بالفيديو – شهادة الفنانة نجوى كرم: وجدت الحب الحقيقي وكل أجوبة الكون 🙏

– سلام المسيح، أنا شخص متلي متل الكل، خلقت بعيلة مسيحية وكنت كل أحد رتّل بالكنائس لكل المذاهب ⛪- كنت ملتزمة كل يوم مع أمي تاخدني عَ الكنيسة، وكان مرافقني كلام الإنجيل عَ طول، ونحفظو متل الكل 🙏

(2) أسئلة
– صرت كل ما إكبر، تكبر معي السؤالات.. مشينا بطريق الدِني، والأسئلة كرمالا تكبر 🤔

– حاسّة فيشي ناقصني حقيقة، ولأنو هوي قلنا: إسألوا تعطوا..👌 صرت ضجّ بالأسئلة.. الى إنّو ليلة الميلاد بالذات، شفت عَ التلفزيون كاهن عم يضجّ بالإشيا اللي عَ بالي لاقي جوابات فيها، ووجّ الله فيه، والسؤالات اللي عَم إسألها، حسيتّا حتماً لازم تكون موجودة عندو، سبحان الله ربنا هوي اللي راسملي هيدي الطريق 👌

(3)الأب يوسف يمين 🙏
– مرّت الإيام، وأنا عم إسأل وفتّش.. إجا نهار وأنا عم فتّش على هالكاهن، اللي قلت بدي روح لعندو وإسألو…!!🙏

– دقيّت عندو الباب بعد طول تفتيش، لقيت كأني عم دق باب السما.. فتحة الأب الدكتور يوسف يمين🙏✝🙏

– بلش مشواري معو، وبلشت الأجوبة لحالها تِجي لعندي، وقلي الأبونا “سمعي يا نجوى، رح خليكي تِتلاقي شخصياً شخصياً بالمسيح…” 🙏

– قلت يه، أخوت الأبونا.. خُوِت..!! شو إتلاقى شخصياً بالمسيح..!! قلي: إيه، إيه، بدي خليكي تِتلاقي فيه.. 🙏

– والأبونا بعرِف ما عندو مزح أبداً ، جديتو كانت بمطرح واحد ومخّو بمطرح واحد.. صرنا بهالمطرح الواحد، ونحكي سوا ونعيش سوا للقينا المطرح الواحد.. 🙏

(4) الإنجيل المقدس 🙏
– هالمطرح الواحد، هوي بكتاب واحد، كل الأجوبة فيه، وهوي الإنجيل المقدس 🙏

– صرت شوف قديه هالكتاب مليان حب.. مش قادر يساعني هيدا الحب.. وكنت كل ما حِب، لاقي في مطرح بِساع.. وكل ما عيش هالإنجيل، كل ما حاول حِب أكتر.. لحتى لقيت حالي، إنّو هالجواب فيّي بهالإنجيل يللي فيه كل أجوبة الكون.. 💯

(الخلاصة)
– عرفت وتأكّدت إنّو بالحب، كلنا منكون واحد.. كلنا من دون إستثناء.. لا كبير ولا صغير، ولا غني ولا فقير.. كلنا واحد بالمسيح يسوع ✝

– هيك بعد ما كانت الحقيقة بالنسبة الي، متناثرة، وحروفا مش ملقِيتا.. لقيتا كلها (صدقوني) ومشيت بهالطريق، يللي هوّي حق، لأنو هوي الطريق والحق.. 🙏

– اليوم عم إشهد لإسمو، يعني فيني عَم تضجّ الحياة، يعني فيّي روح، هوي عَطاني ياها، وما بصدّق إنّو حدا بيقدر يعطيني الحياة، يللي سُلبت مني بالأساس الأساس، الا واحد دفع ثمنها حياة 🙏✝🙏

– مش بس دفع ثمنا حياة.. مات وقُبر، ولأنو هوي القيامة قام وعطانا ياها… 🙏