بالفيديو – حبيب يونس: لبنان أحلامنا خِلِق.. وجارور الرشوة بدّو يسكّر، متل ما قبعنا الجزمة..👌

– عون مُحرّك لبنان الحديث 🇱🇧

***

مقتطف من حديث الشاعر حبيب يونس لقناة الـ”otv”، ضمن برنامج “حوار اليوم”: (15 آذار 2019)

(1) عون المُحرّك 🇱🇧
– هالوطن العميق والبعيد بالتاريخ، لو زَغتور بالمساحة، مش صدفة إنّو يكون العماد عون رئيس جمهوريتو بإحتفال بالمئة سنة ✔

– ما في حدث مهم مفصلي مرَق عنّا من 1958 لَ 13 ت1- 1990، الاّ ما كان العماد عون بِبوز المدفع، وكان يعرف العلاج كيف لازم يكون، ويعالجوها بطريقة مختلفة 😔

– 30 سنة عمِر التيار عَ 100 سنة، يعني تلت الفترة.. تلت عمر البلد حديثاً شاغلو شخص إسمو ميشال عون، بالـ:
* الجيش
* الحكومة
* المنفى
* لما صار بلبنان عَ مدار 11 سنة كرئيس تكتّل التغيير والإصلاح بالعمل النيابي والوزاري..
وهلق لمّا عمِل رئيس جمهورية.. من هون بِخافو منّو كلُّن..

(2) لبنان الجديد 👆
– المرأة اللي بتِحبل 9 أشهر، أحياناً بتقضيهُن نايمة.. بس قديه بِتكون مبسوطة لما بيخلق الولد..
✔ هيدا لبنان اللي عمرّناه بأحلامنا خِلِق.. وهيدا الجارور اللي بيِفتَح حتى تحطّ الرشوة بدّو يسكّر، متل ما قبعنا الجزمة وشلنا الشريط والنَعل وبعتناها..👌

ما حدا يقول، مش رح يطلع معو شي.. والسلبية رَح نوقفها 👆

(3) النازح السوري
– رئيس الجمهورية مش حاكم مطلق
– رئيس الجمهورية رأس دولة فيها مكونات، وتوازنات معينة
– إنو بتنسّق باللواء إبراهيم وما بتنسّق عَ غير مستوى.. صار في نوع من “شيزوفرينيا” سياسية مش مقبولة.. نحنا لازم نحط عواطفنا عَ جنب، لمّا بدّي إبني دولة، ما في حدا بيكره التاني أد الإلمان والفرنساويي.. بس كان ذات يوم إيزنهاور وكان ديغول وعملو أوروبا العظيمة 💯

https://youtu.be/NgELljv72wM

(حوار اليوم – otv، 15 آذار 2019)