بالفيديو – صحناوي بمعلومات هامة وفرصة للبنان: 47% من المهن ستَختفي، وقادرين ناخود محل بالإقتصاد العالمي ونكون مميّزين✔🙏

– شبابنا قادرين يلاقو شغل ببلدُن 🇱🇧

***

مقتطف من حديث عضو تكتل لبنان القوي النائب نقولا صحناوي، لقناة الـ”LBC”، ضمن برنامج “نهاركم سعيد”: (4 آذار 2019)

(1) معلومات هامة 💯
– سنة 2050 حوالي 47% من فرص العمل والمهن الموجودة رَح تختفي 🤔 منها المحاسبة وأنواع من الطب والمحاماة 🤔
– بحسب دراسات عالمية، بعد نحو 20 سنة، كل 3 من أصل 4 فرصة عمل جديدة بأميركا وأوروبا رح تكون لحاملي شهادات البرمجة الإلكترونية 👈
– يعني عدد كبير من المواد بالنظام التربوي سيُصبح لا جدوى الها..

(2) إقتراح قانون صحناوي
– هيدي فرصة ما راحت بعد.. اليوم بالعالم في دول تقريباً أدخلت البرمجة بالمنهج التربوي (كوريا – إنكلترا..) وفي 15 دولة عم يحضرو الدراسات..
– إذا من هلق لكم شهر، أقرينا القانون، وعملنا خطة تطبيقية بوزارة التربية، وأمنّا الأموال وبعد سنة سنتين بلشنا.. بتكون الفرصة ما ضيعها لبنان متل غير فرص عَم نضيعها 🙏
– أهون شي يقلك.. مش لازم تِعملها هيك.. وبدك دراسة 10 سنين، ومنكبّر الحجر، عملّي نفضة لكل وزارة التربية.. متل المعاملات الإلكترونية اللي أقريناه من شهرين، 15 سنة أخد مجلس النواب وقت.. 😞
– كتير سهل بلبنان يكون في أحلى فكرة بالعالم، وتاخود وقت وتضيع الفرصة 😞 واليوم إذا ما أدخلنا البرمجة الإلكترونية رح نطلع برّا.. 😉

(3) لبنان والقيمة المضافة 🇱🇧
– اليوم إذا عملنا أجيال مُبرمجينن ما منكون عَم نِعمل مبرمجين، لأنو بالهند ما فينا نافسها بالأعداد… في ملايين المُبرمجين.. 👌 بس نحنا منكون عَم نِعمِل مُبرمج وقيمة مضافة لأنو اللبناني عندو:
* الإبداع
* اللغات
* الأقوى بعلوم الرياضيات
* الإنتشار
– إذا بدك تِعمل معمل برمجيات بلبنان، الأمركاني رح يدفع مضاعف ويعملها بلبنان، لأنو هون بيعطوه نتيجة اكبر، وعندُن قيمة مضافة بالنسبة للهندي أو غير دول… 👆 بخلاف اللبناني يللي بيعطني برمجة وذوق وإبداع..👆

(الخلاصة)
لبنان قادر ياخود محل بالإقتصاد العالمي الجديد ويكون مميّز ✔ ودغري بحطنا بمصاف الدول الأول 🙏 وكل شبابنا بلاقو شغل، والأفضلية المهمة بيشتغلو من لبنان ونثبتهم بأرضُن.. 🇱🇧 هيدي بالفعل فرصة وخشبة خلاص وما لازم نروحها.. 👌

https://youtu.be/6IdViqg4Bk0

(نهاركم سعيد – LBC، آذار 2019)