مختصر مفيد – كلام يوسف حداد لإبنه بوب..

هيدا ابني بوب❤️
عم ضل خبرو انو صحيح حياتنا تغيرت وفي اشيا بطلنا قادرين نعملا بس بعدنا دفيانين وفي سقف حامينا بينما أهلنا واكترية إخوتنا بالوطن قاعدين بلا اكل ولا دفا والتلج والبرد ويمكن المرض محاصرن والدولة غايبة..

غايبة لانو في سياسيين وحوش من تلاتين سنة نهبو وافسدو وزرعو الحقد والمذهبية وضربو الاقتصاد والقضاء وتحاصصو وهني جشعين ما بيشبعو ومنعو اي مشروع إصلاحي بيفيد الوطن وتأمرو علينا وركبو ديون بميات المليارات وسرقو تعبنا وشقى عمرنا مع مصارفن وبعدن مكملين بلا خجل او ضمير او احساس بحجم المصيبة وعم يزورو ويحرفو ويحرضو ضد الاوادم.

وعم قلو انو في جيش بطل قاعد بالبرد تا يحمينا وتارك عيلتو ومتحمل لانو متربي عالشرف والتضحية والوفا ورغم ظروفو الصعبة وانو في مقاومين لولا وجودن كان العدو ما تركلنا بيت ولا وطن ولا أمل ببكرة ولا مستقبل نحلم يكون احسن🙏🏻 ونحنا لازم نشكر ربنا ع وجودن ولازم تتعلم انو الوطن والأرض اغلى من حياتنا وما في مطرح بالكون أجمل وأفضل من لبنان..

هيك انا تربيت وهيك عم ربي ولادي بانو الحياة وقفة عز ونيال الي بيعيشا🙏🏻