سكارليت حداد: في حدن لازم يقول، أنا غلطت.. (Audio)

– ديما صادق تسأل: هل كلمة “منفخّط” هوي التعبير الصحيح لما يقوم به؟ 

مقتطف من حديث الإعلامية سكارليت حداد لقناة الـ”LBC” مع الإعلامية ديما صادق: (أيلول 2018)

تسأل ديما صادق: سكارليت، يعني اليوم إذا كان في طرف سياسي، عم يضوي بشكل واضح، خليني قول تقريباً منطقي، على مكامن الفساد في هذه الحكومة، هل كلمة “منفخّط هوي التعبير الصحيح” لوصف ما يقوم به؟ تردّ سكارليت حداد:

• في خصوصيات بين جريدة الأخبار والتيار الوطني..

تقول صادق: بالزبط هيدا اللي عم قولو، اليوم إذا عنا المنبر الإعلامي لحزب الله يصوّب على باب الفساد، والقوات اللبنانية، والنائب وليد جنبلاط.. معناتا فيشي؟؟ 

تقول سكارليت حداد:

• ما عم قول ما فينا نطرح علامات استفهام،
  أكيد بحقلنا وواجب علينا، بس بلبنان الأمور مش بهالسهولة

منفخّط.. مع غمزة…!!

• يللي اليوم يللي عم ينتقدو، معليه، ليش شو هوي ماضيُون، ما كان في فساد؟
  مين كان الفساد بلبنان كل هالسنين؟
  مش القوات اللبنانية،
  والحزب الإشتراكي،
  وحركة أمل.. كلن سوا

تقول صادق: مش عم نزّه القوات اللبنانية، ولكنهم لم يكونو ضمن.. تردّ حداد:

• مبلا كانو شركاء منذ العام 2005، بالنهاية أنا بقول هني ذاتن اللي عملو الحرب الأهلية، هني ذاتن بعدان صارو أهم العناصر بالوصاية السورية، ورجعو فجأة شلحو وحطو “كاسكيت” الحرية والإستقلال والسيادة..
• أنا بقول في أسباب سياسية اكتر ما هيي موضوعية، أنا مش عم قول التيار الوطني الحر ما بيعملو أغلاط، ولكن عم قول يللي عم يتهمن مش أحسن منن.

عن عرسال والتحقيقات

• كان فايت فيا تيار المستقبل، وغير المستقبل. كلنا شفنا كيف راحو غير شخصيات مهمة بفريق 14 ليتضمانو مع أهالي عرسال..

تقاطعها صادق: مع أهالي عرسال، تردّ حداد:

• ايه مع أهالي عرسال،
  ايه مين كان أهالي عرسال..

صادق: أهل عرسال يعني العراسلة، وهل التضامن مع أهالي عرسال يعني.. سكارليت تردّ: 

• ايه طبعاً، أهل عرسال، يللي بيناتن “أبو طاقية” و “أبو عجينة”، وهودي كانو داخلين بمشروع، ونواب وشخصيات 14 راحو لعندن، والسلطة كانت بوقتا بعرسال لرئيس البلدية ولأبو طاقية يللي هوي قرابتو..
• في حدن لازم يقول: أنا غلطت.
  مش طالبة مشانق متل البعض.
  ولا طالبة حتى حبس.
  بس حدا يطلع يقلنا: يا عمي بعتذر منكم أنا غلطت، إتخذت بمشروع كنت مآمن فيه، ولكن فشل.
• إذا طلعتي على عرسال بهديديك الفترة ما فيكي تمشي وتطلعي بالشوارع بعد الساعة 8 بالليل، قد منن هني (ارهابيي أبو طاقية وأبو عجينة) موجودين وبخوفو..
• هيدا كلو لإلنا، حتى ننقي ذاكرتنا، ونصفي حساباتنا مع الماضي، ومش عم اطلق حكم، (أنا صحفية) بس بتحرز القصة ينعمل تحقيق مزبوط…

رصد Agoraleaks.com