Agoraleaks Agoraleaks
– تشكيل الحكومة معبر سريع الزامي لاقرار قانون انتخابات ولإجراء الانتخابات بموعدا
باسيل
تقرير مفصّل
مقتطفات من حديث الوزير باسيل في بنما مع الجالية اللبنانية معتبراً وجود أوجه شبه بين بنما ولبنان الذي يتميّز بربطه حضارتين المسيحية والمسلمة، تحت لواء الوحدة الوطنية:
- تاريخ لبنان كلّو هيك، نحنا علينا نكون أمينين على تاريخ هيدا، ونحافظ عليه
- ميشان هيك منحكي عن شراكة، إسلامية – مسيحية، الشراكة بتتطلب توازن وتفاهم وقبول بالآخر، وأول شي شي بتطلبو انو نطلع من سياسات الماضي، وسياسات الإلغاء لبعضنا بعض
- ما حدا في يلغي حدا بحدا بلبنان، ولا حدا لازم يكون عندو الرغبة مش بس القدرة
- هيك منعيش بطمأنينة كاملة بين بعضنا، وهيك منكون تعلمنا من انو الحرب، والبارودي ما قدرو يلغو حدا
- من الـ90 لليوم 26 سنة سياسة ما قدرو يلغو حدا
- هيدا لبنان ما في حدا بيقدر يحذف حدا فيه
- قطعنا مرحلة أساسية بانتخاب رئيس للجمهورية بإرادة لبنانية، انما هيدا الشي ما بيكفي، هيدا بداية مسار لبناني، بدنا نكملو انو يكون لبناني، من تشكيل الحكومة، يللي هيي معبر سريع الزامي ولكن قصير لاقرار قانون انتخابات ولإجراء الانتخابات بموعدا وهيدا يللي بيعملنا استقرار سياسي طويل
- بدنا نركّز على هيدا الشي، ونسو كل الأمور التانية يللي متعلقة باستقرارنا السياسي، ايه عنا حاجات كتيري من كهربا وماي ونفط وضمانة اجتماعي، وصحة وتربية… كل القطاعات بدها إعادة نظر بلبنان وبدها شغل، ولكن تنقدر نعملا بدنا استقرار سياسي
- الاستقرار السياسي ما بصير الاّ من خلال انتخابات نيابية بتبنيلنا مجلس نيابي ممثل فعلاً للبنانيين بحسب قانون انتخابي عادل
والتقى باسيل وزير خارجية بنما، مستعرضاً العلاقات الثنائية، وكيفية تعزيزها على كافة المستويات، وجال أيضا على المدرسة العربية في بنما
عدد الجالية اللبنانية تقارب 10 آلاف شخص
