باسيل لجعجع: يا خيّي إذا ما بتعرف تعدّ كيف بدنا نعطيك وزارة فيها عدّ.. (Audio)

– نحنا مناخود نواب، ما حدا بيعطينا ياهُن… وغيرنا شَحَد الموقع شحادة

***

مقتطف من حديث رئيس تكتّل “لبنان القوي” النائب جبران باسيل: (12 أيار 2018)

يا خيّي..

بدّك تتعرّف على “ماركو رحمة” كان مبارحة معنا بالـ”LDE”، ماركو إبن التسع سنين ، كيف بعدّ وخلّينا نعدّ مِتلو..

إنتصرنا لمّا طلعنا تقريباً مرتين أكتر بعدد النواب. والأهم مرتين تقريباً أكتر بعدد الأصوات بكلّ لبنان..

لمّا الأحد عشية قلت، نحنا مش قدُّن كلّن، نحنا اكتر منُّن كلّن…

طيّب ، ما بتعرِف تعِدّ نواب ، ولا بتعرِف تعدّ أصوات ، كيف بدنا نعطيك وزارة فِيا عَدّ وحسابات ، متل وزارة الطاقة..

وأكيد ، إذا نواب ما بتَعرِف تعدّ ، ما رح تعدّ قديه صِرنا بالإدارة ، ولا رح تعدّ أعداد النازحين السوريين بلبنان..

إنتصرنا ، لمّا شعارنا بالدولة القوية إنتصر ، وصار بَدُّن يِنسخوه.. كتير منيح نحنا منعرِف إنّو بحبّوا يقلدونا ، وهيدا الشي ما بِزعلّنا.. هيدا الشي بيِبسطنا..

إنبسطو إنّو الناس ياخدو عَنكم شعار حرية وسيادة وإستقلال..

إنبسطو إنّو الناس ياخدو عنكم يا تيّار ، لأنو دافعين ثمنو، شعار محاربة الفساد..

إنبسطو إّنو الناس ياخدو عنكم شعار الدولة القوية ، والجمهورية القوية..

بس اللي بدّو يقلدنا ، بدّو يقلدنا بالفعل، مش بس بالحكي..

السيادة يا خيّي ، هيّي قرار وفعل.. مش كلام وشعار.

السيادة هيّي إنّو تكون حرّ ، لمّا رئيس حكومتك بصير مش حرّ..

وتكون حرّ لمّا بدّك تِعمل قانون إنتخاب ارثوذكسي بيَعطينا نص المقاعد..

وتكون حرّ ومحَرّر من مِصريات الخارج..

إنتصرنا نحنا، لمّا بيطلع نواب بـ77 صوت تفضيلي ، لأنو هيك، منكون ثبتنا عورات هيدا القانون، لمّأ طرحنالو حلول ، ورفضوها..

مِنكون إنتصرنا، لمّا ما هربنا من دوائر متل طرابلس، وبعلبك والهرمل، وما تواطئنا بدوائر مِتل الزهراني ومرجعيون، ولمّا رفضنا يِطلعو نوابنا بأصوات غيرنا.. ولمّا أخدنا نوابنا بقوتنا، بالجبل وبعكار، وما قبلنا حدَن يعطينا ياهُن..

هيدا طعم الإنتصار.. هيدي 2005، نحنا مناخود نواب، ما حدا بيعطينا ياهُن..

إنتصرنا نهار اللي ما سلّمنا ولا نايب ، وما تخلينا نحنا عن ولا نايب، لا بجزين ، ولا بعكار ولا بغيرا.. وغيرنا شَحَد الموقع باللايحة شحادة.. ولمّأ قدِرنا حكينا مع كل اللبنانيين، وتحالفنا معُن، وغيرنا حَجَز حالو بكانتونات إنتخابية..

إنتصرنا لمّا خلصنا لبنان من بعض نماذج الإقطاع، ولمّا اللبنانيين حجّموا جماعات الكذب السياسي..

رصد Agoraleaks.com