Agoraleaks Agoraleaks
– سأكشف ميزانية التيار الإنتخابية.. وسيفاجئ الجميع بأنها الأضعف..
***
(1)
جاد غصن يسأل: العَورَة الكبرى بهالقانون، إنّو أتاحِت شراء الإنتخابات ، من خلال شراء الإعلام.. لأنو مافي سقف للصرف مالي، يِشتري 24 ساعة الهوا لأي محطة، وبصير بأي خيار لمرشّح بالبلد ما عندو مصاري ، ما في الواحد يتعرّف عليه، حتى ينتخبو أصلاً..؟؟
يردّ جبران باسيل: إيه إكتشفنا إنو إذا بدنا نعمل مهرجان، ما بيطلع على الهوا، الاّ إذا ما دفعنا مصاري.. إنّو وسائل الإعلام مش بس بِتطالبنا، زعلانة منّا نحنا التيار… إنّو نحنا ما مَوَلتونا التلفزيونات..؟؟
يا خيّي أنا ما معي موّل تلفزيونات.. بدّك تطلع على حلقة، بدّك تدفع حقّا.. ليك جَمعِتنا اليوم؟؟ لأنو تلفزيون الـ”OTV”..؟ مش قادر إطلع على حلقة بدّي إدفع حقها أد نص حملتي الإنتخابية؟؟
هيدا واقع.. وسائل الإعلام معتبرة اليوم، إنّو هيدي فِرصتها حتى تطلّع مصاري.. حاطا سعر الهوا.. وهيدا الشي غلط؟؟ لازم يِنحط الو سقف.. ما بِصير، والأبشع إنّو هيدا النمط اللي عَم نشوفو بالإنتخابات إنّو يكفّي بَعدان.. بصير كِل ما واحد بدّو يطلع على التلفزيون بصير بدّو يِدفع مصاري..؟
أنا رَح إكشف بعدان ، الميزانية الإنتخابية للتيار شو هيّي؟؟ متِل ما كل سنة نحنا منِكشف شو هيّي ميزانية التيار بس نِعملا بالمؤتمر الوطني، ونعلنها.. ورح تشوف إنو نحنا أقلّ ميزانية..
مبارحة في جريدة كشفت إنّو عم تطالبنا شركة للإعلانات بالمال.. مزبوط، إعلانات تبع الطرقات بعد ما دافعين كل حقها..
(2)
جاد غصن: بدائرة بيروت الأولى، مين يشبه التيار أكتر ، نقولا الشماس او زياد عبس؟؟
جبران باسيل يردّ:
شو بِهمّ.. أكيد زياد عبس ما بيشبه شي التيار بكل إدائو اللي عَم يِتصرفو وبالأذى اللي عم يجربو للتيار.. هلق بِتقلّي وين كان فلان ووين كان فليتان..
اللي بيعمل الأثر السياسي هوّي المجموع.. الرزمة.. القوة السياسية اللي بتِعملا بالجماعة، مش بالفرفَطَة.. هيدا شخص، وكل حدا بفَتِّت من قوتك..
ليه أنا ما عندي كتير إنتقادات على التيار.. عَ حالي.. شو بينفع إنّو قوم هدّم فِيا.. بدّو يِقبل الواحد إنّو يشيل من حالو ويحطّ بالجماعة حتى يقدر يوصل.. نحنا مجتمع إذا ما قدرنا نِجمع قوانا تَنوصل حتّى نوصل أهدافنا..
نحنا 20 نايب ومش مكفايين؟؟ نحنا 9 وزراء مش عَم نِقدر ناخود قرار بموضوع النازحين السوريين..؟
بتلهو الرأي العام بخبار صغيري، والبلد رايح بالمشاريع الكبيري يللي عَم نجرّب نواجها.. شفت كيف بتشتّت الرأي العام بخبار.. بفلان وأسامي.. وكل واحد عندو مشروع صغير على أدّو… بدّك تحطّو قِدام
- سيادة لبنان
- النزوح
- كرامة وطن
- تحرير أرض
نقولا الشماس اليوم، إذا إجا التزم بتكتّل، وحِملّو قضيتو وكان ضمنو، وملتزم وعَم ينفّذ سياسة مسؤول عنّا المشروع الكبير اللي نحنا حاملينو.. شو بدّي فيه، بِساعد القضية أكتر من واحد قاعِد كل النهار يغَرمش ويخَربِش ويخبّر خبار بالإعلام..
يُسأل: كيف تضمنه بتجربة بعد تجربة مثل ميشال المرّ..؟ يردّ باسيل:
كيف بِضمن..؟ انتا بلبنان بتِضمَن حالك..؟!
https://www.youtube.com/watch?v=JLQpibyqj94&feature=youtu.be
رصد Agoraleaks.com
