Agoraleaks Agoraleaks
هكذا المصارف تآمرت.. وما طلبت من إنسان ملوّت بأخلاقو ومعو مال ولكن للأسف..
المطران الياس نصار الجزء 4..
يسأل المطران الياس نصار عن قصة رهن منزل والده ، قال:
- لتوخي الحقيقة والشفافية، قبل ما نوصل للدهبات والعراكيج
التعاطي مع المصرفين (2) اللي مولونا
اول مصرف طلب ضمانة اضافية، وأنا ما فيي اعطيه عقارات الوقف، لأنو التعاونية الها هيكليتا القانونية
وبالتالي نعم، كل ما املكه من ورا اهلي، ان كان بيتي أو أراضي كلها سوا، بوقتا قدرّت بمليون $ من قبل المصرف
رهنتن للمصرف حتى نعمّر - هيدا الموضوع تمّ مع تحضيرالملف، وقت ما كان في حشرة مالية
وكان كلشي ماشي طبيعي،
طبعاً عطيت الضمانة من ذاتي - انا تَ وصلت للدهبات، ما خليت مرجعية بعرفا، او شخصية عندا إمكانية مالية ما دقيت بابا
بس يا اخوان، بس كان سبق واصل للطبقات الغنية تشويه لسمعتي
هني اغنيا، بس اغنيا كمان بأخلاقن، مش معن بس مال
وهيدا كان بهمني
ما مديت ايدي لإنسان ملوّت بأخلاقو ومعو مال
ما عزت مالو
أنا رحت لناس شرفا باخلاقن، ومالن نظيف تَ طالبن يحطو ايدن معي، وبميات الآلوف
هل الراعي مع رعيته…!!!
- 15 مصرف، تيعرفو الناس،
يفوت الملف تبع المشروع ويمشي من دايرة لدايرة، بس يوصل للإدارة العامة في غمزة ما تعطو المطران - لذلك بالحقيقة هيدا امر معيب
يا عمي إذا انا مطران همي ابقا هالصيغة المشتركة والوحدة بالمنطقة
ما بدن يانا نعمّر وما بدن يانا نرجع اهل المنطقة
ما هو المشروع؟؟ - الأفعال يا اخوان بتدلّ على الجوهر
هيدي كانت محاولة لإرجاع الشباب على المنطقة، واعطيهم ايمان بلبنان - اللي لازم يحط ايدو معي، هوي اللي ضربني
ويا ريت سحبا، حط عصي بالدواليب - الذهاب الى المصارف والى الشخصيات اللي لازم تحط ايدا معي، كان عندا صورة سلبية عن هالمطران اللي اسمو مطران نصار
- طلعت آخر شي أنا عضو مافيا
متلي من وين جايي
ورفض المطران نصار، حماسة مؤيديه، طالباً منهم الهدوء وقال:
- بالنتيجة ربنا هوي اللي سهران علينا
- اذا قصرنا نحنا كرعاة راعي الرعاة يسوع هوي اللي حامينا
بالنتيجة بينقذنا بس نكون بالشدّة - لاق مش رح ندعي لإعتصام، ولا لعصيان ولا لشيء من هذاالقبيل
- بشكركم عبرتو عن تضامنكم وجيتو، وتعذبتو
بعتقد هيدي شهادة لإلي، بشكركم عليها
