Agoraleaks Agoraleaks
– التضحيات يللي نحطّت حتى نبني دولة.. مش تنسمح للدولة ينخرا الفساد، لا نحنا ولا حزب الله مفروض نخذل الناس.
رئيس التيار الوطني الحرّ جبران باسيل عن ثوابت التيار – العلاقة مع حزب الله (الجزء 2)
- حزب الله بالنسبة للتيار هوي الأساس، وهيدا الشي اجا نتيجة صدق والتزام وتضحية، ووفاء وتعب وجهد ودماء نحطّت لوصلنا ليللي وصلنالو اليوم
- المقاومة هيي وجدان لشعب، بس تصير أقلّ من هيك، وفي حدا بحاول يتعاطى معا ليستفيد منّا (المقاومة مش حزب الله) وفيون يكونو نفسن بالمعنى الإستراتيجي للبنان، وفيون بالسياسة الداخلية ينفصلو
- المقاومة بس حدا بدّو يتلطّى فيها لمقعد وزاري او لمكسب سياسي، هيدي الخيانة للمقاومة
- الخلاف المسيحي – الشيعي لن يحصل لا هلق ولا بعدان.. هيدا أول شي جايي نتيجة تاريخ من العيش الواحد، ونحنا ورتناه ووصل للفولكلور ولكل تقاليد الحياة
- نحنا دفعنا الكثير سياسياً من اجل تنمية الوئام المسيحي – الشيعي، وتعميمو ع كافة الناس.. وما حدا بيقدر يخرّب فيه حدا لا هلق ولا بعدان، لا انتخابات نقابة ولا انتخابات نيابية، ولا انتخابات رئاسية، ولا تأليف حكومة.. وممنوع المسّ فيه
- وكل واحد عم يشتغل عليه من اللي كانو يُسمّون 8 آذار أو ما يُسمّون 14 آذار.. تنيناتن رح يفشلو وهيدا الخلاف لن يحصل
- نحنا ما رح نخلص وننسب لطائفة عمل صح أو غلط لمجموع الطائفة، ان كان عند الطائفة الشيعية أو السنية، أو الدرزية أو المسيحية، هيدا طرف سياسي بيحكي باسمو وما بيحكي باسم الطائفة، ونحنا إذا في خلاف معو مين مكان يكون، من أي طائفة لا يشمل الطائفة
- ما بدنا يصيبنا يللي صابنا شي يللي حاولو يساوونا فيه مع الطائفة السنية او الدرزية سابقاً
- علاقتنا مع حزب الله هيي امتن من كل ما سبق بالماضي، ومن دون تفاصيل
- في البند الرابع بوثيقة التفاهم بيناتنا، ويللي هوي بناء الدولة… معروف من قبل اليوم في خلاف عليه بالأولوية.. نحنا منعتبر انو كل الدماء والتضحيات يللي نحطّت هوي تينبنى دولة.. مش تنسمح للدولة ينخرا الفساد
- بمحل من المحلات بدك تعمل للتضحيات استثمار سياسي مش خاص بل عام لمصلحة الدولة
- اليوم الناس أمّنوننا بتفاهمنا نحنا وحزب الله على أمنن واستقرارن بالبلد، وعطيناهن الأمان والطمأنينة، وحققنا هيدا الشي، واليوم شايفينو كيفو منجز بالوقت المحيط مشتعل
- بس اليوم كمان مأمنينا على بناء الدولة، وما النا حق نخذلن لا نحنا ولا حزب الله وما النا نتركلن دولتن هيك، كرمال تضحياتن وكرمال تضحياتن
- اتفاقنا مع حزب الله هوي على قوة لبنان وعلى مناعتو وعلى مقاومتو ومش على الإستقواء بأحد على أحد.. على قوة كل لبنان وكل اللبنانيين، وهيدا الشي ما رح ينهزّ
