أمل أبو زيد عن البيت الداخلي بالتيار والتنافس مع زياد اسود وقصة بيع الأراضي والتحالفات.. (Audio)

– ما حدن أكبر من التيار.. وعند الإمتحان يُكرم المرء أو يُهان
– عن قرى صيدا واتصاله ببهية الحريري (التفاصيل)

***

مقتطف من حديث النائب أمل أبو زيد لقناة الـ”OTV”: (28 ت2 – 2017)

الترشّح

• الموضوع ما بفاجئني، كل ما تقرّب الانتخابات. رح تطلع إشاعات.
  بخصوص ما يُحكى:
  1- أنا من الناس اللي ما بيتراجعو من أي مواجهة.
  2- أنا ملتزم بالتيار الوطني الحرّ. وبس يقول انو هوي أحد المرشحين الإثنين على لائحته بجزين سنة 2018. سألتزم.
  3- وخصوصي لما بعرف إنو نتايج الإستطلاعات اللي سلموني ياها المسؤولين عن الانتخابات بالتيار، بقولو فيا، إنو أمل أبو زيد هوي رقم 1 بالمذهب الماروني
• القول مردود لصاحبو، كاناً من يكون صاحبو. أنا زلمي بدأت العمل السياسي والشأن العالم، والناس سلمتني ثقتها، مش ممكن خون ثقتهم
• اللي عندو هيدي الرغبة هوي وبين حالو بيعرف إنو ما ممكن تصير. رح ضل موجود بالمعركة الانتخابية. والنتايج بكرا هيي بتحكي عن حالها.

التحالفات

• إذا بقلك إنو في وضوح بموضوع التحالفات كيف بدها تصير، بكون الواحد عم يضرب بالرمل.
• بالمرحلة اللاحقة يتوضّح. في تلمس لبعض الإتجاهات، مش بس لمنطقة جزين، خصوصة بعد اللي صار مؤخراً بعد عودة الحريري.
• نحنا عنا مرشحينا، وأعلن عنهم مش رسمياً، يعني بالغرف الصغيرة. ولكن بعد الإعلان العلني، التيار قادر يدرس خريطة التوزّع السياسي بالمنطقة، ليحدّد الخيارات النهائية.
• في عنا مروحة كبيرة من الإمكانيات.
  – ممكن نكون مع تيار المستقبل
  – ممكن نكون مع الدكتور أسامة سعد
  نحنا مع الطرفين عنا علاقة جيدة.. ومش لازم ننسى ضمن تكوين المنطقة ، عنا حلف أساسي مع حزب الله، وحركة أمل في عندا مرشّح..
• حزب الله برأيي رح يكون مع التيار الوطني الحرّ أينما كان..

ما في خطر على وصول الدكتور أسامة سعد على الندوة البرلمانية سنة 2018 برأيي.. 

علاقة التيار فيما بينهم

• عنا دور كتيار وطني حر، نعرف كيف نتعاطى مع بعضنا ،
  وكيف نتعاطى مع الناس ،
  ونخلّي الناس ونحفزها انو تطلع تمارس حقها بالصوت التفضيلي..
• وما ننسى انو في عنا:
  – الصوت التفضيلي
  – الحاصل الإنتخابي

يسأل عن البيت الداخلي داخل التيار الوطني الحر.. يقول أبو زيد:

• موضوع الشأن الداخلي بالتيار الوطني الحر، أنا ما بحب فوت فيه علناً، لأنو هيدي مواضيع خاصة تُبحث بين 4 حيطان بالتيار
• فيشي طلع على الإعلام، وكُبرّت المشكلة اكتر من ما هيّ فعلاً.. ونحكى عن مجموعتين وحدي لأمل أبو زيد، والتانية لزياد أسود، ولغاية ما..
• انا بحقلي إحكي عن حالي. أنا وضعي وسياستي وتعاملي بالتيار ومع الناس هوي من منطلق “الجمع” وليس التفرقة.
  إنطلاقاً مع علاقتي الوطيدة مع الناس، ومبدأ التيار بجزين وبكل لبنان التلاقي مع الجميع.. لمصلحة خير الناس ولبنان. ولكن في بعض الناس ما بتفكّر هيك، بعض الناس يمكن بتروح بأفكارا لمحلات متطرفة أكتر.. أنا هيدا أسلوب عملي..
• أنا بضل ضمن التوجهات العامة للتيار. وأنا إبن مدرسة الرئيس عون المعروفة شو هيي.. نمدّ اليد للجميع للتعاون..
• يللي بيعتبر إنو مدّ اليد للناس باحترام وبقرب، انو عم ياخدلو من رصيدو هيدا شأن خاص بينو وبين حالو، إن كان معنا بالسياسة أو ضدنا…
• بقناعتي الشخصية وحسب ما اتعاطى مع الناس، وشوف ردّ فعل الناس. عند الإمتحان يُكرم المرء أو يُهان. الانتخابات محطة قريبة وخلي العالم هيّي تقول رأيا، وأنا مني خيفان. التنافس جيّد من أجل فرز مين الناس بدها..

النضال داخل التيار

• نتمنى ان يكون للتيار 3 نواب للتيار بجزين.
  النضال امر أساسي بالتيار.
  وفي أنواع معينة من النضال، في نضال على الأرض، وفي ناس بتناضل بأمكنة أخرى، مع إحترامي لكل المناضلين بالتيار، وأنا بجلهم، وبحترمن، وخصوصة اللي نزلو على الشارع، واكلو ضرب من الأجهزة الأمنية، ومنهم فاتو على الحبس، وعملو نواب ووزرا.. وهيدا حق طبيعي لالهن.. وهيدا جزء من النضال اللي نحنا منحترمو..

لكن

• في جزء آخر من النضال.
  يمكن هودي الناس ما بيعرفو.
  الأشخاص المعنيين بالتيار الوطني الحر، بالقيادة بيعرفو.
  اللي كنت أنا عم قوم فيه، وغيري عم يقوم فيه.
  ونحنا من الناس اللي ما منحبّ نتبجّح ونقول: نحنا عملنا..
  منعمل بقناعتنا الذاتية اللي عنا ياها، بقلبنا من جوّا..
  وما في لزوم حتى ننشر شو عملنا..
• الإنعكاس اللي صاير، هوي عند الناس.
  لما التيار الوطني الحر والمسؤول عن المكنة الإنتخابية، بقلي “انت يا أمل أبو زيد طلعت الأول” بشكل رسمي بالمذهب بقضاء جزين..
  هذا ماذا يعني؟؟
  ما بيعني انو المناضل ما طلع تاني أو…
  ولو طلع أول بالنسبة الي ما كان في أي إشكالية.
  أنا نايب عمري سنتين. المناضل عمرو 16 سنة بجزين أو بغير جزين.
  لما شخص متلي بعد سنة أو سنيتن قدر يوصل حتى لأدّو. هيدا دليل شو؟؟
  هيدا دليل نشاط ومثابرة بالعمل، وقرب من الناس. ومحبة الناس. وهيدا اللي بهمني.. وما عم انتقص من قيمة زميلي زياد اسود، بالعكس ولكن في حقيقة واقعة، ما لازم الواحد يخبّي عينو، أنا موجود متل ما هوي موجود.. وتنيناتنا بالتيار، وما حدن منّا أكبر من التيار. التيار فوق الجميع. وأكبر من الجميع.

بيع الأراضي 

بيعت ارض من فهد الحريري لمحمد الدنش..

• بالسياسة
  تشويه سمعة ، إنو أمل أبو زيد اللي بتعرفو.. هوي عم يشارك بعملية بيع الأراضي، وشركّو معي بالموضوع رئيس اتحاد بلديات جزين خليل حرفوش
• أصلا الأرض بيملكها فهد الحريري.
  من سنيتن عرفنا انو في محاولة لشخص بدو يشتريها.
  وبالفترة القريبة منعمل مؤتمر صحفي نكشف كلشي..
  خليهم يتسلوا بالموضوع.
  والصحفية اللي عم تكتب دون وجه حق، عم ينطلق من شيء شخصي، وفي حقد.
• قدمنا بدعوى أنا وخليل حرفوش ورح نلاحق الدعوى لأنو بيكفي كذب وإفتراء عَ الناس مُفتعل، والمقصود سمعة أبو زيد وحرفوش.
• كأنو أمل أبو زيد ناطر “الكوميسيون” لبيع الأرض..!
  هني بيعرفو انو أبو زيد شو عمل بمسألة بيع الأراضي،
  وشو عملنا بمدرسة “الحضارة”، لما كانو بدن يقعدو فيا النازحين السوريين
  وبيعرفو شو عملنا مع المطران حداد بموضوع “الناقوزي”
  وبيعرفو كم شقفة أرض كانت عم تنباع لأخواننا المسلمين، ان كان لسنة أو شيعة. وقفنا حدّ اللي بدو يبيع، وقدمنالن مساعدات حتى ما يبيعو…
• هودي الناس كيف بيتجرأوا يقولو امل أبو زيد او خليل حرفوش… هل هني وقفو عملية بيع وحدي؟؟ بس بالحكي منحكي؟؟ نجي على الفعل..

الديمغرافيا

• منقولا بصوت عالي،
  وتفهمونا بهيدا الموضوع.
  فهد الحريري مسلم سني إذا صحيح باع لمحمد الدنش المسلم الشيعي.. شو دور المسيحي بالموضوع؟
• النا علاقة لما بكون الشي عم يصير بشكل ضرر مباشر بالديمغرافيا المكونة منها منطقة جزين..
• في اتصال مع بهية الحريري، وقالت: لن نسمح بأن يكون هناك أي شيء في هذه الأرض ولاد جزين مش موافقين عليه..
• اهلا وسهلا بيللي بحب يطلع ويسكن ويعمّر بيت أو فيللا بجزين..
  بس هل من المعقول بناء مجمعات سكنية متل “كفرجرّة” يللي بيطلع عدد سكانا اكتر من الضيعة نفسا، وممكن يشكل هالشي عامل ديمغرافي مؤثر.

هذا التعصّب إذا كنتي عم تحكي مع الشخص الآخر، وعندو كمان التعصّب الإيحابي، ممكن نوصل لحلّ.. ومن قناعة أنا اللي عم احكيه ما ممكن موجّه ضدو.. بدك تفهمني، في شعور معيّن.  

قرى صيدا

لماذا سلخت قرى صيدا الكاتوليكية عن محيطها وربطت بالنبطية الشيعية.. الا يوجد سبب طائفي..!!

• هذا الأمر ضدّ قناعة التيار الوطني الحر. وجبران باسيل رئيس التيار بقي لآخر لحظة مصر ان تبقى ضمن صلب المنطقة الجغرافية الانتخابية لصيدا والمنطقة
• لكن مش كلشي بتتمنيه ممكن تحصلي عليه.

رصد Agoraleaks.com