بالفيديو – الأب حنا إسكندر عن علاقات الحبيس ليشع الحرديني/مار شربل/نعمة الله الحرديني المميزة..🙏

مقتطف عن علاقة القديس مار شربل مع الحبيس ليشع شقيق القديس نعمة الله الحرديني، كما يرويها الأب حنا إسكندر لقناة “نور الشباب”.. (الجزء 1)

♰ عائلة الحَرديني 🙏
عيلة القديس نعمة الله الحرديني عَيلة مقدسة كانو 6 ولاد، 4 من البيت فاتو عَ السلك الإكليريكي: كان في القديس الحرديني * وراهبة * والخوري طانيوس تجوّز وكان قديس وجثتو ما بليت مدة طويلة * والحبيس ليشع (أستاذ مار شربل) والمُرافق لمار شربل، وكان من الآباء المتعلمين الرهبان..

♰ بونا أليشع 🙏
– طلع ليشع سنة 1826 عَ المحبسة، وتوفّى سنة 1875 (بِقي 44 سنة ونص بالمحبسة)
– المحبسة كانت كتير فقيرة حالتها ، لكن بقداتو وشغلو اليدوي، عمِل كرم، اليوم منَعرفو بكرم المحبسة، كان هيدا حرش.. فتّت الصخر وعمِل حيطان، وزرع كرمة ☘
– وبلّط المحبسة، وحمِل البلاط عَ ضهرو
– أهمية ليشع، وقداستو إنّو كان متل ريّس محبستو، إشترى كتير أراضي للمحبسة

♰ مار شربل 🙏
– بأيار سنة 1852 فات مار شربل عَ الدير بميفوق.. وكانت الرَهبنة مانعة إختلاط الرهبان بالنسوان..
– بونا شربل كان شَب حلو.. بيظهر في وحدي لفتلا نظَرا.. هون ساعتا بيِهرُب بالليل، بروح لعند بونا ليشع عَ المحبسة، وبخبرو قصتو.. بيِحمي وبودّي مكتوب لخيّو المدبّر نعمة الله الحرديني..

– أنا بسمّي الحبيس ليشع، حامي مار شربل.. وصار يعلمو.. وصار مار شربل يشتغل معو، ويصلّو مع بعض.. لسنة 1856 طلع مدبّر نعمة الله الحرديني، بيعملو مكتوب، وبقلّو “هيدا راهب بدنا نِعملو كاهن”، و بِروح عَ كفيفان حتى يتعلّم الأبونا شربل 🙏

(1) نعمة الله الحرديني/مار شربل
– توفى نعمة الله سنة 1858، وكانت قداستو صدمة إيجابية لمار شربل، وشاف القبر كيف ضوي، وشاف إنّو تعاليم معلمو صحيحة، وتكبّش أكتر بطريق القداسة 🙏

(2) أليشع/ مار شربل
– سنة 1859، بردّو مار شربل عَ عنايا، بضلّ شي 10 سنين بالدير يشتغل متل بقية الرهبان بالحَقلة
– كان دايماً يترّدد عند ليشع، وكان يِعترف عند ليشع، وليشع يِعترف عند شربل

(3) مار شربل/ أليشع 🙏
– كانو يعَيطو عليه لأنّو ما كان يجاوب حدا، ويتحمّل ببساطة
– ما كان يطلب شي أبداً.. ما طلب شي بحياتو..
– كان أليشع يطلبو من الريّس، والريّس كان يقلّو “لاق” الى حتى صارت قصة سراج الزيت 🙏
– تاني يوم، بودّي الريّس ورا مار شربل، بيسألو: بتحبّ تروح عَ المحبسة.. (ليه؟؟ لأنو عَم يِطلبو ليشع…) بتِطلَع تِخدُم الحبسا.. قلّو مار شربل: أنا بِعت إرادتي، بتقلي روح، بروح.. 🙏
– بِقي مار شربل يخدم ليشع حتى توفى.. ولكن “ليشع قبل ما قبل ما مات، بيبعَت ورا الريّس، بوصّيه.. (عَم يلاحق مار شربل) بقلّو: يا أبونا الريّس، هيدا الزلمي عندو دعوة حبيس.. بتمنّى عليك ، خليّه يطلع رسمياً حبيس، لأنو بيَعرفو ما بيِطلُب..

✝ الخلاصة.. 🙏
– مات ليشع بِ 13 شباط..
– بِ 14 شباط ندَفَن ليشع..
– بِ 15 شباط أمر الريّس رسمياً يكون مار شربل بالمحبسة 🙏

https://youtu.be/V8wXgGnnWS4