ناجي غاريوس: بكبو تهم فارغة ليضيعو الناس قصد، وأنا اللي بفهم وجع الناس، قلي 30 سنة بحكّم ليل نهار… (Audio)

– قلكم فخامة الرئيس، من قبل ما يسافر ما تاخدو بالإشاعات.. والعمل اللي عم نعملو جبار

***

مقتطف من حديث النائب ناجي غاريوس لقناة الـ”OTV” ضمن برنامج يوم جديد: 

• المشكل بصير، بس المسؤولين (وهيدي كلمة ما بتطبق على السياسيين اللي كانو مستولين على الحكم من 20 و 30 سنة خلت. ما كان في مسؤولين، كان في ناس حاكمين، والشعب ما كان يفتح تمو، هلق قلنا 5 أشهر عم نزبط خراب 30 سنة (رغم العراقيل)، ومش نحنا حاكمين لوحدنا (كل القوى السياسية داخل الحكومة) صار في ناس بدها تحكي، ومافي مصاري، وكيف بدنا نبعت ولادنا على المدرسة، ليش أول مرة بصرخو.. ما كل سنة بنص أيلول ببلشو يصرخو، وبصيرو يجيبو سيرة زيادة أقساط..
• عم ينكب تهم فارغة ليضيعو الناس، وأنا اللي بفهم وجع الناس. أنا طبيب وقلي اكتر من 30 سنة بحكّم ليل نهار، وبعرف بوجع الناس، وبحسّ مع وجعن، وهلق بس خلص من هون عندي عملية.. 

• لما الواحد بيغلط من أوّل الدرج،
  بيتزحلط كل الدرج،
  من هيك أي غلطة ما بتصصح الاّ بتغييرحقيقي بطال الأساس.
  ولحتى نوقف الأخطاء السابقة، كان لازم نبلش بالموازنة قبل السلسلة.
• هالأرقام اللي عم تنكب، واللي عم تبهر الناس، والأرقام اللي عم تضيّع الأهل.. ونحنا من 50 سنة عنا مدارس رسمية بلبنان، ليه ما تطورت؟؟
• يللي بدو يشتغل بالسياسة يطرحو عليه موضوع، يجو 5 – 6 أشخاص، وكل شخص من ميل سياسي، يناقشو الموضوع، مش يناقشو ضد بعدن،
  يناقشو أيا هوي أفضل منفعة للشعب أو أقل.
• الإصلاحات من أهم الأمور بلبنان يللي لازم تنعمل.. وما في حكومة بالعالم العمل تبعا 100% زابط. لأنو في عدة آراء دايماً، وببلاد اللي فيا ديمقراطية حقيقية مش توافقية، بيتحدوا يللي كانو ضد بعضن على مواضيع اتفقو عليا، وبسقطو الحكومة.. ليه؟ لأنو بسقطو الحكومة الموضوع على ملف معين. ما بسقطو الحكومة لأنو هيدا مسلم أو مسيحي، أو لأنو هيدا تابع لحزب معين.
• قلكم فخامة الرئيس، من قبل ما يسافر، ومن قبل قبل ما يسافر، ما تاخدو بالإشاعات، العمل اللي عم نعملو جبار، بس بما إنو في كتير ورتة ثقيلي..
• رئيس الجمهورية ما بدو مين يدافع عنو، الرئيس هوي عم يدافع عن اللبنانيين.

رصد Agoraleaks.com