Agoraleaks Agoraleaks
– ناقشتها مع الوزير فنيش، واخذت موافقته.. (جويل بو يونس)
***
بالإستعانة بملف الكهرباء، وتحديداً الخطة الإنقاذية بما فيها البواخر.. إختارت القوات اللبنانية أن تتحدث إنتخابياً من كسروان، فأعلن رئيسها سمير جعجع أمس صراحة أنّه لا يفهم معادلة إمّا بواخر او لا كهرباء.. وذلك لغاية في نفس يعقوب كما قال.
توجهنا الى من رُمي بالسهام عليه “التيار الوطني الحر” وتحديداً لمن عمل أساساً على الملف، وزير الطاقة سيزار أبي خليل، يقول:
- واضح إنو الغاية بنفس يللي عم يعرقل ملف الكهربا.
الغاية بيللي عم يعرقل بناء المعامل.
الغاية يللي بوافق بمجلس الوزراء على شي، وبيرجع بينقلب عَ كلامو بعدان - إذا نحنا ما جينا بالمشروع، يللي هوّي بفكر حدا.. مهذا لا يعني إنّو بصيرو المشاريع التانية فيها فساد
- منرجع منقول الكهربا على مسافة قرار من الحكومة اللبنانية.. ومن يعرقل القرار يختلق مشاكل، لأنو مشاريعهم المعروضة ما بتمشي
– لا تقنياً
– لا بيئياً،
– لا مالياً،
– لا لوجستياً..
اليوم يسمعو منا، بموضوع الكهربا، نحنا اللي منحط إصبعنا بوجّ الكل.. ما حدا بحطّ إصبعو بوجنا..
ليست القوات اللبنانية وحدها المعترضة على البواخر، بل حزب الله الذي أعلن بالأمس وزيره محمد فنيش، إنّو مش ماشيين بالبواخر، فكيف يعلّق وزير الطاقة:
- نحنا قبل ما نعرض الخطة الإنقاذية على مجلس الوزراء، قمنا بمناقشتها مع وزراء الذين يمثلون الكتل السياسية بمجلس الوزراء..
- عندما انا ناقشتها مع الوزير فنيش، واخدت موافقته، اعتقدت إنو الموافقة جايي من حزب الله..
الصفقات ولوائح الفساد، والرشاوى التي حُكي عنها الكثير إعلامياً، بملف الكهرباء، باتت بعهدة القضاء، فكيف يردّ الوزير المعنيّ:
نتمنى من القضاء يروح للآخر بهالحكي اللي قيل. لأنو نحنا بدنا نعرف، مين الأسماء يللي رِشيت مين؟؟ ولأي غاية؟؟ ومين وراها؟؟ وخلينا نشوف لوين بدّو يوصلو..
عجز الكهرباء البالغ 2100 مليار، يشكّل جزءاً كبيراً من عجز الموازنة الذي تخطّى 3000 مليار. والتيار الوطني الحرّ كان واضحاً بنقاطه الإصلاحية الخمسة، ومن بين النقاط الخمس الكهرباء.. يقول سيزار أبي خليل:
- إصلاح الكهرباء مجبورين فيه. ليس هناك من حلّ دون السير بموضوع الكهربا.. والتصويت أمر مشروع قانونياً..
رصد Agoraleaks.com
https://www.youtube.com/watch?v=ywYLjlzE_0Q
