حلّ من وديع عقل بتصرف البطريرك الراعي لأزمة زودة الأقساط.. (Audio)

– عقار وقف تؤجره الكنيسة بحفنة مال، يُعاد تأجيره بملايين الدولارات (التفاصيل)

***

مقتطف من حديث المحامي وديع عقل لقناة الـ”OTV” وخطته لحل مشكلة الأقساط المدرسية التي يضعها بتصرّف غبطة البطريرك الراعي: (25 ك1- 2017)

• بيقدر تنعمل مش بس للمدارس الكاتوليكية ولغير الكاتوليكية ايضاً، لكل المدارس الخاصة بلبنان، باستثناء المدارس العلمانة.. بيقدر يحطّن كلّن تحت عبايتو ، ويمولهم..
• يللي بيعرفوني مزبوط، انا بجبيل، كنت  بالشبيبة أنا وصغير لما كان سيدنا مطران، كنت كتير نشيط بالأبرشية، وكان يتمنّى اعمل خوري. (ما بعرف، يمكن تصير دعوات متأخرة)

الإقتراح

• اليوم عنا عقارات اوقاف، مؤجرة بمبالغ ضئيلة جداً.
  أعيد تأجيرها بمبالغ كبيري.
  ex: استأجر شخص عقار من وقف، 10.000 م2، عطا الوقف 10 مليون ليرة، أو 20 مليون ل. بالسنة. رجع أعاد تأجيره بِ 100 ألف $

يسأل: وهل يحق له بذلك.. يقول:

• الو حق إذا عقود الإستثمار تجيز التأجير..
  هودي العقارات في منهن كتير.
  انا بدي إحكي عن منطقتي جبيل (ما بحب احكي عن منطقة ما بعرفا)
• هيدا حل بمناسبة عيد الميلاد للاهل ولصدقاءنا بالمدارس الكاتوليكية، وما منكلّف الدولة اللبنانية ليرة لبنانية وحدي.
• بجبيل في عقار ضخم على يمين جسر الفيدار اللي ضربو العدو الإسرائيلي سنة 2006. هناك عقار مستأجرينو بيت “بارودي” وبيت “الحواط” وفي منن واحد مرشّح على الإنتخابات، وبتمنى يبادر معنا عليا.. مستأجيرنو برقم صغير، بتمنى بالشفافية يكشفو قديه المبلغ، وعقار ضخم بآلاف وآلاف وآلاف.. أجرّو عليه:
  – مؤسسات اكل (سلسلة كبيري) كذا مطعم
  – في محطة بنزين
  – في سوبر ماركت ضخم..
  هنّي مستأجيرنو بحفنة، ومأجيرنو بملايين الدولارات…
  نحنا ما بدنا نكسرلن الإستثمار…
  بمبالغ التأجير التاني جيبن، وانا بقلك كسروان وجبيل بتتغطى فرق المعاشات للأساتذة.
• عم نحكي بملايين الدولارات.. هيدا عقار وقف..

وهيك بتكون بشجاعة البطريرك الراعي (متل ما كان شجاع البطريرك الحويك سنة 1914 ومتل ما كان شجاع البطريرك عريضة بالحرب العالمية التانية) بيعطي الفروقات من مصريات أراضي الوقف اللي معطيين بمبالغ صغيري..

لما بدن ياني بكمّل بالإقتراح، وبسميلّن 1000 عقار.. هيدا اقتراح عملي وجدّي.. وبتمنى من الراعي انو يناقش معنا هيدا الموضوع، ومنكون عملنا هدية للسنة الجديدي لكل المواطنين اللبنانيين.. ولقينا حل لأزمة الأقساط المدرسية.. بتكون المدارس بقيت مرتاحة، وما عازت مصاري، لأنو ما بدنا المستوى ينزل. والأهل مرتاحين، والأساتذة تأمنلن زودة لَ يعلمو ولادنا ويكونو مرتاحين.

هذا الحل بتصرف غبطة البطريرك الراعي..

رصد Agoraleaks.cm