Agoraleaks Agoraleaks
– هناك ذاتية للتيار لا يستطيع أحد تغييرها، ومنها نلاقي الآخر حتى العلمنة
– منرفض العزل ومع تمثيل المردة والشكليات صغائر وبلعنا جبال ما بتأثر إذا اكلنا “حبة تراب”
– في واقع سياسي جديد والبعض مش حابب يعترف فيه، وهوي هيدا الواقع الطبيعي.
رئيس التيار الوطني الحرّ جبران باسيل بعد اجتماع تكتّل التغيير والإصلاح: (الجزء 1)
- ما يتداول اليوم تخطّى موضوع الحكومة، هناك وضع جديد ومرحلة جديدي وعهد جديد جايي عليه البلد، وطارح مجموعة من الهواجس بتطلب منا نأكّد على مجموعة من الثوابت بالنسبة لإلنا
- ع طول في بهالبلد نكران للذات، وهالبلد قيمتو بخصوصيات كلّ انسان فيه. والذاتيات يللي عم نحكي فيها مش بالمعنى الأنانية، بمعنى ذات لكلّ مجموعة وبخصوصياتا
- الإنطلاق من الذات للتلاقي مع الآخر بالنسبة لالنا هيدا جوهر لبنان. وبتوصلنا بس يصير التلاقي كامل على المستوى الطائفي والمناطقي والحزب والمعتقد الى العلمنة الشاملة، يللي هوي طموحنا
- إذا ما مننطلق من الذات بتكون عم تعمل الغاء للذات، وهيدا الشي البعض يمكن بيشعر لالو، بصيرو بحالة دفاع عن النفس
- بما يعني التيار الوطني الحرّ وتكتّل التغيير والإصلاح، يللي معروف تاريخو وماضيه والمستقبل يللي عم يشتغل لالو.. ما بيقدر يغيّر هيدي الذات حدا لا شائعة ولا كذبة ولا مقال لصحافي ولا منشيت لجريدة تُكتب بطلب أو استدعاء
- حقيقة التيار نوجدت بنضال وبتاريخ سياسي وبناس عطيو من دماؤن ومن حياتن.. فخلينا نضلنا بهالحقايق هيدي، واذا في حدا عندو من أسئلة اومن تطمينات مستعدين لنجاوب عليا
موضوع الحكومة
- النقاش يللي عم يصير حالياً تخطّى الحقيبة الى ما هو ابعد من هالشي بكتير
- نحنا امام واقع سياسي جديد والبعض مش حابب يعترف فيه، وهوي هيدا الواقع الطبيعي
- نحنا كنّا بحالة مش طبيعية. كنا بوضع استثنائي واليوم نعود الى وضع طبيعي
- نحنا عم نحكي انطلاقاً من قوتنا الذاتية.. وكل يللي عملناه انو نحنا وليدة شعبنا، مش وليدة وصناعة احد آخر
- نحنا بقوتنا الذاتية نوجدنا، وبعدان بإقرار واعتراف الآخرين، فما يربحنا جميلي بوجودنا
- بكلشي محققينو محققينو بذاتنا
- نحنا منرفض مبدأ الإلغاء والعزل ونحنا ضحايا لهالمفاهيم وبعتقد الموت هوي للبنان
- بهيدي الحكومة بالذات نحن نطالب ونسعى ونعمل الى تمثيل الجميع فيها.. من مردة لكتائب ولقومي وللمير طلال وللسنة تبع 8 آذار، وبرأينا حكومة 24 تتسّع للجميع
- هيدي الحكومة ما في لا اعراف ولا ثوابت ومنا حكومة نموذج يؤخذ بها
- نحنا منا مع الشكليات وبعض الأمور يللي منعتبرا صغائر الأمور.. لو عم تحتل حيّز كبير من الإعلام، ولكن عنا نفور ناخود السياسة بهالمزالق هيدي، ومنعتبر القضايا يللي عم تنطرح اكبر من هيك بكتير
- نحنا مستوعبين ومتحملين بالسياسة وبالعين جبال، فبقا ما رح نوقف قدام حبة تراب بأيا شكلية أو أيّة صيغة مطروحة لإيجاد حلّ معيّن
