شهادة رولا معوض بمؤتمرات الطاقة الإغترابية وفَرح حركة أمل.. بدنا نواة إنّو أي وزير آخر ما يخربطها..! (Audio)

باسيل: اللبنانية تربط الجميع وفوق الجميع

***

شهادة الإعلامية رولا معوض بمؤتمرات الطاقة الإغترابية: 

أنا إختبرت عن قرب في مؤتمر الطاقة الإغترابية، لأنو كتير سمعت إنّو عَم يروحو على نفقة الدولة (الدكتور حبيب فياض).. أنا شخصياً كنت بكلّ المؤتمرات، وكانت على نفقتي.. بس حتى كون شاهدي على إنجاز عظيم عَم يِتحقّق.. يمكن لبنان ما رَح يَعرِف قيمتو اليوم، بَركي على المدى البعيد في الو ثقِل كتير كبير…

شو التوصية لتعطينا ياها، إنو يكون في نواة صلبة، مش إذا إجا غير وزير خارجية، يبطّل هيدا الشي مكفّى بالزخم اللي إنطلق فيه..؟

يعلّق جبران باسيل:

أهمّ شي إنّو عِمِلنا إنتماء إسمو “اللبنانية”.. إنو نحنا كل خلافاتنا (طوائف – مناطق – فكر – عقائد ) فيشي عنّا بيِجمعنا هوّي لبنانيتنا ، يللي هيّي بالنسبة الي أقوى من عرق..

فيشي بَيناتنا منلاقي بلبنانيتنا، وعَم نِكتشفو بين الشخص القاعِد بأبعد جزيرة ، ويللي قاعِد بأبعد قارة، بِتلاقي فيشي بيناتُن..

تعلّق الممثلة رولا:

أنا لمست شي بإيدي، إنّو منّو مؤتمر للتيار، أو للمسيحيي ، او ليللي بِحبّو جبران باسيل.. عَم يكون في ناس من كلّ الطوائف والإنتماءات.. بجنوب أفريقيا كان أكبر حضور لحركة أمل، وكانو بحماس.. ميشان هيك لازم تِبقى نواة للكل، لأنّو كل فئة فيها تلاقي هويتها فيه..

يضيف جبران باسيل:

كنّا عَم نبّش على إنتماء.. فينيقية، لاق عرب… بالآخر “اللبنانية” هي رابطة إنتماء بِتعليّنا عن كلشي تاني..

https://www.youtube.com/watch?v=JLQpibyqj94&feature=youtu.be

رصد Agoraleaks.com