خاص – “الكلمة”: الجوهرة.. (Audio)

✝ حياتنا والمعنى… (مارينا شليطا) 🙏

رجال عم يِمشي بالليل، صوب بيتو.. بحسّ حالو فجأة خايف.. بمرّ من حَدّو رجال كبير بالعمر، بيعطيه كيس، ولمّا بيفتحو بشوف فيه مجموعة حجار..

قرّر يتسلّى حتى يقطّع الوقت، ويوصل عَ البيت.. وصار يكبّ اللي معو، حجرة ورا حجرة.. ولمّا وصل عَ البيت، بيكتشف إنّو في جوهرة ثمينة وحيدة باقية بالكيس..

هون بيعرف إنّو كل الطريق، كان عم يزتّ الجواهر، اللي معو..

***

نحنا كمان، حياتنا هيّي أهمّ جوهرة، وعطية من الله لإلنا..

شو حلو مع كل صباح جديد، نسعى نستفيد، من العطية، ومن هالجوهرة، وما نكون عم نفرّط فِيا..

شو حلو اليوم نشوف المواهب بحياتنا، ونسعى نوضَعا بخدمة الآخرين..

شو مهم لمّا يخلص المشوار، نكون قدرنا حصينا عدد العطايا اللي معنا، ووضعناها بخدمة الآخر… وهيك ما بكون أهمية حياتنا بعدد السنين، ولكن بالمعنى اللي وضعناه بقلبا..