Agoraleaks Agoraleaks
– الحريري: لبنان أهم من المشاكل اللي حوالينا
– الحريري: لبنان بلد صغير مزبوط ، ولكن نحنا عنيدين ، ووين ما بترمونا بالعالم اللبناني بيوقف عَ إجريه
***
كلام رئيس الحكومة سعد الحريري في المؤتمر المصرفي العربي: (23 ت2 – 2017)
- بدّي أكدلكم انو نحنا بلبنان همنا الأساسي هوي الاستقرار ،
وهيدا اللي رح نشتغل عليه،
وهيدا اللي رح نقوم فيه بإذن الله
لبنان بلد صغير مزبوط، ولكن نحنا اللبنانيين عنيدين، دايماً منفتّش، وبتعرفونا وين ما كنّا، وين ما بترمونا بالعالم، بيوقف اللبناني عَ إجريه…
- نحنا يجب علينا نوقف على إجرينا ببلدنا بلبنان،
نتكاتف جميعاً لمصلحة لبنان ،
وهالمرحلة اللي مرقت يمكن كان متل صحوة لإلنا جميعاً انو ننظر لمصلحة لبنان قبل ما نكون عم نتطلّع على المشاكل اللي حوالينا…
المشاكل اللي حوالينا مهمة، ولكن لبنان أهمّ
- علاقاتنا بأشقائنا العرب كمان لازم تكون أساس.
ولازم نبحث بكل الوسائل لحتى نقدر نوصل لانو يكون لبنان عندو نأي بالنفس حقيقي وصريح، وليس بالقول ولكن بالفعل أيضاً. - بدّي اشكر اتحاد المصارف،
كلكم اليوم موجودين بهالبلد، بلدكم التاني لبنان.
بكل ثقة يمكن شفتو المصاعب اللي مرقنا فيا، مش بس عم قول خلال هالـ3 – 4 أسابيع، ولكن خلال هالسنين. وهون بدّي شيد بحاكم مصرف لبنان رياض سلامة اللي قدر بالمحلات كنا نحنا السياسيين مختلفين مع بعضنا، قدر هوي انو يحصّ، الليرة اللبنانية. لذلك بشكر رياض على الحكمة اللي كانت عندو.
بقلكم جميعاً انو نحنا مكملين هيدا المشوار اللي بدأه رفيق الحريري، من نهوض اقتصادي ونهوض للإستقرار، وان شاء الله هيدي الطريق ما رح نتخلى عنو..
رصد Agoraleaks.com
