روبير مجدلاني وإيزابيل خوري يضعان النقاط على الحروف..

خلصتوا حكي؟ فشيتوا خلقكم مبارح؟ كبّيتوا كل شيء؟ صار دوري احكي..
انا مش رح دافع عن حلقة فارس سعيد لان بكل بساطة انا ضدها بهيدا التاريخ، بشدد مرة تانية انا ضدها ” ب هيدا التاريخ “..

انا رح استعرض معكم شو هي ال OTV، وشو يعني ال OTV، وشو بمثّل ال OTV، ورغم اني اليوم من عائلة ال OTV، رح احكي بس ك عوني..

هالمحطة بس خلقت، خلقت لهدف واحد، اللي هو التيار، وخلقت لسبب واحد، التعتيم الاعلامي الممنهج ضد التيار، خلقت وكان هدفها الاساسي تنقل مهرجانات التيار، تنقل احتفالات التيار، تنقل مظاهرات التيار، وتنقل انجازات التيار ووزراء التيار ونواب التيار..

11 سنة، هالمحطة مواكبتنا بكل تحرّكاتنا، موصلة صوتنا للكل، موصلة صورتنا للكل..

انسيتوا؟ انسيتوا بالمظاهرة الشبابية اللي انعملت امام السراي الحكومي سنة 2015 مين كان عم يغطينا ويغطّي الاعتداء علينا؟

انسيتوا مرافقة المحطة لكل نشاطاتنا من 2007 لليوم؟ وانسيتوا ب مظاهرة 4 ايلول 2015 كيف هالمحطة جنّدت طاقم عملها 24 ساعة لخدمة التيار؟ وب مظاهرات التيار على طريق قصر الشعب نسيتوا مين واكبكم ووصل صوتكم ” الصح ” لكل العالم؟

انسيتوا سنة 2010 لما حاولوا يسكروها؟ انسيتوا شعار ” نعم لحرية القضاء لا للقضاء على الحرية ” ؟ ليش اولكم كانوا بدهم يسكروها؟ وبوقتها ما كان الوضع احسن من اليوم ابدا، وبعدني مذكر كتير منيح مستوى المحطة بوقتها، بس انزلنا وتظاهرنا على بابها، وطلع خاطبنا الجنرال، وانعقد اجتماع تكتل التغيير والاصلاح داخل مبنى ال OTV، ليش اولكم الجنرال هالقد مهمة المحطة كانت وبعدها عندو؟

انا بقلكم، بكل بساطة، لان رغم كل الاغلاط اللي صارت بالماضي، ورغم هالكَم غلطة اللي صارت مؤخرا واللي انا بأكد للكل انو مش مقصودين وانا بعرف شو عم قول، رغم كل شيء، نحن ك عونيي وك تيار، ما النا غير ال OTV، خلص، هيدي هي، نحن ما حدا بحبنا، لان ما حدا متلنا، وما حدا بدو يوصل صوتنا الا اذا قبض حق صوتنا، وما حدا رح يكون واقف بصفنا لان كل المحطات بلا استثناء مرهونين للخارج وللخليج وللشرق والغرب..

الا OTV، لان ال OTV نحن، وصوتنا، صوتنا اللي ب بلاش، اللي بلا مقابل، وبشدد ع كلمة بلا مقابل، بل بالعكس مع خسائر مالية بسبب اصرارها على نقل الحقيقة وبس الحقيقة…

صار في اغلاط؟ بتتصلح، غلطة كبيرة؟ بسيطة بتتصلح، وكلكم بتعرفوا انو الادارة الجديدة لقسم الاخبار مش من زمان تغيّرت، وبهالوقت القصير، نشرة اخبار المحطة صارت بتفش الخلق، وهالادارة واكبت الانتخابات بحرفية عالية جدا وبامكانيات ضئيلة جدا، وكان هدفها الاساسي مع كل الضغوطات اللي فرضتها هيئة الاشراف، هو نقل صورة التيار الوطني الحر..

وما حدا ينسى ال OTV مش المنار، مش ال FUTURE، مش ال NBN.. نحن منستضيف الكل، ونحاور الكل، ونفرجي حقيقة الكل، نحن ما رح نعيش بقوقعة وما نطلع منها ابدا..

اخيرا، امبارح انا ما علّقت عالموضوع، لأن كنت حزين كتير، وما حدا ذكي ينط ويقلي ما نحن كمان احزنا على اللي شفناه، حزني اكبر منكم بكتيييير..

حزني على شعب ماسك الكرباج ونازل جلد باشرف مؤسسة، ماسك الساطور وعم يخزق بلحم محطة هي صوتو وصورتو، زعلت على شعب، من وراء غلطة ،واكيد انها غلطة، نسي تاريخ، ونسي تضحيات، ونسي عائلة طويلة عريضة انا بفتخر اني من عائلتها، عم تقدّم بالقليل، الكتير..

نشر غسيلكم امبارح كان اقرف من منظر فارس سعيد، كان اقرف من كل المؤامرات ضد التيار، وما حدا يقلي عم نحكي من محبتنا، لأ !

المحبة محبة، وانا اذا خيي غلّط، ما بطلع وبصرّخ للجيران وبنشر حريمو، لو قد ما غلّط، لو غلّط مرة والف مرة!
هيدا خيي، نحن عائلة وحدة، بكون بلا اخلاق وبلا قلب اذا بفتح تمي عنو بكلمة، لأن المحبة بتمنعني اعمل هيك تصرّف، والوفاء بيمنعني..

اخيرا رسالة للزملاء بقسم الاخبار من المدير لاصغر موظّف، نحن منعرف نحن مين، ومنعرف شو هدف شغلنا، ومنعرف شو هي وجهة وطريق تعبنا، ومنعرف الحقيقة، والحقيقة وحدها رح تحررنا، وشكرا لكل واحد فيكم روّح الكتير من الفرص بس كرمال يبقى هون، يبقى من عائلة هالمحطة ويبقى عند الحقيقة..

#للأسف
#كلمة_الشعب_العظيم

***

واليكم هذا التعليق الذي يختصر روحية المناضلين.. مع الإحترام للجميع.. وننقله عن الناشطة “Isabelle Khoury”

كلامك أشرف واوعى من أكبر راس بيدعيي أنو بيفهم أو عم ب يصلح…والموضوعية عنوانو.

وقال شو لازم يحكوا ويحطوا الأصبع ع الجرح..

زعلوا من التوقيت 7 آب ليش هجومكن كان 30 شباط يا فطاحل. …

وأكثر المثقف والوعي بيعرف انو كتب مادة دسمة ل لانتقادات …

وعامل حالو ساند الارزة ب كتافوا لا يا حبيبي ما فيك تقللي أنك حر … وتشتم وتنتقد ب الوقت الغلط. ….. فرحتوا قلب المعارضين السخفا..

وبعدين صار فيكن تتعشوا مع ملحم رياشي متل الآخرين. وما حدا يقول أنا عوني اذا ما كنت تحترم الهرمية الحزبية.

اخدنا الحرية من ظلك جنرال عون هلأ عم نشتغل مع الاوادم ع التحرر، سيروا بعون الله و بركاته النضال الدائم.

على فكرة روبير بعدها علامة ل omega ع سيارتي وكمان التجدد مع علامة الصح ب وجداني…
1