بالفيديو – جان جبران: فتنا للمؤسسة بوعد لرئيس الجمهورية نكون صلّاح 👆

– بدأنا بمراقبة “العيارات” لقمع المخالفات ⚖ ومياه الآبار الدولة صالحة، الملوثة آبار عشوائية

***

مقتطف من حديث المدير العام لمؤسسة مياه بيروت وجبل لبنان جان جبران لقناة الـ”mtv” ضمن برنامج بيروت اليوم: (28 آذار 2019)

(1) وضع المؤسسة
– المشتركون بالمياه 90% يدفعون الرسوم 👌
– المؤسسة ما بتعيش الاّ من الميزانية الخاصة من الرسوم
– المؤسسة هيّي مؤسسة مستقلة إدارياً ومالياً، ونحنا نغذّي حالنا وننفّذ مشاريعنا
– عنا 40% هدر بسبب إمدادات شبكة المياه 😔

قمع المخالفات ⚖
– بخصوص فتح “العيارات” إذا جاري فاتح العيار، وعَم ياخود 5 أمتار ويحقّ له بمتر واحد.. أكيد الكل رح يتأثر.. اليوم نحنا بلشنا بقمع المخالفات، وبدأنا ببيروت الجنوبية..

– فينا ناخود نموذج عن السرقة، من أصل 670 عيار، 480 عيار كانو مفتوحين عَ الآخر.. (يعني 80% في سرقة مياه) وهالأمر في حال ضُبط، الماي رح تكون متوفرة أكثر 👆

(2) التحوّل 🎯
– نتيجة الشغل اليومي والجدّي، 30% من اشغال السيترنات توقفت أشغالُن 🙏
– في جبيل 50% من اشغال السيترنات توقفت، والقصة منها فَقسِة زر ، المؤسسة كتير كبيرة.. بس نحنا جايين نزبط الأمور اللي موجودة… 👈
– هدفنا تأمين بالتساوي الماء للمواطنين، وهيدا الأمر ليس له علاقة بمصادر المياه، وقلّة الماي عند الناس سببا إنّو المصادر بعد هيّي ذاتها من 50 سنة، والناس كِترت والمعامل كمان، والبنايات والعالم زادت.. 🤔
– نحنا مضطرين نكمّل المنظومة المائية يللي هيي السدود ✔
– وضعنا بتصرف المواطنين مكتب شكاوى، 24/24 والرقم هوي: 1713 ✔

(3) الخطط 📊
– هناك مشاريع كثيرة تنفذّها المؤسسة، من بينها:
* تجديد الشبكات
* تحلية الآبار
* تزبيط الينابيع
* مراقبة مصادر المياه
بس نلقط المياه السطحية تُحل مشكلة شح المياه، لأنو بلبنان المتساقطات تبلغ مليار وأكتر متر مكعّب، وكلُّن بروحو عَ البحر.. 😔

س: يقولون 5% من الآبار ملوثة..
جان جبران: كل الأبار التابعة للمؤسسة صالحة وهي مراقبة دورياً… ما يُحكى عنها هي آبار خاصة، لا رقابة للدولة عليها، وبمعظمها عشوائية.. 😉

(4) وعد 🙏
– فتنا عَ المؤسسة بوعد من رئيس الجمهورية نكون صلّاح، وهيدي لازم كل الناس تعرفها
– ما فينا نقول إدارة جديدة ومش زابطة.. ونحنا اليوم عَم نتعب أكتر من اللزوم، لأنّو بس تكون بمحل في كتير مشاكل، بدّك تتعب حتى تزبطها.. 🙏
– كنت عاطي مهلة سنة ، طلعت لعند رئيس الجمهورية قلتلو بدّي سنتين.. لأنو بكل صراحة في كتير مشاكل.. وهلق من بعد سنة إذا الله أراد، بدنا نقول، إذا حدا عَم ينق ما عندو ماي تكون مشكلتو مش مشكلتي.. 👈

https://youtu.be/EvPg5YoWNLc

(مدير عام مؤسسة مياه بيروت وجبل لبنان ، mtv آذار 28 – 2019)