Agoraleaks Agoraleaks
نقل السيد ايلي بيروتي مشاعره الصادقة في اتصال هاتفي مع إذاعة صوت المدى، معلقاً على انتخاب الرئيس ميشال عون بالقول:
لأوّل مرّ’ بشوف حالي برئيسي، برفع راسي برئيسي، قبل كنت استحي. قول يا عمي مين حاكمنا.
مين جايبين علينا.
اليوم عندي شعور، إنّو صار فيي امشي وارفع راسي، وسافر ببلاد العالم كللو، وقلن أنا رئيسي ميشال عون، نضيف. آدمي. بطل. مغوار.
اليوم بِسِتْ ولادي (قبلت والدي) الصبح، قبل ما امشي من البيت، وطمنّت بالي، اني عملت واجباتي تجاهن. جبتلن أحلى شي ممكن بالدني.
عادة عالشعنينة منشتريلن تياب وقصص فارغة. وعلى عيد الميلاد منجيب ألعاب.
اليوم جبتلن احلى هدية. جبتلن ضمانة. ضمانة وأمل إنو يبقو هون، وما أخسرن ويروحو ع كندا وأميركا واستراليا.
شو بدي قلك، الدني مش سايعتني.
ما بدي احكي سياسة.
بس بدي قول راسي مرفوع. وطمنت بالي عَ ولادي. والله يخللي ولاد العالم كللا. والله يخلي الجنرال تَ يحميهم.
