باسيل لعماد مرمل: مش شايِف رؤساء الكتل الأغنياء والدول اللي عَم تموّل حزب الله والمستقبل.. التيار وحدو بتمويل محلي (Audio)

– بدّك التيار ما يِحكي مع حزب الله والمستقبل
– ما فرطّت بأي مرشّح تيار يستحق.. ولكن إذا شخص طالع بآخر الإستطلاعات هيدي مشكلتو.. 

***

سؤال الإعلامي عماد مرمل – قناة المنار:

خلينا شوي نغمّق. انا حسب إنطباعاتي، يمكن التيار يمكن يربح بالإنتخابات، بس الأسوأ إنّو بدّو يِخسر نَفسو.. إذا بتِعمل جَردة سريعة، مبيّن إنّو هيدي التحالفات (إنتا بِتكون سامعها) ما بتِشبه التيار (هلق إنتا الك تبريرك) بس إستبعدتو شخصيات برتقالية، واستقبلتو على اللوايح وافدين أو نازحين سياسيين..

التحالفات السياسية كادت تصبح ضحية هذه الإنتخابات، يعني أوعا خيّك.. صارت عَ خيّك..!!!!!!! (طارو أوّل حَرفين) ، والتحالف الإستراتيجي بين التيار وحزب الله يللي هوّي أهم من قصة مقايضات بالسلطة ، يعني هوّي “ميني – ميثاق” وطني كمان كان رح يروح تحت إجرين بالإنتخابات، ميشان مقعد هنا، أو مقعد هناك… التيار المعروف بمبدئيتو، اللي إنتو إنتو دفعتو بكل مساركم ثمن المبدئية، هيدي كانت المشكلة مع الجنرال عون، ومع التيار.. هلق اللوائح ليست مبدئية، لنكون صريحين، اللوائح مصلحية.. هلق بتقلّي القانون ما القانون، مش مبرّر، انتا لازم تِربح حالك لو خسرت كل المجلس النيابي.. هل تخشى إنّو تِربحو المقاعد وتخسرو أنفسكم…

يردّ جبران باسيل:

لا أخشى إنّو نخسر نفسنا أبداً… لأنّو ميزتنا وقوتنا.. ونحنا ولا يوم كنّا نِقبل نقول إنّو نحنا 8 آذار . كانو بدّن يِعملونا 8 آذار بالقوة، و14 آذار يللي نحنا أساسها، كمان أقصِتنا.. وصرنا بواقع نحنا منّا 8 ولا 14 ، بس محسوبين على 8 آذار.. وأهمّ شي عمِلناه إنّو خَربطنا 8 و 14.. وخاصة إنّو الإنقسام العامودي وِصل لمحل صار غير مُنتج، وكَربَح البلد، ونحنا جينا خلطناه..

نحنا ما عنّا عقدة نحكي مع حدا.. إنو كيف نحنا منِحكي مع حزب الله ومع المستقبل.. بدّك التيار ما يحكي مع حزب الله ومع المستقبل، أو بدّك يانا نِمسُك البلد ونِجمعو..

هودي التناقضان الأساسيان، إذا ما في تيار وطني حرّ قادر يِحكي مع التنين، ما في بلد كان.. نحنا عَم نخلّص البلد لأنو في رئيس جمهورية كان رئيس تيارنا وصار رئيس جمهوريتنا. وواجبو إنّو يتعاطى مع كل الناس، ومن أوّل عهدو قلنا، قلنا عنّا 3 تفاهمات أساسية (التفاهم مع حزب الله + المستقبل + القوات)، وبدنا نوسعها لتشمل الكلّ.. نحنا منسجمين مع حالنا، إنو عَم نِقدر نحكي مع كل الناس، وأهمّ شي إنّو نحنا بعدنا مِتِل ما نحنا..

مش مهم إذا بتجيب الناس على مشروعك، وبِتضلّك إنتا متل ما إنتا، مش إنتا اللي تغيّرت، بكون هنّي اللي تغيرو.. وبعدان ما ضحينا بأي شخص من التيار الوطني الحرّ، على حساب شي. نحنا جماعة عنّا آليتنا ونظامنا الداخلي.. ونحنا التيار الوحيد اللي عِمِل إنتخابات داخلية 3 مرات، حتى نِقينا نرشحينا..

الناس نَقِّت هيك.. انا ما تخلّيت عن أي مرشّح، وبالحقيقة انا خاطرت إنّو إخسر مقاعد، بإنو ما فِتنا عَ تحالفات نيابية كرمال ناس بِعتبرُن بالتيار إلًن حق ياخدو فرصتُن للآخر.. ولو أنا عارف بدّن يِخسرو، بس ما الي حق ما أعطيهن هالفرصة.. وأنا بالعكس أكتر من تحالف إنتخابي رَوَحناه، لأني ما فرّطت بولا مرشّح للتيار يكون مستحقّ..

ما في يجيني شخص، طالع بالإنتخابات الداخلية بالآخر، بأول إستطلاع بالآخر.. باستطلاع الرأي العام بالآخر.. وبيِزعل ليه ما رشحتو.. بِروح يستقيل..

يسأل مرمل عن المتمولين..؟ يردّ جبران:

أوعا تِحكيني عن متمولين وأحزاب بلبنان كل مِصرياتها من برّا وعَم تِعمل إنتخابات علينا… عَم تِجي الأموال من برّا من دول وعَم تموّل أحزاب وتيارات، ونحنا رايحين نِشحَد من بعضنا ونلَملِم.. 

جايي تحكيني.. ومش عَم نقدر نِطلع على التلفزيون، ولا عَم نقدر نِعمل مهرجان، وملايين الدولارات جايي علينا من برا.. ما في واحد ما يكون عندو شوية حسّ ومنطق سياسي.. 

دول نازلة عَم تموّل أحزاب وتيارات سياسية من المَيلتين، ونحنا الوحيدين اللي ما في حدا بمولنّا ، جايي تقلي واحد معو.. نحنا ما أخدنا شخص منّو آخد بالإحصاءات نتيجة عالية.. 

بآخر أسبوع كنت قول لأي مرشح، نحنا عنّا مركز إحصاء داخلي: عمِلو بعكار إحصاء بين فلان وعلتان، مين عندو أصوات أكتر.. ما أخدنا مرشّح الاّ لأنو عندو أصوات أكتر من غيرو.. ساقَب بيناتُن ناس متمولين.. شو يعني..!!

طيّب ما رؤساء لوائح ورؤساء تيارات هني كلّن سوا متمولين.. أدنا وبيشتروني وبشتروك، وبيِشترو نص البلد… مش شايفُن..؟؟؟ 

https://www.youtube.com/watch?v=JLQpibyqj94&feature=youtu.be

رصد Agoraleaks.com