بالصوت أغنية كلّوا جبين.. 13 تشرين الجرح زهّر ب 31 من كلمات حبيب يونس (audio)

كلو جبين

رَفْرَفْ عَلَمْ،
رَقَص الرِّمِحْ
وِالسَّيْف غَنّى لِلْقَلَمْ:
تْلاتَّعْش تِشْرين الجِّرِحْ
زَهَّرْ بِواحِدْ وِتْلاتينْ
صار الصِّبِحْ غَلِّةْ قَمِحْ
كِلْ يَوْم بيصَلّي الصِّبِحْ
عِرْس الشَّهادي ياسمينْ
عالي الْوَطَنْ كِلّو جبينْ.

فَجْر الْكَرامي يا شِلِحْ
أَرْز وْمَعَكْ تِحْلى السّنينْ
تْلاتَّعْش تِشْرين الجِّرِحْ
زَهَّرْ بِواحِدْ وِتْلاتينْ
صار الصِّبِحْ غَلِّةْ قَمِحْ
كِلْ يَوْم بيصَلّي الصِّبِحْ
عِرْس الشَّهادي ياسمينْ
عالي الْوَطَنْ كِلّو جبينْ.

حبيب يونس