وديع عقل: رجاءً من الناس عبارة “على من تقرأ مزاميرك” شيلوها من قاموسنا.. هدفا تعمل “دبرسة” للناس.. (Audio+Video)

– أي تلكؤ من البلدية بالرد، القانون يفرض عليا غرامة مع كل يوم تأخير

***

مقتطف من حديث مستشار القانوني لوزارة مكافحة الفساد المحامي وديع عقل:

• أوّل ما وصل الجنرال قالولو: ما فيك تعمل شي.. ما بيطلع منك شي. على من تقرأ مزاميرك يا داوود.. رجاء لكل يللي عم يستمعولنا من مشاهدين، بليز هيدي الجملة حذفوها من قاموسنا، بهالأشهر الماضية، كان كل الوقت نصائح للـ”دبرسة” تنعمل “Depression”…
• الفاسد ركّب مافيا عمرا 40 سنة بالبلد،
  ماسكة كلشي بالبلد،
  الناس تتذكّرالميليشيات بلبنان لمّا نحلّت،
  ما ودّوهم على البيوت، جزء كبير فوتووُم عملو موظفين بالدولة،
  يللي كان قطاع طرق برا، عطيو مكتب وقالولو قعود وراه.
  ما حدن غيرلو ذهنيتو..
  ايه في أزمة، وفي جزء من الموظفين مش خرج يكونو موجودين بالوظائف، 
  وفي تركيبة كبيري من فوق ونازل، وماسكة التركيبة: – المالية – التلزيمات – الإدارية، وشو بيمرق حواليهن..

البلديات

• في بلدية اجت توسّع طريق، بيعمل قرار رئيس البلدية بقول: بتكلف 100 الف $ (عَ سبيل المثال)
  بصادق عليه مجلسو البلدي..
  وبصادق عليا القائمقام، وبينرفع للمحافظ..
• المواطن بقلك بتكلّف 5 آلاف % مش 100 الف $،
  جينا عطيناه حل للمواطن، قلنالو: نحنا وانت بدنا نشتغل لنوقف هالشي، ونردلّك ال 95 الف $..

• طلعنا قانون اسمو “قانون الحق في الحصول على المعلومات” 

  وعلى صفحتي على الفايسبوك، بلاقو طلب بيقدرو الناس ينسخو ويعبو..

  وهيدا الطلب بتعبو، وبينبعت لرئيس البلدية، وبتقولولو بدنا موازنة مثلاً سنة 2016
  وعطينا نسخة عن القرارات الإدارية
  وقرارات التلزيم..
  بليز الناس عملوها، وما تقولولنا: شو بصير إذا ما ردوا..
  لكن في المادة 579 بالفقرة 2 من قانون أصول المحاكمات المدنية، بيتقدم طلب الى قاضي الأمورالستعجلة، والنص واضح: في حقوق للأفراد وما في حدا يتعدّى عليا

• اليوم في قانون بيسمح للمواطن يطلع على كلشي بصير بمؤسسات الدولة.
  وبيطلع قرار من قاضي الأمور المستعجلة، وبيطلع معو غرامة إكراهية على البلدية.
  كل يوم 1000$ إذا تأخرّت البلدية من وضع الصور للناس.
  وهيدا الموضوع جدّي، وعلى الناس تمارس حقوقا..

رصد Agoraleaks.com

رصد Agoraleaks.com