جوزيف أبو فاضل: إتفاق الطائف و”سكربينتك” سوا.. بدّي قول الحقيقة، مع احترامي للكل لن يُحاكم أي مُسلم فاسد بلبنان (Audio)

– شو المسحيي وحدو بدّو يبني الدولة البقية ما بدّن يساعدوه!!
– إتفاق الطائف و”سكربينتك” سوا، لأنو كَرْخَنْ البلد… (الجزء 2)

***

مقتطف من جديث المحلل السياسي جوزيف ابو فاضل لقناة “الجديد”: (3 آذار 2018)

مخالفة

ما بعرف كيف دغري زياد عيتاني صار بريء.. ! إذا بريء لشو هالضجّة كلها.. كان خلص، تَلفّن الرئيس الحريري بالرئيس “أبو غيدا” وطلعو.. وخلصت.. ليه هالبَرمة كلها..!!

القاضي هاني حجّار، مساعد مفوّض حكومة، إنتُدِب مستشار رئيس حكومة، وما الو حق يكون بشغلو مستشار..!!

القضاء

القضاء شو عليّ ، وقفت علينا..!! نحنا برموش عيوننا منحميه.. وانا عملتْ كتاب عن القضاء كلفت به، وكتبوا عنّي أني صديق القضاة..

نانسي السبع: صار فينا نقول في محرقة بأمن الدولة.. يردّ أبو فاضل:

لاق شو محرقة..!!

إذا هيك، خلينا نقول فرع المعلومات بملف الشهيد رفيق الحريري، عم يركّب ملفات.. وبكل القضايا كمان.. والاّ ليش بعد ما اكتشفوا قضية استشهاد بيار الجميل، او قضية إغتيال أنطوان غانم..!!

ليه لهلق بعد ما عرفو مين حاول يغتال الإعلامية مي شدياق..!! وين فرع المعلومات!! الاّ إذا كانو مركبين القصص باتجاه حزب الله..

لنعتبر إنّو أمن الدولة جنين وعم يتوسّع، وعم ياخود مكانه.. إذا صارت صراع أجهزة صار غير شي، وغير بحث تماماً..!!

تطالب نانسي السبع باستقالات، يردّ عليها أبو فاضل:

هيدا مسيحي ما لازم يستقيل.. رئيس أمن الدولة مسيحي ما لازم يستقيل.. وانا صرت بدّي إحكي بتطرف وتعصّب.. والإسلام بيعرفو شو عم إقصد، والمسيحيي بيعرفو، وحضرتك بتعرفي.. 

خلّي غير جهاز أمن، أو ضابط عادي يستقيل..!!

أنا كمراقب، مع احترامي للجميع، لن يُحاكم أي مُسلم بلبنان بتهمة الفساد.. لأنو الدرزي مدعوم، والسني مدعوم، والشيعي مدعوم.. مين بدّو يتحاكم المسيحي..!!

صارت واضحة..!!

معليه انا عم إحكي الحقيقة، لنعتبر إسما مش سوزان حبيش.. خليها تكون من عَيلة إسلامية، ما كان جرّوها..

انا جوزيف ابو فاضل هيك عم قول، وانا بعرف شو في بالسجون، وعم إحكي بصراحة..

تسأل نانسي: عن قوة العهد، يردّ جوزيف ابو فاضل:

شو بيعملْ العهد.. بيستعيد الدولة وحدو.. إذا هنّي ما بدُّن يساعدو..

كنتي تحكي عن الفلسطينيي عدوّهم، طلعو 174، وهنّي حوالي 600 الف فلسطيني.. بس نحكي عن السوريين ، كمان ممنوع تدخلوا..

أنا علاقتي مع الوزراء والنواب والرؤساء بألف خير، وأقوى شي اللي ما بدّو شي.. لكن مبارح أمن الدولة طلّع بيان أكّد تورّط زياد عيتاني. كيف منوقف ضدّ جهاز وبدنا نشيلو..

أنا جوزيف أبو فاضل اللبناني الوطني، والعروبي وآخر شي المسيحي، كل الضباط المتقاعدين والحاليين بأمن الدولة وبأمن العام والأمن الداخلي والمخابرات، بيعرفو إنّو كلامي صحيح 100%..

هيدا إتفاق الطائف وسكربينتك سوا.. هيدا إتفاق كَرْخَنْ البلد.. عمل البلد مزرعة والناس طائفيي لأقصى الحدود.. وكل من يُدافع عن إتفاق الطائف (ما بدّي هينو) يصطفل الله يحاسبو..

جهاز أمن الدولة منّو تابع لوزير الداخلية.. ونحنا عم نقاتل ميشان دولة نموذجية، هيدي الدولة النموذجبة عم يخربطوها من فوق ومن تحت… الغلط عم يبلش من عند غيرنا.. لما وزير الداخلية يبرئ شخص بعد ما وصل القضاء.. وهوي وزير وصاية على فرع المعلومات وعلى الأمن الداخلي، وليس وصيّ على جهاز امن الدولة…

جهاز أمن الدولة جهاز تابع لمجلس الأعلى الدفاع، ورئيسه رئيس الجمهورية القوي العماد ميشال عون، ورئيس الجكومة سعد الحريري.. والمشنوق مع احترامنا الو لا سلطة عليه.. وهم من الأساس بدُّن الملف يمون عندن…

إنو جهاز أمن الدولة، يللي قطعوا عنّو الأموال، وقاسمينو، ونائب الرئيس فيه يرفض قرارات رئيس الجهاز.. وتمّ بهدلته.. والرئيس تمام سلام ما بدّو يزعّل الرئيس بري.. الخ.. إنو صار جهاز امن الدولة أشبه بمخفر صغير بشي ضيعة، هلق صار الجهاز عم يجي ياخود محلّو، الأجهزة البقية مش قابلة، صارت واضحة..

زياد عيتاني إعترف إنّو قبض مصاري من “كوليت” وراح على تركيا..!

تقول نانسي السبع: صار بدنا كلشي نشكّ فيه..!! يردّ جوزيف ابو فاضل:

شكّي بيللي بدّك ياه.. أي تعذيب عم تحكي.. ما في تعذيب..

رصد Agoraleaks.com