خاص – “الكلمة”: جواب الصغير للمعلمة.. (Audio)

 ✝ كونوا النور… (مارينا شليطا يوم السبت نور) 🙏🕯🙏

* ♰ *

سألت معلمة التعليم المسيحي تلاميذا، شو هيّي الأنوار اللي بِتشوفوها بالكنيسة؟؟؟

صارو الولاد يِتنافَسو ، حتى كل واحد يَعطي الجواب..

بِقلا واحد: أنا بقُول: نور الشمع..

التاني بقول: في نور موجود حدّ بيت القربان، انا كتير بيِلفتني..

التالت بِقول: نور قزاز الملوّن..

وحدو صبي صغير، بيِرفَع إيدو، وبِقول للمعلمة، انا بشوف النور يللي بِعينَين الناس الحاضرين، وعَمْ يصلّوا..

* ♰ *

اليوم بسبت النور حلو نفكّر إنو كتار هنّي اللي عايشين بعتمة الموت.. كتار اللي عايشين بعتبة الأنانية، وبظلمة الخوف، والقلق، وبظلمة الإستلشاء والتسلّط والمادية المفرطة..

كتار اللي عايشين بظلمة النكران والخيانة..

بس يسوع اليوم وكل يوم، عَم يِدعينا نكون نور متلو، هوّي النور.. عَم يقلّنا: بدّي ياكم تكونو شهود قيامة وحياة.. وتعطو شوية حياة ومعنى ورجا لعتمة حياة الكتار..

كونو إنتو الشهود ، وإنتو النور لكل الأشخاص اللي بحياتكم اليومية.. وخلّو كلمتكم ونظرتكم تشعّ نور القيامة، والرجا ليللي حَواليكم…