عون من بكركي: إذا تصرف غانم مع القضاء صحيح ما حدا بيجي صوبو، إذا منو مزبوط، في مسار اداري (Audio)

– أنا راضي عن سنة العهد ومستعدين نسمع إذا في حدا مش راضي..
– دورة الأقدمية محقة بالجوهر وبالأساس، وأي اعتراض يبتّه القضاء

***

كلمة رئيس الجمهورية العماد ميشال عون في بكركي، بعد الخلوة التي جمعته مع البطريرك الراعي يوم عيد الميلاد: (25 كانون الأول 2017)

كل عيد وانتو بخير، ينعاد عليكن وعلى عائلاتكم.

وعَ اللبنانيين جميعاً بالخير والسعادة وبالسلام

س: عهدك يبدأ بعد الإنتخابات، هكذا قيل، ولكن يبدو انو عهدك بدأ ب 30 تشرين 2016، بماذا تطمئن اللبنانيين، قبيل الإنتخابات النيابية وما بعدها؟؟ 

• قبيل الإنتخابات شفتوها،
  صرلي سنة وطلعنا بالتانية.
  ما بدنا نحكي عن اللي صار.
  انا راضي كتير عن اللي صار،
  إذا حدا مش راضي، يقلي وين قصرّنا؟
  نحنا مستعدين نسمع.

س: هناك حديث عن مرسوم الأقدمية للضباط دورة 1994، ما سُميّت بدورة “عون”، وعن كلام الرئيس نبيه بري ، وما يطلبه الوزير باسيل من تمديد فترة تسجيل المغتربين للأقتراع.. 

يقول الرئيس عون:

انها دورة الإنصهار الوطني

• قصة انتخاب المغتربين بعالجوها بالحكومة، في وزارة الداخلية ووزير الخارجية، وهنّي باللجنة.

سنة الأقدمية

• سنة الأقدمية اللي اعطيناها للضباط هيّي سنة محقة، لأنو ب 13 ت1 – 1990، الدورة كانت بالحربية، وانا كنت موقّع على دخولها..
• حصل كيدية سياسية معينّة، بعتوهم على بيتن للشباب.
  استدعوهم بعد سنتين.. يعني صارو مع الدورة يللي وراهن.
  حاولنا نردلن نص حقّن.. منحناهم سنة أقدمية، هيدي هيّي القصة المحقّة:
  – محقة بالجوهر.
  – ومحقّة بالأساس.
  هيدا مرسوم بيمضي رئيس الجمهورية ورئيس الحكومة، وبعدان ما بيتعمّم لأنو إسميّ.. هيدا كلشي صار.
• هلق إذا عندو اعتراض،
  في عنا قضاء، يتفضّل على القضاء،
  وأنا بكون مبسوط حتى لو كسرولي قراري.
  أنا رئيس جمهورية بكون مبسوط إذا القضاء كسرلي قراري أنا..
• بدكم اكتر من هيك مثول أمام القانون

س: هناك خشية من ثنائية مارونية سنيّة بسبب تجاوز توقيع وزير المال على المراسيم، وبيعتبرو ذلك بشكّل خلل ميثاقي، وخلل دستوري؟ شو بتقول لّ اللي خايفين من هذه الثنائية؟

• قبل كل شي، كل طايفة مش آخدي حقوقا كاملة، ويمكن في ناس دافشين حالن أكتر، بيقدر يعترض بمجلس الوزراء. بيقدر يعترض بمجلس النواب.
• الإعتراض بالصحف هيدا منو مزبوط، هيدا من ناحية المبدأ العام.
• من ناحية المبدأ الخاص فيما يتعلق بوزير المال. ما في عبء مالي، على هيدا المرسوم حتى يمضي وزير المال. وزير مال بيمضي عَ كل مرسوم في عليه عبء مالي على الدولة.

ماذا عن الثنائيات اللي في خشية من البعض منها؟

• يحكو بمجلس الوزراء والنواب. الحكي بالصحف غير مقبول

يُسأل الرئيس عون عن موقع الحريات العامة بعهده، يقول:

• عدّولي كم صحافي في بالحبس. أو كم صحفي محوّل على القضاء؟ كم واحد نحكم؟؟

يسأل عن الزميل مرسال غانم، يقول:

• مرسال غانم أستدعي للشهادة. لو نائب عليه حصانة استدعي للشهادة، بيقدرو يستدعو دون المسّ بالحصانة.
• تصرفو مع القضاء. إذا كان تصرفو صحيح مع القضاء ما حدا بيجي صوبو. بس يكون التصرف مع القضاء منو مزبوط، هناك مسار اداري.

رصد Agoraleaks.com