بالفيديو – حسن مقلد: ما حدا بحرّر البلد حتى الفاسدين يستلمو.. وعَ التيار وحزب الله الرهان والاّ.. (Video)

– ما في إمكانية بالتحالف الإستراتيجي بين الحزب والتيار يتفقو بعض نقاط إصلاحية للبلد يقلّع!!

***

مقتطف من حديث المحلل السياسي والخبير الإقتصادي حسن مقلد، لقناة “المنار”، ضمن برنامج “مع الحدث”: (28 ك1- 2018)

• ما حدا بحرّر البلد حتى بعدان الفاسدين يستلمو.. والتيار وحزب الله عليهما الرهان والا..
• بالإنتخابات النيابية خلّت قامة كبيرة متل السيّد نصرالله يِحكي بمقاربة اقتصادية ومكافحة الفساد، ورئيس الجمهورية أعلن إنّو حكومتو وبرنامجو الإصلاحي بدّو يتطبّق.. وعَم نِحكي عن أكبر قوتين وازنتين الناس تُراهن عليهم👌
• ما في إمكانية بهيدا التحالف الإستراتيجي بين حزب الله والتيار الوطني الحرّ، يتفق عَ 4 – 5 نقاط إصلاحية جدية حتى البلد يقلّع!! وهذه النقاط جرى التوافق عليهم بين هالقوتين.. ليه ما بيطبقوهما..؟؟

س: هل الواقع اللبناني يأسر هاتين القوتين للسير بهذا الإصلاح..؟؟
حسن مقلد: ما عنا أوهام بقلب الطاولة، ورئيس الجمهورية بيَعرفو وقيادة الحزب بتَعرفو انو القضية الاقتصادية والمالية بتِستاهل لقاء بين رئيس الجمهورية والسيّد نصرالله، لأنو البلد عَم يِنهار..

– الكل ضدّ اسرائيل، ونص البلد بيشتغل مع إسرائيل. الكل ضدّ الفساد و90% فاسدين. وتخانقوا ع وزارة البيئة لأنو جايي الها مليار $ ، والبلد إذا انهار لا مليار دولار ولا غيرا فيها تكفي..

• بالفعل بلبنان بين المفخرة والمسخرة، مفخرة بالجنوب، كيف صوّرو جنود العدو وكيف أخذ السلاحن وفي مسخرة بقلب البلد.. ما حدا بحرّر البلد حتى بعدان الفاسدين يستلمو.. 👌

– في شيء استثنائي بدها تبلش من أضيق حلقة ممكنة، وإذا ما بلشت، مبلا مِنروح عَ إنهيار.. أنا عم طالب القوى الحيّة تاخود موقف وطني ومنو موقف طوباوي..

• أنا عم إحكي عن قضايا بعدة إجراءات بتحدث فرق خلال شهر واحد، وأنا بِشتغِل أرقام وإقتصاد، وفي برنامج مفصّل وبالتالي من خلال سنة واحدة منوفّر 7 مليارات $ وبيعملو نقلة من اقتصاد ريعي لإقتصاد منتج..

رصد Agoraleaks.com

https://www.youtube.com/watch?v=zg3kwvWmsnY&feature=youtu.be