الأب غاريوس: فهموني عم سبّ الأحزاب، لاق كل الأحزاب مباركة إذا… (Audio)

– عم مشكل خلاني انزل من السيارة.. وقس انجيلي مصري يعتذر عن اضطهاده لمريم
– أعظم شغلة علمها اليهود للأمم: تدمّرالصيت.. (التفاصيل)

مقتطف من عظة الأب الياس مارون غاريوس في القاع: اللطف يهدّ مملكة ابليس (أيلول 2017)

• اليوم عنا أزمة اسما “الحرية”، أحرار لأنو منملك حرية أبناء الله،
  فلذلك منشوف مار بولس، بخلينا نتأمل بمفهوم التلمذة لَ الله وليسوع.
  ببعدين الأول، الرسالة، والتاني بالإصغاء.

التلمذة ليسوع

• كل واحد منا يعرف نفسو، ويعرف انو كل مرة مندخل لنبشّر بيسوع، انو بحقلو كل انسان يرفضكم، 100% الة حق يرفضكم، والو حق يضربكم.. بس إنتو ما الكم حق أبداً تقولو: أف شو هالقساوة، بطلنا بدنا نعمل رسالة
• التلمذة ليسوع بتفرض علينا نكون رجال، حاملين بايدنا “المسعفة” اللي عم تنضّف العنكبوت من جسمنا. ومن دماغنا. ومن عينينا… نحنا منقشع الإشيا متل ما بدنا نشوف. ومنحكم عَ الناس متل ما نحنا منفكر…
• ونحنا المسيح خلصنّا ونصلب كرمالنا، حتى يقلنا لا تخافوا..
  ليش نحنا بدنا نكون عايشين جزئياً بالأمور: شوي من يسوع. وشوي من السهر والسكر، من كلشي شوي هيدا غلط… يسوع مش طالب منك تعطي كل وقتك، بس طالب منك انك تكون رجال قدام القائد تبعك.
• بالجيش بيعطو أوسمة لَ يللي بكون شجاع، أي وسام اليوم يسوع بدو يعطينا ياه، وكرمال شو؟ ما عنا ولا وسام؟؟؟
• وين إصغاءنا كبشر للقائد يسوع، ما عم نقدر نطيع تعاليمو، حتى نربح المعارك.
  ليه عم نعيش الضعف… يا الله دخيل اسمك؟

هيدا ضعف.. أوعا تفكرو سؤال معنا حق فيه…

• العالم والزمن متل بعضو، من 600 سنة ومن 2000 سنة، ومن 100 ألف سنة، ومن مليون سنة لليوم، نحنا اللي منتغيّر.. ويسوع ما حط علينا شرط عطانا حريتنا لأنو حبنا وعطانا ذاتو.. أمّا

• إبليس حط علينا شرط، ونحنا مصرين نقبل شروطو لأنو بتدغدغ الفكر، وبتدغدغ الجسم.. ومصرين انو نرفض يسوع اللي قلنا: يا بني أعطني قلبك، ونحنا إذا عطينا قلبنا ليسوع يعني بطّل فينا نعمل خطية…
• والشر اللي فينا، عم يزعح نفسنا قبل غيرنا، إذا بالرسالة بدو يكون عندي جرأة بإعلان كلمة الله…

مشكل

• بإحدى المرات صادفت أحد الأشخاص عَ الطريق:
  – فجأة نزل شخص من سيارتو بجرأة عظيمة، وقال للشب اللي بوجو: ربّك يا حيوان. بجرأة مش طبيعية عم يسبّ الرب…
  – صفّيت عَ جانب، بدّي شاهد المشهد بعيني، لأنو كانت متوحشة شوي القصة.
  – بس الشبْ التاني رفع ايدو، وشال الفرد من جيبتو..
  – قلو: يا زلمي، شوفيها هالدني..
• أول كلمة ربّك، يا حيوان.
  وتاني كلمة، شو فيها هالدني..
• نحنا اليوم منخاف ومتواطئين مع إبليس علىالله. عم نضطر نسبّ الله حتى نفش خلقنا، بس حد يوقف بوجنا، منضطر انو نحني راسنا، وننزل نبوس الأرض، لأنو خفنا من الفرد اللي بوجنا… وهيدي هيّي الجبانة، انك انت بتسّب الله تتفش خلقك، بس بتكون خاضع لإبليس وقت اللي بتخاف… يا عيب الشوم على الرجال. ما بيقدرو يسبو الشر اللي فيون، حتى يفشو خلق الله.

إرضاء الله مش إرضاء الناس

• مرة طرقت وعظة، احد الأشخاص فهمني انو عم سبّ الأحزاب.
  لاق.. كلحزب مبارك من الله.
  ولكن كل حزب لا يقوم على الإعتراف بكلمة الله، قبل كلمتو، يكن شريراً، ونقطة عَ السطر.
  حبني نحب، ونبغض بغض ما عندي مشكل.
  بدكم تفهمو انو كل حزب ما بحط كلمة الله قبل كلمتو يكن كاذباً ودجالاً..
  ما نتملق لناس، والزعيم تنعمل واسطات، كوني واثقين ربنا هوي وحدو اللي بيعطيك مجدك، فما تطلب مجد من الناس، الله بيعطيك المجد اللي بتستاهلو، ومجدو مجد ملكوت السموات…

اللطف

• وحدو بدمّر مملكة ابليس، نحكي مع بعضنا بلطف.. حتى لو كانت الصعوبات فوق راسنا دك..
  خيي الله معك، مضطر صف سيارتي مطرحك، بدل ما قلو: بلا إحساس شيل سيارتك من هون؟؟ في فرق كبير.. 
• كمان علينا أن نسجد امام الله بلطف.. مش ببكي، وبصريخ وخوف وقلق.. عرفوا انو ذواتكم حاملة ذات الله الإلهية.
• الرسالة قديمأً كانت هينة شوي، كان يروح من بيت لبيت، يروح مشي، أو عَ الدابة.
  اما اليوم فصار التواصل هيّن، بيلقطو السيللولير: Tic-Tic-Tic
  – يا بيتواصلو مع بعضن بكلمة الله،
  – يا بتواصلو مع بعضن بكلمة الشر،
  فأصبحت الرسالة الإبليسية اكبر نمو، فبما انو تطورنا، ممنوع نصير نتتّور (من كلمة ثور) بدنا نتطور ونودي ونبّش بالكتب عن كلمة حلوة، عن جملة مفيدة ونوديها.. ما ضروري من الإنجيل.. نبشو ع أي كلمة حلوة..
• كانو قديماً يضربو الرسل، كيف؟ يلحقوهم يضربوهن بالعصي.. يقتلوهم.. اليوم كيف صار التدمير للرسول؟
  علمونا اليهود، أعظم شغلة بتدمير الأمم: تدمّرالصيت. وكيف؟؟ بالنسنسة، بييئس وبيقعد عَ جنبْ. وكم من رسول قعد على جنب من ورا الحكي.. من هيك ما تسمعو لا لكلمة صالحة ولا طالحة.

مرتا ومريم

• كتير منشرح الإنجيل ومنقول، يسوع رفض طريقة مرتا… يسوع ما قلنا مرتا غلط، أو مريم غلط… أبداً.
  شو اللي صار بين مرتا ومريم؟ مريم ست البيت، والبيت لالها، وصل يسوع، عم تهتم فيه بشكل مش طبيعي؟ واهلا وأهلا يسوع جايي لعنا.. ويسوع عندو صديق اسمو العازر (خيْ مرتا ومريم) ولكن بس فات يسوع، مرتا اعتبرت يسوع انو زاير غريب… صارت تهتم وتهتم.. وصلت مريم وقعدتْ.. الاهتمام مش غلط، الإضطراب بس غلط…
• بعرف عندكم مسؤوليات بالبيوت، بس القلب الحلو بدّو إرادة حلوة

مصر

• سنة الماضية ظهرت العدرا بمصر،
  بوقتا قامو الإنجيلية بمصر: وقالو هيدا الشيطان ظهر، مش العدرا
• اليوم شي بكبّر القلب، قسيس واقف بين تلاميذو وعم يقول وعم يبكي:
  نعتذر اليوم من العذراء مريم، لأنو تهمناها انو هيي مش قديسة، ونعتذر من العذراء مريم انو هيي مش ام الله الاله. ومنعتذر ومنقلا سامحينا.. ومنقلك انو نحنا ولادك، ونمشي معك خطى القداسة صوب الرب يسوع، لأنو من دونك ما في خلاص.
• وبالآخر القسيس وقف قدام ذاتو وبكي، وقلو سامحني يا يسوع لأن اضطهدت امك 100 سنة،
  ولكن بدي قلك سأضطهد ذاتي الغائرة والثائرة، وأقول لك: اني أحبك في حضن امك.. 

قس انجيلي: يا رب سامحني عَ كل حاجة قلتها عَ الطايفة التانية ومريم (Audio+Video)