بالفيديو – كنعان يحذّر من سعي ضرب رقابة مجلس النواب، وعن سيدر، للأسف الكنيسة القريبة ما بتِشفي 😉 وبدنا “Prestige”

– جوزفين ديب والسؤال الى (1) علي حسن خليل (2) الحكومة مجتمعاً 👌

***

مقتطف من حديث أمين سرّ تكتّل لبنان القوي إبراهيم كنعان، لقناة الـ”otv”، ضمن النشرة المسائية – تقرير جوزفين ديب: (29 آذار 2019)

(1) الموازنة 📊
– هي ما ترتأيه الدولة من مصاريف عَ مدار سنة 👌 مش شو صَرفِت..🤔
– اليوم نحنا صرنا بشهر نيسان، إذا بدأوا بدراستها (مناقشة الحكومة) بدها شهر، ومجلس النواب شهرين.. يعني 3 أشهر.. عوّض بسلامتك.. صارت الموازنة أمر واقع 😯
– هالشي بطّل إسما موازنة.. صارت القصة قَوننة.. وإذا في تجاوزات ومخالفات أو هدر مالي، وبأضعف الإيمان ما في إصلاح 🤔

(2) سؤال 👈
– ما دام الحسابات المالية جاهزة.. مفروض تًحال الى مجلس النواب.. ويقولون في 8 مليون مستند.. إذا بدنا ندقّق فيهم، وبذات الوقت ندرس موازنة، وبصير بكرا بدُّن ياهُن بسرعة وبجمعتين.. متل سنة 2018.. 🤔
– يعني كأنو عَم يقولو لمجلس النواب ما تدقق.. وأوعا تراقب.. لأنو رح يتهموك بتعطيل الموازنة 😁

(3) سيدر 🇱🇧
– بيحكو بسيدر.. شو هوّي⁉ ليه حدا فهمان شو..؟؟
– سيدر هنّي ذاتُن الإصلاحات اللي درسناها بلجنة المال والموازنة.. بس الكنيسة القريبة ما بتِشفي 😉 عَ طول بدنا “Prestige” وبدنا حدا من برّا يِجي يعلّمنا شو لازم نِعمل..

– أهمّ عمل لازم نقوم في هوي مالية الدولة، والإصلاحات المطلوبة لوقف الهدر، حتى الوضع الإقتصادي يتحسّن، ولنوظّف أكتر، ونوفّر أكتر.. 💯 وكل هالشي يبدأوا بالموازنة 👈

(الخلاصة – جوزفين ديب) عليه:
– على وزير المال علي حسن خليل، الإجابة عن سبب تأخيره في إحالة قطوع الحساب المًنجزة أصلاً قبل الإنتخابات النيابية في السنة الماضية، وعن سبب عدم إحالة المشروع لمجلس الوزراء 😁

– على الحكومة مجتمعة أن تبرر تأخيرها بإحالة مشروع الموازنة الىمجلس النواب.. 😉

https://youtu.be/TO4digrGyB4

(أمين سر تكتل لبنان القوي – 29 آذار 2019)