بالفيديو – الأب حنا اسكندر: ما نقول هيدي الدِنيي مش مزبوطة، أد ما فينا ِنزَبِّط والرب.. 🙏

– مار شربل تحمّل الإحتقار بصمت، ودفَع أخطاء كتيري وصلّح بمحبتو وما لام حدا..🙏

* ♰ *

مقتطف من الوثائقي لقناة “نورسات” عن مار شربل (الجزء 2)

(1) السرّ
– الناس بتحكي عن أصيامو وتقشفاتو وآلامو
– المسيحية منها ألم، ومنا وجع وصوم وصلا.. هودي تعابير.. المسيحية هيّي حب.. ✝
– مار شربل هوي حب.. مار شربل صام وصلّى لحتى يطوّع أهوائوا البشرية مع محبة الله..

(2) ليه الألم؟؟
– تألّم حتى يشرك حالو ويعوّض ثمن أشخاص غلطو..
– بونا فرام نكد بخبّر: “مرّة شفتو جايي على القداس، وعبايتو (ضهرا) كلها بزاق… قلتلو.. راح غيّرا ورِجع.. كان كل الليل سهران عند راهب ساخن لأنو مريض، وكل الليل عَم يبزق عليه… 😔

مار شربل غطّى أخطاء اللي أهملوا هيدا الراهب، وعوّض بمحبتو عن محبة الرهبان التانية..

(3) رسالة مار شربل
– بدل ما نسبّ الخطأة نعوّض عن الخطأة الآخرين، وهيك الحب بيِكبَر🙏
– رسالة مار شربل الأساسية هيي المحبة، من هيك كل اللي بيِطلَعو لعندو لفوق، ما بيرقض طلب حدا.. إذا حدا مريض بيِعمِل المستحيل لحتى يردّو عَ التوبة، حتى يروح فِرحان لعند ربنا، لأنّو بالنهاية كلنا بدنا نسافر.. وإذا ما قدِر عليه بيِعمل المستحيل حتى يصححو.. 🙏

– أنا جِبت مشايخ مسلمين عَ عنايا، تأثرو جداً.. يللي بدّو قولو للناس قداسة مار شربل سرها هوي محبتو.. 🙏

– الصوم والإعتراف مربوطة بالمحبة.. كنت جوعان طِعمَيتني، وكنت عطشان سَقيتني.. وكنت محبوس زرتني.. كنت مريض شقّيت علّي.. وكنت غريب آوَيتني… 🙏

– مار شربل عاش إنسان مِتِلنا ، تحمّل الإحتقار بصمت، ودفَع أخطاء كتيري عن أشخاص عَم يغلطو حدّو… ما حِكي ولا كلمة، صلّح بمحبتو… وما راح لامو ((للشخص اللي بزّق عليه)).. 🙏

(4) الخلاصة
– ما نقول هيدي الدِنيي مش مزبوطة، أد ما فينا نحنا مِنزَبِّط، والرب بيِرفَعنا متل ما رفعو ورفع كل الناس ✝ يا مار شربل ساعدنا، وحمينا 🙏

https://youtu.be/r8Etz4SuFD0

(نور الشباب)

بالفيديو – الأب حنا إسكندر عن علاقات الحبيس ليشع الحرديني/مار شربل/نعمة الله الحرديني المميزة..🙏