع الدهبيات ومندخلن كأنن قرض
  عمل كتير بديهي وكتير بسيط
• ما انا طالع آخود مصاري من بكركي
  هيي عملية سندي حتى نوقف على أجرينا
  وبعنا الدهبيات، ومع الأسف عملو منها قصة
• معليش بدي قول الرقم على الإعلام 268 الف $ حق شقّة
  ليش عملو منا قصة… الهمّ بس تشويه صورةالمطران ليس الاّ
• لما بعت الدهبيات واستلمت المصريات وجبت الشيك، حطيت سعر صرف الدولار بوقتا، وقديه قيمة اونصة الدهب
  حطيت وزن الدهبيات، وعاهدت نفسي انو رجعون كيلو ونص زيادة على الخزنة
  وهذا العهد الشركا اللي معي بالهيئة الاقتصادية معن خبر فيه
  ورح رجع الدهبيات مع فايدتن وطبعاً مع فايدة المصريات

الموارنة وبطاركتهم فضلو رهن أراضيهم وبيع الدهب لخمدة الناس..  

• شو عملنا بالمصاري فوتناه بحساب المطرانية وصرنا نعطي شيكات،
  وكيف عرفو البعض، لأنو هالقد شفاف
  عطيت شيكات من المطرانية للناس اللي بدها تنسحب وكلشي محطوط بالمحاسبة
• لما اجو الأخوان واجو شافو،
  بس عرفو سكتو عن الموضوع
  بس آخر شي هون خبرية وهون خبرية، شقعوهن
• ايه عنا مشاكل لأنو في ناس ما عندا روح الله
  في ناس ما بتعرف الخدمة
  في ناس ما بتعرف الخير
  إذا في فيها شرّ بتقلبو على غيرا، وبتفكرني انا شرير
  او بشيلو مننون وبحطو فينا
• لاق يا عمي، الحمد لله عملنا واضح
  عملنا في الضوء، وكل شيء واضح، وما فيشي مخبّى
• لما عرفوالبعض اللي عملولنا هيصة وطنّة
  شوي انتهت القصة وكأنو شيئاً لم يكن
  وهيدا الجو ما بيتنقى الاّ بتغيّر الطبقة الحاكمة بلبنان

رصد Agoraleaks.com