😍 ❤ 😍 ​مذكرات جحش​🖌

هونيك نهار بيجيني طلب ع أورشليم،🐴 رغم عجقة السير وخبروني مش رح فيك تقطع من العالم، بس أخدت الطلب، وطلع عا ضهري شخص رفيع،بس كان كسرلي ضهري، شو محمَّل؟!🙄

المهم مشينا بين هالجموع والعالم تصرخ، هوشعنا هوشعنا، مبارك الآتي باسم الرب☘☘

الهيئة هيدا شخص مهم🤔، بس ضهري رح ينكسر، بالآخر وصلنا، ونزل….

نزل وقرّب صوبي ​وشكرني ع تعبي،​😳

غريب هيدا أول إنسان بيشكرني… حبَيتو😍

بعد كم يوم قاطع، بسمع العالم عم يصرخوا، صلبو صلبو،😒

بتطلٰع بشوف هالإنسان عم يجلدو، ويبصقو عليه ويرموا بالحجارة،😥😔

ولك شو عم تعملو بهالإدامي؟!😱 وين هوشعنا هوشعنا؟!؟😟

وبيقولو عنا وحوش. 😒

تابعت الطريق معو وقلبي عليه لوَصلو عَ تلّة وصلبو،✝ صلبو المحبة😥

وبسمع حدي شخص عم بيقول:
​هذا هو حمل الله الحامل خطايا العالم،​✝ بفهم ساعتها ليش كان ضهري رح ينكسر،💔

وكانت أول مرة بتنزل دمعتي ع إنسان، 😥

ونيزلو وحطو بحضن إمو، وفليت وقلبي مكسور من قساوة البشر.💔

بس ما خلصت القصة هون،🤗
بعد كم يوم كنت قاطع من حد قبرو بشوف الحجر منزاح، وإمرأة راكضي وعَم تصرخ:

​حقاً قام حقاً قام​💫✨💫

قلت أكيد جنّو البشر،🤪

بس لما عدت شفتو عَ البحيرة عم ياكل سمك مع تلاميذو،
تأكدت فعلاً إنو حقاً قام، 🤴
وعرفت ساعتها ليش مات، 🤔
حتى ما يبقى حدا ميت بل تكون لهم الحياة وبوفرة..❤😇

أنا الجحش فهمتا، قولكن البشر رح يفهموها؟! 🤷