Agoraleaks Agoraleaks
كلمات مار شربل – إختبارات ريمون ناضر
يللي عَم تشوفوا بالإيام هيدي آخر بَرعطات ذنب التنين يللي أمّنا مريم العذراء عم تسحقلو راسو.
هيدي آخر ضربات ذنبو قبل ما تنقطع أنفاسو وينرمى بالهاوية…
كان لا بد إنو يخرج التنين من وكرو ويظهر الشيطان من ظلمتو حتى يسحقو الرب بنورو الإلهي العظيم..
ما تخافوا ولا تكتئبوا، كل نقطة دم بريء عم تنزل بهالأرض هيدي حبة محبة من دم المسيح انزرعت ورح تنبت قيامة وتزهّر سلام وفرح وعودة لقلب الربّ وهداية للضايعين…
شدّو ركابكم وقووا قلوبكم، صلّوا بدون ملل حتى يزيدكم ربنا إيمان، وإعملوا بدون كلل على وحدتكم من أجل الشهادة للمسيح واسهروا على تضامنكم من أجل البشارة، حافظوا على محبتكم هي ضمانة وجودكم واثبتوا بإيمانكم هو قوتكم. اتطلعوا لبعيد، ملكوت الله آتٍ ومجد الرب عظيم… (عنايا، 18 تموز 2014)
