بالفيديو – آدي معلوف: مغلطين إذا مفكرين إنو القواص علينا بخلينا نقول دخيلكُن.. مكملين بمواجهة الفساد 😉

– الموضوع السوري جمرة تحرق اللبنانيي، وبس نكون عَم نغرق، رح نعمل كلشي 👌

***

مقتطف من حديث عضو تكتّل لبنان القوي آدي معلوف، لقناة “المستقبل” ضمن برنامج “كلام بيروت”: (30 آذار 2019)

(1) العمل 👈
– شي مهم، وقف التوظيف بإدارات الدولة.. 👆
– الهيكل رح يوقع عَ الكل.. لذلك اليوم كنائب إذا بشوف الحكومة بتِجتمع مرتين بالأسبوع بالشكل أفضل.. جلسة للكهربا، وجلسة للموازنة.. إيه نعم كترة الجلسات بتأدي لإنتاجية، واليوم هالشي مطلوب لأنو في ملفات كبيرة وكتيري 👌

(2) مقاومة الفساد ⚖
– تكتل لبنان القوي، واضع أمامو 3 عناوين: * الإقتصاد * مواجهة الفساد * النزوح السوري.. 🎯
– القواص عَ بكير ميشان يخلونا نحس حالنا مخجولين ، ودخيلكم لاق ما بتزبط.. 😉
– اليوم عم نتعرض لكتير من الضغوطات، وكتير تشويش، ولغطيطة وضباب، حتى العالم تبطّل فهمانة، ولكن نحنا عارفين لوين رايحين، ومكملين بمشروع مواجهة الفساد 👌

(3) النزوح السوري
– إذا قارنا عمل لبنان بهيدا الملف مقارنة بغير بلدان، رغم إنو المشاكل عنا أكبر.. صار المطلوب وقف لبس الكفوف 💯
– كل المواطنين بصيدا أو ببيروت أو بكسروان عم يعاني من النزوح السوري، بالقليلي علينا ما نخليهُن يفوتو مكان الشب اللبناني بالشغل.. 😉

– اليوم نحنا كنواب بالمتن عنا مؤتمر بشهر أيار لموضوع النازحين، ومتل ما طبّقت بلدية الحدت وفّر عَ اللبنانيي أو لاق؟؟

– بكرا إذا بفل من لبنان مليون سوري، أقلّه بنفس القدرة الحالية الكهربائية، رح يصير عنا 4-5 ساعات زيادة.. ✔
– الموضوع السوري جمرة وما بتِحرق الاّ محلها.. ونحنا كلبنانيي عَم ندفع حقا.. بالنسبة الي بس كون عَم إغرق، بتمسّك بكلشي.. 👌

https://youtu.be/Nk2VcRQ2bg4

(كلام بيروت – المستقبل، 30 آذار 2019)