Agoraleaks Agoraleaks
✝ تعوا بهالنهار ما نطبّق مقولة كلّو ركض بركض ما بلحّق.. (مارينا شليطا)🙏
عصفوران عم يحكو مع بعض على حفّة البَلكون.
بِقول الأول: شايف هالناس كيف راكضين ومهمومين، قولك شو بهُن..؟؟
بجاوبو التاني: يمكن ما عندن بيْ يهتم فيُن، متل بينا السماوي..!!
***
كتار منّا صارو مشغولين، ومهمومين، لدرجة إنو ما بقا عندُن وقت لا لَ الله، لا لذاتن، ولا للآخرين.. ومين ما بيسمع الأشخاص حوالَيه، أو حتى هوّي بسمّع هالجملة وبقول:
كلّو ركض بركض، ما عنّا وقت لشي..!!
***
تعوا اليوم بهالنهار نلاقي الوقت، نتقصّد نوقف لحظة من عجقتنا، ونتذكّر إنو في بَيْ عم يهتّم فينا، ما في سبب لَنِنْهَمّ، ما نحنا أهمّ من كل المخلوقات التانية.. ربنا قادر يعطينا خبزنا الجسدي والروحي..
تعوا اليوم نسعى نكون أشخاص مش معجوقين بذواتنا، ولكن معجوقين باللي حَوالَينا، لأنو صار الوقت: نتطلّع.. نُصغي.. نستقبل بطريقة مختلفة ونلاقي الوقت للقاء يسوع بالآخر..
