جعجع لأشرف مناضلي القوات: تنكة مصداية.. أنا بِستحي بلهجة حي الفوقاني.!!!

– يا حكيم طلاع ردّ ..

***

قواتي من صميم المناضلين يكشف غطرسة جعجع وتكبرّه في الإنتخابات النيابية يقول، في الفيلم الذي نشره على مواقع التواصل:

يا جعجع كلمتين، حابِب قلّك:

• حكيت عنّا تنكة مصدّاية ، سكتنا..
• حكيت عنّا انّا خواريف ، سكتنا..

من يومين بتِعمل خطاب، بِتقول عنّا ، إنت بتِستحي بلهجة الحي الفوقاني ، بدّي قلّك كلمتين سمير جعجع ..

جي الفوقاني ، هوّ] كان معك بالحرب ، وكان عَم يشارك بالحرب بشرق صيدا.. هوّي كان معك بِ 15 كانون . وكان معك بالجبل، وبكل حروباتك..

الحي الفوقاني كان عَم يحميك، مرافقنك الخاص من حي الفوقاني.. ؟؟

وآخر شي بس رِحت على استراليا ، حي الفوقاني حماك يا سمير جعجع.. هيدا كلّو بتعرفو.. بس اللي ما بتعرفو، وبدّي عَرفك عنّو يا سمير جعجع..

الحي الفوقاني ، كان مخبالك، بول الفحل، وكان حامي بول الفحل، اللي متهوم بكنيسة سيدة النجاة.. كان مخبّى كرم كرم ، وطوني الياس ، وحنا الياس ، متهومين بقتل داني شمعون..

الحي الفوقاني وقت كنت بالحبس، كان عم ينوّر الجبال ، تطلع من الحبس.. وكان عَم يضوياك شموع تطِلع من الحبس… مع الأسف يا سمير جعجع، نوصل لهالدرجة انك تفوت عَ بشري شارع شارع، حتى تِعمل إنتخابات لمَرتك ستريدا..

هيدا الحي الفوقاني، وانت هيك بِتكافي الحي الفوقاني، وبِتكافي الشباب..

يا حكيم طلاع وردّ عليّ إذا أنا مغلّط بشي…؟

https://www.youtube.com/watch?v=o3WkzcqREzQ&feature=youtu.be