بالفيديو – الذئاب المفترسة داخل الفاتيكان تحاول أن تلعب بالعقيدة وتسعى تشريع الشذوذ الجنسي..😔

– إتهم رئيس أساقفة ليون، بالتحرّش لأنو ضدّ زواج المثليين.. 😔
– الأم دانييللا حروف بصرخة وجدانية، الأب لبكي بريء.. برئوه.. 🎯
– الكنيسة لن تقوى عليها أبواب الجحيم لكن بشرياً.. (تفاصيل هامة – الواقع مع تحدياته – الحلول) 🤔

***

مقتطف من حلقة الاعتداءات الجنسيّة، ومسؤوليّة الكنيسة، لبرنامج تَحدِّيات ع “نورسات”، الذي يقدمّه الإعلامي شربل زوين، وضيوفه الراهب المرميمي الأب جان مارون الهاشم، والرئيسة العامة لرهبانية القلبين الأقدسين الأم دانييللا حروف والباحث والدكتور في القلب والشرايين جبيب أبي ياغي والباحث الإجتماعي والإستاذ الجامعي الدكتور سمير خوري (4 آذار 2019)

(1) الفضائح الجنسية في الكنيسة 😔

– شربل زوين: ما هو توصيف هذه الفضائح، ومن وراءها❓

– الأب جان مارون الهاشم: ما رَح زيد عن اللي قالو البابا فرنسيس، يجب حماية الأطفال من الذئاب المفترسة، ولكن يجب إبعاد النمّامين ومثيري البلبلة الكذابين 😔
– قديه عَم يكون في كذب وتجني وكرامات ناس عم تتعرض للكهنة ⁉ عدد الكهنة الكاتوليك 440 الف كاهن بالعالم، في 0.06% من الكهنة متهمين، وكثير منهم (برئوا وملفاتهم ملفقّة) 🤔
– هناك إفتعال لحالة رعب و”panique” عَم تنزَرَع.. 😉

(2) الواقع 🎯

– حبيب أبي ياغي:
* بدايةً بدنا نميّز بين أي إنسان وكل إنسان بيخطي، ويتوب ويعترف.. وبين اللي عَم يخطو بعناد واستمرار 😉
* الحقيقة تحررنا، عَم نحكي عن اشخاص مصرين على خطيتهم، وهالشي بقلب الكنيسة مشكلة 😔
* النظام العالمي هدفو دون شك تدمير الكنيسة، لأنو بيكره الكنيسة وإسم يسوع.. هيدي القضية مُزمنة لدكّ الكنيسة، ولكن المشكلة إنّو خَرَقو الكنيسة..

* الكنيسة بالتاريخ مرّت بفترات صعبة:
– بالقرن 11 مع الإصلاح الغريغوري،
– بالقرن 16 مع المجمع التريدانتيني،
– مع البابا بيوس 10 سنة 1907، قال “ألدّ أعداء الكنيسة بداخلها، وللأسف هم كهنة بيَعرفو وين يضربو ضرباتُن.. 🤔

(3) تفاصيل هامة 🎬
* الكاردينال بيرك (Carddinal Burke) والكاردينال براندموللر (Cardinal Brandmüller) وجهوا دعوة للاساقفة المجتمعين في روما باسئلة حول الشذوذ الجنسي في مؤتمر “التعديات الجنسية في الكنيسة الكاثوليكية”، وطالبوا الحديث عن هالمشكلة.. ما حكيو عنا.. إنتهى الموضوع إنّو هيدا أمر الو علاقة بالتسلّط..!!

سؤال، هل يمكن قبول إنّو كل شخص عندو تسلّط، بيعتدي على الأولاد ⁉

* إشارة الكاردينالين “بيرك” و “براندموللر” انو في داخل الكنيسة لوبيات الشواذ الجنسي متغلغلة وهي محميّة.. أحد لم يجبهما من المؤتمر 🤔

* السفير البابوي السابق في واشنطن كارلو-ماريا فيغانو (Carlo Maria Viganò) كتب رسالة واضحة جداً، وبقول: حتى ريّح ضميري ومعي وثائق.. أيضاً ما حدا جاوبو 🤔

* الكاردينال تيودور إدغار مكاريك (Cardinal Theodore E. McCarrick) مش مبارح وُلد حتى يُتهّم.. وما اكتشف الاّ بعد هالسنين الطويلة (40 سنة)، والأسوأ من ذلك، المطران فاريل (Cardinal Farrell) المعاون له في واشنطن، عاش بالشقة معو 6 سنين، ومع كاهنين آخرين.. ما لاحظ شي 😉⁉

 

* البابا بندكتوس 16 لما وصل الى سدّة البابوية، أوّل شغلة قالها: صلّوا لأجلي، لكي لا أخاف من الذئاب”. للأسف الشديد على ما يبدو غلبت الذئاب البابا بندكتوس، وهي حالياً منتشرة بالفاتيكان.. وهيدا مش كلامي أنا الكرادلة عَم يقولو في خلايا منظمة.. 😉

(4) الحقيقة و Cardinal-Georges-Bill🕯
– الأب جان مارون الهاشم: في كتير أشخاص مكرسين عم ينظلمو، وبلبنان وبغير لبنان.. وبالمقابل في أشخاص عَم يتبوأوا بأرفع المناصب، وعليهم شبهات..
– الكاردينال بيل (Cardinal-Georges-Bill) للأسف صار بالسجن وهوي رقم 1 بلجنة الكرادلة التسعة الموكلين حماية الكنيسة الكاتوليكية.. و3 منهم متهمين 😉

– حبيب أبي ياغي:
* العالم مش مهتمّ بالحقيقة، ولا لحتى يعرف مين المُذنب فعلياً ومين لاق.. العالم هدفو تشويه سمعة الكنيسة 😕 وفي أشخاص عَم ياكلوها بصيتُن عشوائياً 😕 ومنهم طبعاً قضية الكاردينال بيل بالتفاصيل تحزنك جداً… وهناك إستهتار قانوني بقضيتو، من قبل القضاء الأسترالي…

(5) قضاة ضدّ الكنيسة 😔

حبيب أبي ياغي:
– في كاهن بفرنسا إتهمو شخصين بالإعتداء الجنسي، وتبيّن للقضاء المدني إنو إخترعو القصة 100%، وكان المطران أخد قرار بعزلو وبَهدلو علانية وذُكر إسمو.. وتمّ نفيه..
– شو طلع قرار المحكمة على الأشخاص اللي إخترعو.. بالقانون الفرنسي فيها 5 سنين حبس وملايين اليورو تعويضات.. ⚖
– لم يحكم القضاء الفرنسي عليهما بالحبس، وتم تدفيعهم يورو واحد لا غير ☹

(6) أسباب الضعف 🎯

سمير مسرّة:

– البابا بندكتوس 16 قال عدة أمور بالغة الأهمية، بِ 19 آذار 2010، يقول، عوامل عديدة ساهمت في حصول هذه الإعتداءات..
أولاً – إجراءات غير ملائمة لتحديد أهلية المرشحين الى الكهنوت
ثانياً – ضعف التنشئة في الإكليريكيات..

الأب جان مارون الهاشم:
– مع إحترامنا للعلم نحنا أكيد بحاجة لمعالجات عند علماء نفس، و لكن نحنا..
– بحاجة لأجواء محبة، لأنو متل ما بقول المجمع الفاتيكاني الثاني، إذا تأمنت جماعات ديرية رهبانية فيها سلام ووئام نحنا عَم نبعّد الشرور والخطايا

حبيب أبي ياغي:
– البابا بندكتوس 16 أخد قرار حازم ومتنوّر من بعد إستشارة علماء، إنّو نحنا ما منقبل اشخاص يتقدموا للكهنوت او للرهبنة، عندُن ميول جنسية شاذة، (إذا يللي عندو ميل شاذ) هوي غير مؤهل إنو يدخل الكهنوت.. وبالتالي لو هيدا الأمر طُبّق فعلياً لكنا وصلنا لحل… ولكن للأسف الشديد هيدا الأمر لا يُطبّق كما يقول عدة كرادلة، لأنو في شبكة منظمة داخل الكنيسة وهي شاذة، وتعمل لتشريعه، ولديهم مخططات سيئة، وهم يساندون بعضهم بعض 👈

(7) مخططات ضرب الكنيسة – حبيب أبي ياغي 💒
– في طريقتين:
📌 أولا: من خلال هدم إيمانها، بتجريدها من عقائدها، لتصبح هيكل فارغ.. وتحت ستار شو؟ كل الأديان متل بعضا، وكلها بتوصّل عند ربنا، وبالتالي في أوتستراد مفتوح… وهيك الباب الضيّق إنتهى 🤔
📌 ثانياً: هناك قلّة إيمان وتسويق لـ”relativism” النسبية، ولـ”hédonisme” (مذهب المتعة).. وهذه الأمور تفعل فعلها..

– بس تروح تخبّر بكليات اللاهوت، إنو الكتاب المقدس أساطير، تُصبح وصايا الله العشر أساطير.. 🤔 وتُصبح لا تزنِ من الأساطير..

الأب جان مارون الهاشم:
– ما يقول الدكتور أبي ياغي، أثني عليه. نعم هناك أشخاص بمنابر جامعية وإعلامية عَم يعطو معلومات مشوهّة.. 🤔

(8) الميل المنحرف والعلاج 😘

حبيب أبي ياغي:
– الإنسان في أمرين، أوّل شي نحنا وُلدنا كلنا مع الخطية الأصلية، وبالتالي حاملين هالثقل ✔
– الأمر الثاني في مشاكل نفسية ضمن الأمراض العديدة.. ولكن الطب جاهل قسم كبير منها..
– الموضوع إذا في عندي مَيل منحرف، نزعة إنّو أوّل ما حدا يحكيني بفقعو كف.. أو عندي نزعة إذا دخلت سوبرماركت بدي اسرق.. بدي حارب هالنزعة 💯 مش بفتحلا المجال للآخر 😉

– الكنيسة ضمن العلاج بحاجة الى تطهير من الأشخاص السيئين.. والأسلوب سهل جداً، سبق :
* طبقّه المجمع التردانتيني بالقرن 16
* طبقّه البابا بيوس 10
* أنصح كل كاهن وإكليريكي يقرأ “أنسيكليك” (توصية – رسالة) سنة 1907، وكانت خلاصتها التأكيد على الصرامة بخصوص الكهنة غير أمينين لرسالة يسوع المسيح 🙂 لا محاباة معهم، لأنو عم يضرو الكنيسة، وهم أحرار بآرائهم وأفكارهم، بس مش يستغلو الصليب 👍 وطالب بتنشئة كهنوتية صحيحة، وبإعادة روح الصلاة بالأديرة والكنيسة من خلال ليتورجيا مزبوطة.. 👍
– الكاهن لما بجيب يسوع المسيح عَ المذبح في أعظم من هالفعل.. وبالتالي من خلاله يتشبّع من سر القربان المقدس، لأنو من خلاله يحصل على الحياة والطاقة غير المحدودة.. 💯

(9) الكنيسة ⛪

حبيب أبي ياغي:
– رح كون صريح، وما بدي زعّل حدا.. أكيد يسوع المسيح ما بيترك كنيستو، وهوّي الأساس، وهوي قال: أبواب الجحيم لن تقوى عليها” 💒

لكن؛
من المنظار البشري المحض، بقلك إنو الكنيسة في حالة خراب، ويمكن بكل حالاتها ما شافتو من قبل.. 🤔
– الكنيسة مرقِت بأزمات صعبة، ومرّ عليها بابوات عديدين، أغلبهم كانو بابوات قديسين وملافنة كبار، ومرق بعض البابوات السيئين.. لكن حتى مع البابوات السيئين ما دقّوا بالعقيدة 🤔

– يللي عم نشوف حالياً، فريد من نوعه.. لأنو لأعداء الكنيسة ما أحلاهم عَ أيام البابا بيوس العاشر.. أصبحوا مستلمين السلطة من أدناها الى أعلاها بالكنيسة، وهم الذئاب المفترسة اللي تحدث عنهم البابا بندكتوس 16، ويمكن خلّوه يترك سدّة البابوية 😔

شربل زوين:
البابا بندكتوس من بعد ما ترك سدّة البابوية، بقول للصحفيين: بدنا نصلّي للبابا فرنسيس، وصلّولو حتى ما يهرب متلي من الذئاب.. والأب جان مارون الهاشم اطلّع عليها.. 🎯

الأب جان مارون الهاشم:
– في كتير قضايا لمكرسين، عَم تنام قضاياهم بأدراج مجمع العقيدة والإيمان لعدة سنوات، ليتبيّن بالنهاية براءتهم..
– رئيس أساقفة ليون، عم يسعوا توريطه بقضية تغطية على تحرّش، وهوي رجل الله، والسبب لأنو وقف ضدّ زواج المثليين 😔

(10) حلول 🎯

الأب جان مارون الهاشم:
– يجب الإسراع في قضايا المحاكمات، عم يتحاكمو الكهنة من دون مجال الدفاع عن حالُن 😉
– بحطوك باوضة وبسلموك 4 كراتين فيهن شي 3000 صفحة، وممنوع تصورّهم، إقرأهم وحضّر الدفاع (متل ما صار مع الأب المنسنيور لبكي)، وهالشي صار معي، حطوني بأوضة.. 🤔
– هالتدابير الإحترازية اللي عَم تُفرض على الخوارنة حرام، أعزّ شغلة عند الخوري هوي إنّو يقدّس ويعيش كهنوتو، فتصوّر إنّو خوري عمرو 70 سنة، بدنا بسبب شخص مدعّي التحرش الجنسي، واليوم تستطيع فتح الملف مع البابا فرنسيس من بعد 20 سنة، فيما كان مع البابا يوحنا بولس الثاني من 10 سنوات… ويُطلب منه عدم الظهور بالثوب الإكليريكي..

حبيب أبي ياغي:

– إحدى أهداف الحملة على الكنيسة، المتتالية يمكن بدهم يوصلوها لموضوع:

* تقبل الشذوذ الجنسي، وهيدي المحاولة عالمية وبلبنان كل يوم في تلفزيون بسيرة الموضوع، وتُصرف لهذه الأمور مليارات الدولارات بغية تدمير العيلة، وفي مسؤولين كبار يعملون لتقبّل ذلك، وكأنهم لم يقرأوا مار بولس: إن مضاجعي الذكور لا يرثون ملكوت السمَوات”..
مين منصدّق نحنا مار بولس أو أشخاص وراء هكذا دعوات 😉

* محاربة البتولية عند رجال الكهنوت والراهبات.. وهون بالتحليل العلمي والنفسي والجنسي هل هيدا هوي المخرج.. ⁉ ما في ناس متزوجة وعندا مشاكل من هالنواحي ما بتخلص.. ⁉

(الخلاصة)

– لازم تبقا القرينة ، يبقى المتهم بريئاً حتى إثبات إدانته 🎯
– يجب إحترام حق شخص عَم يتشكّى، ولكن بس إعطاء كمان العدالة للشخص اللي عَم يتشكّوا عليه 🎯
– اليوم في موضة إنّو أنا تعرضت لتحرش جنسي.. وفي أموال عَم تُدفع..
– يمكن أمام هيدا الواقع ما عنا الاّ نزيد الصلا لربنا حتى يساند كنيستو ⛪
– التحديات بالكنيسة كبيري، ولكن ما ننسى إنّو كلام الرب بالإنجيل حاضر، في نوع من الشرور لا يخرح الاّ بالصوم والصلا 🎯
– نطلب من الرب إنو الحقيقة تظهر والله يبعّد خريبين البيوت وولاد الحرام والأشخاص المستشثمرين لقضايا معينة ✝

الرئيسة العامة لرهبانية القلبين الأقدسين الأم دانييللا حروف:

👈 بطلب منكم كل ليلة الله خلقها.. صلولنا.. حتى الله يبعتلنا بنات مُنعشات بروح الرسالة.. حتى نمدّد تكريسنا، وضل محافظة عَ بتوليتي وافتخر فيها..🎯
👈 من خلال بتوليتي خلفّت كذا شَب ، وكذا بنت، وكذا صبية.. تعاطيت مع مجتمعات متنوعة، وبتوليتي خلتني عيش أمومتي وأنوثتي، وافتخر 🎯
👈 عندي تمني مع الأب جان مارون الهاشم، أطلقا صرخة وجدانية، لتبرئة الأب لبكي.. 🎯
👈 حكينا عن التحرش بس ما حكينا عن بتولية العدرا، نشالله العدرا تحرس بناتنا وبيوتنا ونسواننا وراهباتنا، حتى نشرّف تكريسنا شو ما يكون دور المرأة حتى تضل مرأة لبنان على صورة العدرا، تشوف شو بدو يسوع، وشو بدُن التلاميذ؟؟ وشو بدن المرضى؟؟ وشو بدُن العجزة واليتامى⁉

تحدِّيات – نورسات؛ الأب جان مارون الهاشم – الأم دانييللا حروف – حبيب أبي ياغي – سمير خوري – 4 آذار 2019)

https://youtu.be/yJVwhZedIBQ