ناجي حايك عن علاقة القوات “أوعا خيّك”: آخدين حصتن وأكتر، ويقارنوها بوقت تحالفن مع المستقبل.. (Audio)

– يللي عندو حل يجيب كهربا أسرع وأرخص يقلنا كيف.. الحكي ما عليه جمرك !! (التفاصيل)

***

مقتطف من حديث عضو المجلس السياسي في التيار الوطني الحر الدكتور ناجي حايك لقناة الـ”LBC”: (تشرين الأول – 3- 2017)

عن علاقة التيار والقوات

لو ضمن جنس واحد وفكر واحد، بضل في اختلافات بملفات معينة، الشغلة المنيحة انو نحنا كلنا رايحين ضمن نفس الإتجاه، وان كان في خلاف بإدارة الإتجاه. ورح نعطي مثل..

الكهربا

• كل الناس بدها تجيب الكهربا 24 ساعة على 24 ساعة.
  في ناس عم يقولو: خلينا نتفق نعمل معامل، وهالمعامل بتاخود سنتين، لتوصل الكهربا بِمليار $ (رقم افتراضي)
  بس من هلق لسنتين شو منعمل؟؟؟
  عم نقلن في دراسة عاملا البنك الدولي، بتقول انو اللبنانيي بيخسرو 6 مليارات $ كل سنة، من ورا تقنين الكهربا
  عم نقلن: اسرع طريقة وارخص طريقة، تنجيب الكهربا دغري، مش بعد سنتين، ما عنا حل اسرع وأرخص من بواخر الكهربا..
  ليه؟ لأنو بس تتأمّن الكهربا 24 ساعة باليوم عَ كل لبنان، بكون لبنان وفّر 6 مليارات $ بالسنة
• من هلق لسنة ونص – سنتين، منكون عم نعمل معامل كهربا بديلة عن البواخر،
  ونحنا منعرف انو كلفة استجرار الكهربا من سورية وقبل من مصر، اغلى من البواخر!!!
• في ناس عم يقولو عم تدفعو 6 سنت على كيلواط للباخرة،
  انا بجبلكم ياها ب 4,5 سنت، منسألة أيمتى، بقلنا بعد سنتين…!!!
  من هلق لسنتين عم نخسر 9 مليار $.. منضل نخسرن؟؟ وهون هيي المشكلة ومن هون صرختنا

عن أصحاب المولدات

عم يسرقو الناس، ولا يلتزمون بتعليمات الوزارة، عم نقول جيبو البواخر، وتنتفي الحاجة للمولدات، والى العدادات تبع وزارة الإقتصاد، ولكن طالما لا بواخر وفي تأخير، لنركّب العدادات، حتى نوفّر على جيبة المواطن.

تسأله الإعلامية ندى اندراوس، عن حاجتنا لتركيب “العدادات، يقول عن تجربته:

• أنا عندي بيت ببيروت، مندفع اشتراك الكهربا 200 $ (10 أمبير)
  لأنو بمدّ كابل، واستعملتي أو لاق.. بتدفعي..
  بالجبل، بضيعتي ببجه، البلدية مركبّة “عدادات” للموتور،  بدفع اشتراك بسيط بالشهر، وبرجع بدفع قديه بدفع عَ العداد، وبالتالي بدفع 10 $ على 5 أمبير + وقديه بصرفْ، أوقات زيادة 50 – 60 الف ليرة، بينما هونيك بدفع مقطوع وزيادة..
• يللي عندو حل يجيب كهربا أسرع وأرخص يقلنا…!!
  بس طريقة الأرخص مش يعني بعد سنتين، عم نحكي هلق.
  وهيدا الملف موجود على طاولة مجلس الوزراء، وموجود على طاولة مجلس النواب، وعلى طاولة كل الرئاسات، وعليه مجهر كبير… يللي عندو أي نقطة عالقة (غير بالحكي) وشو بدنا بالحكي ما عليه جمرك.. ويللي بيقدر يقول ويثبّت انو هيدي في صفقة هون، أو هيدا قابض من هون يراجعنا، ويعلنا على الملأ.. أمّا الكلام عن صفقة تحوم.. شو تحوم؟؟
  تفضّل قول وين؟؟

أتسأل اندراوس، ولكن أوعا خيّك هوي اكتر واحد معارض، ويشتمّ رائحة ملتبسة، يردّ ناجي حايك:

هناك إساءة تقييم للهدف من وجود البواخر، وإساءة تقدير فائدة وجود البواخر، ما هوي هيدا الحليف “أوعا خيّك” صاحبنا، عم نقلو نتبه عَ خيّك .. يعني انتبه علينا…

تقول اندراوس: لكن مغيبينو عن بالتشكيلات والتعيينات، يقول:

• شوفي الحكومة كيف اخدو حصتن، كانو متفقين مع المستقبل وعاملين حلف من سنة 2005 لسنة 2016، وكنتو تاخدو كل الحصص بمن فيو حصصنا.. واتفقتو معنا هلق، وين طلعلكم أكتر؟
• حكيي مش تمنين بل للتوضيح وردّ على السؤال.. ونحنا عم نعطيون قد حصتن وقد ما بيستاهلو وزيادة، وهني بيستاهلو.. وما فيشي نكسر بين علاقتنا مع القوات. الأهداف الكبرى نتفق عليا، وبعدن حبايبنا، ولكن بالإنتخابات النيابية، متل ما هوي القانون يمنع التحالف بين القوى السياسية بسبب الصوت التفضيلي
• نحنا لو بقي قانون الستين، ونحنا أصحاب مع كل الناس، ومتحالفين مع:
  – القوات،
  – المستقبل،
  – حزب الله، وكتير من القوى.. وكنا اخدنا اقضية: جبيل + كسروان + المتن + بعبدا + جزين + زحلة + الأشرفية + البترون + الكورة + زغرتا + بشري.. وكان بتحالفنا من المستقبل بيسمحلنا نحصل على مقاعد نواب في بعض المناطق.. 
• قانون الستين كان فادنا كتير، وكتلتنا بدل ما تكون 20 نائب، كانت صارت 35 نائب، بس نحنا مش هيدا هدفنا، والمفارقة انو نحنا بالتيار الوطني الحر مسؤوليتنا فرضت علينا ننظر الى المستقبل اللبناني، ومصلحتهم.. واختيارنا للقانون الجديد ضرنا كفريق ولكن بفيد المسيحيين واللبنانيين، وما حدن بيعمل هيك، ايه ما حدا بيعمل هيك. بس نحنا عملناها..

رصد Agoraleaks.com