جان جبران: أنا شخص بخاف الله وبخاف عَ صيتي.. جايين نأمّن الماي من الحَنَفية لتشرب الناس..✔

– 52 ألف بير إرتوازي غير قانوني وغير مراقب.. 👌

***

مقتطف من حديث المدير العام لمؤسسة مياه بيروت وجبل لبنان جان جبران لقناة الـ”mtv” ضمن برنامج بيروت اليوم – الجزء 2: (28 آذار 2019)

(1) شعار المؤسسة 👈
– أكتر منطقة مرتاحة بالماي كسروان.. ليه..؟؟؟ لأنو في سد شبروح… وهوي سدّ صغير منّو كبير ✔
– نحنا بس يصير في سدود، المناطق بترتاح.. وسدّ جنة اللي في 38 مليون متر مكعّب ماي، إذا عطا 10 مليون لقضاء جبيل، والـ30 لبيروت الكبرى.. رح ترتاح الناس.. 🙏
– شعار مؤسسة مياه بيروت وجبل لبنان، ((( نفتح الحَنفية ينزل ماي، ونشرب منها ))) 👌

(2) الـCiternes.. 🚚
– السيترنات اللي عَم تجيب ماي، من الآبار المحفورة عَ حساب الناس، قسم منها مالحة ويمكن تختلط معا مياه المجارير.. 😞
– للأسف السيترن اللي بينقل ماي عَ البناية، وبيجوي الخزان.. ماء المؤسسة بس تجي عَم تختلط.. 🤔
– في 77 ألف بير محفور بلبنان، في 25 ألف بير عندُن رخص.. البقية عشوائي.. واللي عشوائي ما عنا رقابة أو سلطة.. 😞

س: لكن فيها القوى الأمنية تِجي وتسكّرو..
جان جبران: ليه مين بيِجي يساعد عَ فتح البير..؟؟ 😉

(3) الإصلاح
– شلنا أكتر من 30 موظف ما كانو مؤهلين يكونو بالمؤسسة 🎯
– ومهم ما حدا راجع فيُن.. وشخصياً برَمت عَ المراجع السياسية، وحكينا معُن إنّو نحنا جايين حملة تصحيح ✅
– المؤسسة اليوم 70-80% من موظفينا ماشيين 100% مزبوط، وبدّن يشتغلو ويعطو، ونحنا علينا نأمّنلن إمكانيات الشغل..

– نحنا بالـ Call Center أي مواطن إتصل فيها لتقديم شكوى، من بعد تقديم الشكوى، نحنا نتَلفن حتى نتأكّد إذا تصححت…!!
فادي شهوان: هيدااللي صار معي.. 👌

– الشعب اللبناني بيشبه بعضو.. يمكن في مناطق مفكرة حالها إنّو محميّة.. وانا بقلك بصراحة، الكل عرِف إنّو ما في محميات.. واليوم نقمع المخالفات بوجود أمن الدولة ⚖
– الإنسان كيف بِكون الهرم بيِمشي.. إذا رايح عَ البناية حتى تزبّط الماي.. الناس كلها بتنبسط.. والسارق بِخاف بروح لبعيد.. لأنو الناس إذا شافتِك جدّي بتِمشي معك 💯

(4) نخاف الله 🙏
– لو ما عندي براسي، بدّي خلّص سد جنة بسنة 2021، فيّي أوعد الناس بالماي..⁉
– كيف بدّو يصير ماي بلا سدود..
أنا شخص بخاف الله وبخاف عَ صيتي.. واللي عَم إحكي مسؤول عنّو، نحنا جايين نأمّن الماي من الحَنَفية، حتى تشرب الناس من بيوتا.. وكل يوم عن يوم في تحسّن ✔

https://youtu.be/Gf7W9T3_AT0

(مدير عام مؤسسة مياه بيروت وجبل لبنان ، بيروت اليوم ، mtv ؛ آذار 28 – 2019)

***

جان جبران: فتنا للمؤسسة بوعد لرئيس الجمهورية نكون صلّاح 👆

بالفيديو – جان جبران: فتنا للمؤسسة بوعد لرئيس الجمهورية نكون صلّاح 👆