بالفيديو مروان خير الدين يدحض الشائعات السخيفة: ما بدنا نفشّل النجاح (الناجحين)، بدنا نحسّن الفشل (الفاشلين) 👌

– حدا بِناي عَ زيتو عِكِر !!

***

مقتطف من حديث الوزير السابق مروان خير الدين لقناة الـ”LBC” ضمن برنامج “نهاركم سعيد”: (19 أيلول 2018)

رداً على سؤال شائعات إنهيار الليرة اللبنانية، يقول:

• هل كان في حدا بلبنان يفكّر إنّو إذا إستشهد أو صَرلو شي رفيق الحريري عام 2005 الليرة بتضلّ ثابتة، وضلّت الليرة ثابتة 👌
• حصل عدوان اسرائيلي في تموز 2006، وضلّت الليرة ثابتة👆
• حصلت أزمة مالية عالمية ومصارف عالمية خِربِت، الاّ بلبنان سنة 2008 🇱🇧
  وهلمّ جرّا.. اليوم مش كل شخص بيِطلع عَ بالو يغنّي موّال بيِتغنّى..!!
• البنك المركزي بالأرقام، لديه أكبر إحتياط بتاريخ لبنان بالعملات الصعبة. وهو يدير المصارف اللبنانية، التي لديها اكبر من الودائع بتاريخ لبنان، والنمو بالقطاع المصرفي بعدو إيجابي، والأرباح طبعاً بعدا، والأهم ما يزال توافد لرؤوس الأموال عبر الودائع من الخارج تحصل..

كيف واحد يكون عندو جوهرة، بدل ما يجرّب القطاعات الإقتصادية، حتى تصير متل القطاع المصرفي، محصنة، وعلى مستوى عالمي، وأفضل قطاع مصرفي باعتراف اميركا هو لبنان في المنطقة.. منِجي ننادي عَ زيتنا عِكِر لأنّو طالع عَ بالنا

مجبورين يكون عنّا سياسة تحمي القطاع المصرفي، ما في يضلّ هوّي عَم يحميك.. القطاع المصرفي من سنة 1993 وحتى اليوم، يحمي السياسيين، ويسمح للسياسيين أن يلعبوا بالسياسة دون ان يكون مطلوب منهم اي مسؤولية أقتصادية ومالية

• اليوم منِعمُل إشاعات وسخافات، بدل ما نحصّن الموضوع، لنسأل اللبنانيين عن رأيهم بالثقة بِ:
  – إداء الدولة اللبنانية، على الأرجح رح تِطلع العلامة واطية
  – إداء القطاع المصرفي والثقة به وبرياض سلامة، رح تِطلع العلامة عالية
  نحنا ما بدنا نفشّل النجاح (الناجحين)، بدنا نحسّن الفشل (الفاشلين) 🤦‍

https://www.youtube.com/watch?v=m4PRlC1UQrM&feature=youtu.be

رصد Agoraleaks.com