ناجي حايك من دارة المطران بولس عقل: المطران نصار يمثل وجدان الكنيسة المارونية المجاهدة (Audio)

– ناجي حايك: ما حدا بيقدر يجرّب وديع عقل بالمال والمناصب والسياسة
– ناجي حايك: طارق خطيب رمز التعايش وتأكدو أنو نقولا تويني رح يقطع بسيفو رؤوس الفاسدين

أقام مستشار وزارة الدولة شؤون الفساد المحامي وديع عقل لقاء في دارته، في بيت حباق – قضاء جبيل، شارك فيه وزيرا البيئة طارق الخطيب، وشؤون الفساد نقولا تويني، النائب البطريركي العام المطران الياس نصار، النائب السابق شامل موزايا، عضو المجلس السياسي في “التيار الوطني الحر” الدكتور ناجي الحايك ورندلا جبور، وعدد من رؤساء البلديات والمخاتير والناشطين على مواقع التواصل الاجتماعي من مختلف المناطق والمذاهب ومدعوون.

وقد القى عضو المجلس السياسي في التيار الوطني الحر الدكتور ناحي حايك كلمة ترحيبية بالمناسبة، ومما قاله:

• المطران بولس عقل اللي ورّت وديع عقل اسمو، ونضالو، وشخصيتو، ورجوليتو، وحس المقاومة، والقدرة على المقاومة، وعلى عدم الخوف.. وإذا كان في خوف، الخوف يولّد شجاعة، ما يولّد جبن.
• المطران بولس عقل ورّث وديع عقل، عدم الخضوع، والبعد عن التجربة. ما حدا في يجرّب وديع عقل. ما حدا في يجربو، بالمال، وبالمناصب، وبالسياسة..
• أستاذ وديع بينطبق عليك، وعلى هالبيت الكريم، ونحنا من بجّة منجي عليه من سنة، تضل أرضك تغزل نار، وتزهّر رجال وأحبار وثوار، ومش شهداء… (ونشاله يضل بيتكم مفتوح انت واخوتك وخياتك)

أنا باسمك وديع عقل، بدّي رحّب:

• 1) سيدنا المطران الياس نصار، 
  مطران الثورة، وبلاد جبيل ملوك الثورة..
  نحنا منبحك، لأنك بتمثل الوجدان اللبناني، وبتمثل وجدان الكنيسة المارونية المجاهدة، يللي بتدافع عن لبنان، وبتوقف حد الحق… هيدا بيتك متل ما بيت كل هالمنطقة من 100 سنة. ويللي وقف مع اهل الجبل بسنة 1915- 1917، وكان مقاوم، مش كتير عليه انو يجي خليفتو الإستاذ وديع…
• 2) ترحيب خاص بإقليم الخروب، المتمثل بالوزير طارق الخطيب،
  معالي الوزير انت رمز من رموز مش بس التيار الوطني الحر، ورمز للوحدة الوطنية، ولبنان…
  إنت رمز منحبو،ومنفتخر فيه، ولما منقول الأخوة بالوطن، والشركاء بالوطن، والمقاتلين والمجاهدين، منكون عم نحكي عنك، اهلا وسهلا بممثل العماد عون فخامة الرئيس اللي شرّف لبنان من خلالك..
• 3) من بيروت البداية والنهاية، منرحب يمعالي وزير مكافحة الفساد نقولا تويني، 
  التغيير والإصلاح يللي هوي شعار العهد، هوي بيد معالي الوزير،
  معالي الوزير اتكال العهد عليك، واتكال لبنان عليك.
  انتا مبلش معك عصا، هلق اليوم من بلاد جبيل بدنا نسلمك سيف، وهيدا السيف بدك تقطع في رؤوس الفاسدين، ونحنا منعرف انو العماد عون هيدا يللي بدو ياه، وهوي يتكّل على سيفك القاطع، لأنو هوي سيف الحق….
• 4) أهلا وسهلا بالاستاذ طوني عطالله، من كسروان قلب لبنان النابض..

شكراً لإستاذ وديع عقل مرة تانية، ونشالله بقيامة لبنان، وباراحة لبنان من الفساد.