المطران “اسادوريان” بحفل زفاف طوني اوريان: فخر لي أن أبارك عِرسك أنت رمز وأيقونة المقاومة المسيحية اللبنانية الشرقية والغربية (Audio)

– إنتا واحد من الحجرات الكبيري، ورمز المقاومة المسيحية بكل جدارة رئيس جمهوريتنا

***

كلمة المطران “جورج اسادوريان” في حفل زفاف المناضل في التيار الوطني الحرّ طوني أوريان وشريكة حياته جولي حداد: (9 شباط 2018)

يا جولي..

يا طوني..

اليوم أجوا المحبين ليشهدوا على كلمة “النعم” يللي قلتوها قبل شوي.. إنتو اليوم جيتو تقولو “نعم للحياة” بالرغم من كل الصعوبات.. ونعم للحياة الزوجية، معناها إعطاء الحب…

جولي بدّك تسمحيلي ركّز شوي على طوني..

طوني رمز وأيقونة المقاومة المسيحية اللبنانية والشرقية والغربية، (ما في حدا بلبنان ما بيعرفك يا طوني) بس أنا اليوم بدّي قلك، “في مسيحيين سوريين، لمّا خبرتُن، إنو اليوم رح كلّل عرس طوني أوريان، قالولي: يا ريت، لأنو طوني هوي مثال عامود القوة إلنا، لما كنت حضرتك بجانبهم، حتى تدافع عن حقوق المسيحيين، وخاصة عن الحقوق المسيحي بالشرق.

ومن دون ما ننسى، عن مقاومتك خلال الوجود السوري. اليوم نحنا منحب نشكرك كمان، لأنك أرمني بكل معنى الكلمة، ولبناني بكل فخر. إنت عطيت صورة وعطيت المثل الحلو، إنو كل إنسان بقاوم، بدّو يوصل..

اليوم بمقاومتك، وبمقاومة هالشباب، وكل هالناس اللي قاومو تنحصل على حقوقنا المسيحية…

اليوم إنتا واحد من الحجرات الكبيري اللي اشتغلو، وأحد من التيار الوطني الحر، ورمز المقاومة المسيحية هوّي اليوم بكل جدارة وفخر رئيس جمهوريتنا فخامة الرئيس ميشال عون.

اليوم دخلت القفص الزوجي.. وأخيراً.. الكل مبسوط إنّك عم تتجوّز، وأنا الي الفخر إنّو كلّلك، بعد كلشي عملتو بهالحياة… 

جولي يمكن تتعذبي شوي، لأنو الزلمي مقاوم ، مقاوم بحطّ شي براسو بدّو يعملو… اليوم سمعنا برسالة مار بولس، عن علاقة بين الرجل والمرأة، وبلا المحبة ما في زواج.. وما في وحدة للعائلة.

هيدي هيّي رسالة الزواج، ويسوع عطا الأهمية الكُبرى للزواج، وعمل أول عجيبة بحياتو بحفل زواج.. فاعطى معنى كبير للحياة الزوجية لأنها هيّي حياة محبة وحب واحترام..

وبإسم الكهنة ندعو لكما طوني وجولي بالتوفيق..