الخوري نسيم قسطون والكلام لشو الصيام.. مين بعدو بيصوم؟ 🤔

– الصيام أحسن دوا لعصبيتك لأنّو بيعلّمك طولة البال وتشتغل عا إرادتك… ✝ 🙏

* ♰ *

قالَ الربُّ يَسوع:

“مَتَى صَلَّيْتُم، لا تَكُونُوا كَالمُرائِين، فَإِنَّهُم يُحِبُّونَ الصَّلاةَ وُقُوفًا في المَجَامِع، وفي زَوايا السَّاحَات، لِكَي يَظْهَرُوا لِلنَّاس. أَلحَقَّ أَقُولُ لَكُم: إِنَّهُم قَدْ نَالُوا أَجْرَهُم. أَمَّا أَنْتَ، مَتَى صَلَّيْتَ، فَٱدْخُلْ مُخْدَعَكَ وأَغْلِقْ بَابَكَ، وصَلِّ لأَبِيكَ في الخَفَاء، وأَبُوكَ الَّذي يَرَى في الخَفَاءِ هُوَ يُجَازِيك. وعِنْدَمَا تُصَلُّون، لا تُكْثِرُوا الكَلامَ عَبَثًا كَالوَثَنِيِّين، فَهُم يَظُنُّونَ أَنَّهُم بِكَثْرَةِ كَلامِهِم يُسْتَجَابُون. فلا تَتَشَبَّهُوا بِهِم، لأَنَّ أَبَاكُم يَعْلَمُ بِمَا تَحْتَاجُونَ إِليْهِ قَبْلَ أَنْ تَسْأَلُوه.

أَمَّا أَنْتُم فَصَلُّوا هكَذَا:

أَبَانَا الَّذي في السَّمَاوَات، لِيُقَدَّسِ ٱسْمُكَ، لِيَأْتِ مَلَكُوتُكَ، لِتَكُنْ مَشِيئَتُكَ كَمَا في السَّمَاءِ كذلِكَ عَلى الأَرْض. أَعْطِنَا خُبْزَنا كَفَافَ يَوْمِنَا. وَٱغْفِرْ لَنَا ذُنُوبَنا كَمَا غَفَرْنَا نَحْنُ أَيْضًا لِلْمُذْنِبِينَ إِلَيْنا. ولا تُدْخِلْنَا في التَّجْرِبَة، لكِن نَجِّنَا مِنَ الشِّرِّير. فَإِنْ تَغْفِرُوا لِلنَّاسِ زَلاَّتِهِم يَغْفِرْ لَكُم أَيْضًا أَبُوكُمُ السَّمَاوِيّ. وإِنْ لَمْ تَغْفِرُوا لِلنَّاسِ فَأَبُوكُم أَيْضًا لا يَغْفِرُ لَكُم زَلاَّتِكُم”.

(روم ١٥: ١-١٣ / متّى ٦: ٥-١٥)

* ♰ *

هذا ووضع الخوري نسيم قسطون، عبر صفحته الخاصة، عدة ملاحظات بمناسبة بدء الصيام الكبير، كاتباً:

كم جملة رح نسمعها بهالكم يوم اللي جايين وجواب عليهم:

– الجملة: لشو الصيام؟ مين بعدو بيصوم؟…
الجواب: إذا إنتا ما بيعنيلك تصدّق كلام يسوع اللي عتبر في نوع تجارب وشياطين ما بيتركنا الّا بالصوم والصلا… غيرك مصدّق يسوع ومكتّر…

– الجملة: انا رح صوم لخفّف وزني…
الجواب: مش غلط أبداً تهتمّ بصحتك وإذا عندك إرادة تهتمّ بجسمك يعني عندك إرادة تهتم بروحك كمان بالصلا وتهتمّ بخيّك المحتاج بالصدقة…

– الجملة: ليك هيدا صايم ومن تاني ميلة عامل العمايل…
الجواب: بمجرّد ما تحكي عليه ومش معو يعني إنتا كمان متلو، ناقصك كتير لتفهم جملة يسوع اللي وصّانا فيها ما ندين حدا…

– الجملة: هيدا صايم عن الأكل والشرب بس ما بيحكي مع نصّ الضيعة…
الجواب: إنتا عملت شي لتساعدو وتساعدهم يتقبّلوه ويتقبّلهم؟

– الجملة: أنا بالصيام ما بروح ضهرات وسهرات ومطاعم…
الجواب: برافو إذا الهدف تساعد حدا محتاج بس إذا هدفك توفّر بس… ناقصك تتقاسم محبّة مع غيرك…

– الجملة: شو الها نفع تصوم اذا رح تضل تاكل من لحم الناس (جملة ليوحنا فم الذهب)…
الجواب: مش معناتا ما تصوم… معناتا صوم عن الأكل وشتغل عا حالك لما تاكل لحم الناس بلسانك أو بجشعك…

– الجملة: أنا بالصيام بتصير أخلاقي صعبة ميشان هيك ما بصوم…
الجواب: الصيام هوي أحسن دوا لعصبيتك لأنّو بيعلّمك طولة البال وتشتغل عا إرادتك…

شويّة جمل… لبداية أحسن… وبداية صوم مبارك…

الخوري نسيم قسطون – الصفحة الخاصة