Agoraleaks Agoraleaks
✝ ما يكون عنّا إزدواجية… (مارينا شليطا) 🙏
بحفلة تكريم الموسيقار الإيطالي “توسكانيني” (Toscanini) بِصِرّْ يعرف رأي العازف اللي إشتغل معو على مدى ربع قرن، وقلّو: بدّي منّك تحكي عنّي..
وبعد إصرار الموسيقار، بقرّب العازف، على المنصّة، وبِقول: مين أنا تَ إحكي عن مُعلمي وإستاذي “توسكانيني”، أنا بِنحِني قدامك إجلالاً كموسيقار عظيم.. وبِنحني أمام عظمة أعمالك الفنية.. !!!
بعدا، بِقولْ: أمّا على المستوى الإنساني، وهون بِوقِّف حديثو، وبيحمل حذائو، وبْيضرب فيه بكل قوتو الفنان الكبير…
***
هالقصة الواقعية بدها تدعينا اليوم، ما يكون عنّا إزدواجية بحياتنا الشخصية، والمهنية أو الروحية..
هالقصة الواقعية، بدّا تذكرنا إنو مطرح ما كنّا، لازم ناخود منا هويتنا كأبناء الله، بمواقفنا، بأقوالنا، وبأفعالنا.. لأنّو هودي بكونو أكبر بطاقة تعريف عن حقيقة إيماننا المسيحي…
يا ريت بهالصوم، نتذكّر إنو نحنا رسل المسيح، وحاملين كلمتو، ومدعُوين للعيش على ضَوْ هالكلمة بحياتنا اليومية، إن كان على الصعيد الشخصي، أو على الصعيد المهني..
