Agoraleaks Agoraleaks
– المال اليوم يشتري الإعلام مع الأسف.. واحد أسباب الحرب اللبنانية عام 1976 تمويل الصحف من الخارج.
عميد كلية الإعلام في الجامعة اللبنانية الدكتور جورج صدقة ضمن برنامج “اجندا اليوم”:- كل وسائل الإعلام بلبنان عم تعاني، بالوقت لازم نحافظ عليا لأنا أحد ركائز الحياة السياسية والديمقراطية وركائز الحرية
- مهنة الصحافة مهنة كتير صعبي.. وما بتوفي حقكم، وهيي مهنة الفقراء، وهيدا الشي بنقلو للطلاب
- في كتير بفوتو ع كلية الإعلام تيصيرو “نجم“.. بيعتبرو انو إذا كانو حلوين وعملو عملية تجميل رح ياخدوهم على المحطة، ومع الأسف في كتير محطات عم تاخود معيار الجمال
- كمواطن في عهد جديد وعمل نوع من الحياة الجديدي بالبلد، الناس رتاحو. والشارع المسيحي حس حالو انو قام من الجورة، وصار في عودة لتآلف الطوائف نحو نظرة جديدي للبلد، وفجأة اجت العرقلة الحكومية
- نحنا كمواطنين ناطرين.. بكفي البلد عرقلات، الإنعكاسات علينا كمواطنين سيئة ولازم نقلّع بقا
- من مهام الصحافة والإعلامي انو يكون مثقف ت يفهم الناس شو عم يصير حتى يستشرف شو ممكن يصير بالمستقبل
- الصحافة سلطة، ويمكن ببعض الأماكن والمواضيع والأمور سلطة أولى.. كونا عم تملي على السلطة السياسية أمور معينة
- اليوم صار مع الأسف السلطة الأولى رأس المال.. مش بس بلبنان بالعالم
- الرأسمال اليوم يضع ايدو على المؤسسات الإعلامية ويشتريهم.. وعم تهدد الصحافة بالعالم
- الخطر الأول على الصحافة انو تصير تهدف الى مصالح خاصة ولشركات لا تبغى المصلحة العامة.. وهيك بتبطّل صحافة
- تمويل الإعلام اللبناني عم يهدد حرية الإعلاميين، ما في اعلام حرّ إذا ما عندو رأسمال حرّ.. منسأل ع طول من يموّل هذه المؤسسة وهذه الصحيفة تنعرف كيف عم تحكي هالمؤسسة وهالصحيفة.. يللي بموّل هوي يللي بيئمر وبوجّه
- احد أسباب الحرب بلبنان عام 1975 كان قسم كبير من الصحافة ممولي من الأنظمة العربية ليفتعلو حروب بلبنان
- تمويل الصحافة اللبنانية كان احد أسباب الحرب اللبنانيي
- التمويل الداخلي يمنع الخارج من التدخل
- كل الحكومات في العالم مشاريعا الأساسية مش سياسية بيزنطية الجدل اقتصادي.. لتحسين وضع المواطن
- الجدل السياسي البيزنطي دايم بلبنان من خلال افتتاحيات صحف لنضل نتقاتل
