Agoraleaks Agoraleaks
– السَلبطة بالجبل رح توقف..
***
مقتطف من حديث النائب سليم عون لقناة الـ”LBC”: (حزيران 16 – 2018)
بدّو يعرف وليد بك، انّو اليوم تغيّرت الإيام.. ما بيقدر يضلّ متل السابق.. عند كل إستحقاق حتى إنتخابي، بهدّدنا بالمصالحة.
سألتي الإستاذ رامي الريّس، شو دخّل الطائف..؟ هيك دغري ببلشو يهددّوا.. مش قصة علاقة مش راكبة بيننا وبين جنبلاط. في نهجين. في صح بدّو يِمشي وفي غلط بدّو يتوقّف..
مش قصة وجهة نظر. اليوم مش وجهة نظر الناس بعد ما رجعت على الجبل، من 28 سنة.
عَم يِحكي عن فشل ونجاح. حَدَن يسأل ليه بعد في وزارة مهجرين، بسبب مين خِلقت..؟ مين كام مِستلمها، وكيف صرفت الأموال..؟؟ الحلّ بإيد مين.. وعدم العودة مسؤولية مين..؟؟ والجو المخلوق بالجبل ورائو مين…!!
اليوم بلّش الوضع يتغيّر.. إيه وهيدي من نجاحات العهد..؟؟ يللي عَم يسمّي فشل، فشل الو.. أكيد رَح يشوف فشل. اليوم هيدي السَلبطة بالجبل بدها تبطّل موجودة.
يُسأل كيف، يقول سليم عون:
ما كان حدا في يِعمل نائب بالشوف الاّ من تحت جناح وليد جنبلاط، اليوم صار في يعمل نائب وتنان، وتلاثة وأربعة.. وبتكتلنا بالشوف وعاليه، في 4 نواب، ولدى القوات نائبين (2) لو كانو متحالفين مع جنبلاط.
بالنهاية نغمة إنّو أنا بيضة القبّان، وانا أتحكّم بالكل، وكلّو بغَنجني راحت.. كان من سنة 2005 لحتى سنة 2016 وين يميل جنبلاط تميل الدفّة، والكل بدّو رضاه ويتَشتشوه..
طيّب متِل ما هوّي مكوّن ومنحترمو، في مكونات اخرى كمان بدّو يِحترمها..
واليوم لو ما صار في أخطاء إنتخابية، اليوم الوزير وئام وهاب نائب وبحيثتو.. مش بعطية من حدا.. اليوم يمكن ظُلم، وفي مسؤولية على حلفائه. وبفارق عشرات الأصوات كان صار نائب بالمنطقة. وبرأيي إيه في مسؤولية على المعارضة الدرزية، وهيدي من حظوظ وليد جنبلاط.
سقوط وهاب بالإنتخابات، حصل بسبب أخطاء منافسين جنبلاط، خصوصي بحق شخص مناضل وعندو حيثية شعبية بحسب الأرقام، وهوّي قال، يعتبر نفسو نائب، لأنو بالأرقام أعطته أحقية، بس ما قِدِر أخد الموقع صحيح.
