رفيق نصرالله: نحنا أتباع ولاد كلب “زقيفة”.. مع احترامي للحزب وامل (القوى العظمى) ما بياخدوني بالإنتخابات لأني منّي تحت الباط (Audio)

– 90% من نواب الشيعية ما بيعنولي.. وبدّي انزل حتى “زَكزكُن”
– حزب الله – أمل.. يفكران بترشيح سالم وهران وعلي حجازي وغسان جواد…!!

***

مقتطف من حديث مدير المركز الدولي للإعلام والدراسات رفيق نصرالله لقناة الـ”LBC” ضمن برنامج “نهاركم سعيد”: (24 كانون2 – 2018)

عن الإنتخابات النيابية.. وقلّة الحماسة، رداً على سؤال يقول:

1) بعد ما توضحّت صورة الإصطفافات والتحالفات>>>

2) فيشي اسمو خيبة أمل عند الرأي العام، وهوي انكسار الحلم، عملنا قانون انتخابي أعرج. برأيي قانون الستين أفضل ,لو أكثري.. ليه مفكر p]k من اللبنانيين، إذا الإنتخابات تمّت، بدها تقود الى مجلس نيابي جديد…

– هذه الطبقة السياسية بتركيبتها السياسية أو الطائفية الموجودة هيّي اللي قادت الى الفشل بالبلد، على المستوى السياسي والإجتماعي والإقتصادي..

• إنو بقلب أي تكتّل، إذا علقو تنان ، أو بقلب الحركة علقو..
  لو كان في عنا قوى حيّة على الصعيد السياسي والإجتماعي وكان في رأي عام، حر وقادر يحكي مع المعاصرة، ما كان سمح بتمرير هيدا المشروع.. كانت ضلّت النصالات..

يسأله الإعلامي مالك الشريف، في خوف من الديمغرافيا.. هالقد بخوّف الوضع.. منّو نص – نص، ما فيك تلغي الطائفية دغري.. يقول رفيق نصرالله:

• إذاً نحنا بلد إفتراضي.. طيب إذا أنا شيعي وعلماني، ومُعجب بشخصية نضالية مسيحي، بدّي انتخبو.. ما بدّي انتخب الشيعي.. أنا 90% من النواب الشيعة ما بيعنولي..

يُسأل: بدائرتك مافي مسيحي!!

رفيق نصرالله: في مسيحي.

مالك الشريف: إنتخبو..

يقول رفيق نصرالله: عال.. بدنا انتخابات ضمن البرامج السياسية الواضحة.. عم نكذّب على بعضنا..

هالناس الطليعيين المثقفين، اللي عندن قدرات شبابية، ومُفترض تجدّد مجلس النواب.. كيف بدها تخرق؟ عن طريق مين!!

رح أعطيك مثال: انا نزلت بانتخابات 2009، وجبتْ أكتر واحد بالمعارضة، 22.700 صوت..

يُسأل: هل ستنزل بانتخابات 2018؟ يقول:

إذا سمحتلي القوى العظمى، ولن تسمح..

القوى العظمى عندا ناسها، اللي تحت الباط.. أنا مش تحت الباط، فما بنزلوني.. مع انو قياساً على 2009، انا جايب 96% من أصوات الشيعة بدائرة بيروت الثالثة. وهلق أنا إذا نزلت بأمنها 100% بطلعْ. ومع احترامي لحزب الله وحركة امل، (نترك مشروع المقاومة عَ جنب، ما حدن بيقدر يلعب فيه) ما بياخدوني لأني منّي تحت الباط..

كل واحد بياخود لالو.. كيف بدّي انزل؟؟

يسأل: الا يوجد إمكانية؟؟ يردّ:

•  أنا رح إنزل لَ “زكزكزن”. لَ فرجيُن عندي قاعدة، وقاعدة سنية وطنية قومية عربية (آخد 7.800 صوت سني من طريق الجديدي فقط) لأني انسان عروبي ووطني.
• ما بيقبلوني لأنو كل واحد بدّو جماعتو.. وحتى بقضاء مرجعيون، ما فيّي اخرق.. لأنو في معادلة اسمها “الطيبة – الخيام” من أيام كامل الأسعد الجدّ (مرشّح من الخيام، ومرشّح من الطيبة) ، حتى لما ضربنا قلنا الإقطاع، إجا أحمد الأسعد ونفس الشي، وإجا كامل الأسعد.. ، ولمّا إجوا الثوار ، طرقو الإقطاع نفس الشي بعدها.. وبقية كل هالناس “نحنا ولاد كلب” نحنا أتباع ولاد كلب.. نحنا لازم نزقّف..

فيشي غلط ، انا عم إحكيه من محبتي.. وانا مسؤول عن كلمتي، وسجلّها:

إذا الإنتخابات تمّت، وعم أحكي عن المُكوّن الشيعي، بهيدي الوجوه وهيدي الأسماء، بتكون آخر مرّة هيدي القوى الحزبية تصل فيها.. 

نحنا بسنة 2018، نحنا بالزمن المُعولم. في تحولات على مستوى المنطقة. وما حدا يروح بـ”غشمنة” ويعتقد.. في فئات من الشباب عم تكبر، وهالمور بدها تنفجر يوم من الأيام..

بدها تنفجر بيوم من الإيام هيدي الناس، إذا عندن ذكاء، وما عم قول ياخدوني أنا.. روحو غيرو الوجوه.. يا أخي كم قُدّس الله سرّهم.. يعني صرلن 25 سنة، و22 سنة.. يا خيّي تَخْتَخوا هودي من زمن “البروستات”، عم احكي جدّ صار بدّك وجوه جديدي، شو اللي بيمنع؟؟

عنا طاقات، بضيعتي، عنّا 185 شخص حاملين دكتوراه بحولا، وهيدي قرية حدودية جنوبية.. إنو هودي ما فيهم واحد بيفهم..

قالولي عملو اجتماع ، ودعوا فيه مين للإنتخابات.. بدّي قلّن: ضحكنا.. إذا هيدا هوّي نفس الأسلوب، تبقا نخبز بالأفراح.. 

يقول مالك الشريف: لكنهم دعوا وجوه جديدة.. مثلاً إعلاميين: سالم زهران ، علي حجازي ، غسان جواد..

يقول رفيق نصرالله: ماشي الحل، أصدقاء الي، وإذا عم تسألني بقلك، إيه غسان جواد على راسي. وعلي حجازي شبْ طالع جديد.. ليش لاق، من حقّو؟؟

بس بدّي إسأل سؤال: (ومعاذ من كلمة أنا) اللي تاريخو النضالي ، وعم إحكي عن الوجوه الكلاسيكية، اهم من رفيق نصرالله، يطلع يناظرني..

أنا ابن 8 سنين، كان الي الشرف روح، كنا نِضرب بالحجر ع دبابة اميركية، ع دوارة “شاتيلا”. قبل ما يخلقو هودي المناضلين.. نروح نقول “ايزنهاور ما الك منا، خود كلابك وارحل عنا” وحاملين صور عبد الناصر..

وإنضربت، وفُصلت من شغلي ، ودفعت أثمان في سبيل وقفتي مع المقاومة، والآن أنا أُمنع من انو غادر مطار بيروت الى أي عاصمة عربية، اسمي بكل مطار بسبب مواقفي مع المقاومة، وبسبب كلمة الله ونصرالله باسمي..

يللي تاريخو النضالي احسن، ومثقف أكتر وفكرياً، وعندو كتابات.. مستعدّ زقفلو..

وإذا مش هيك، لاق أنظر اليهم دون المستوى..

@رصد_Agoraleaks.com